Abşeron Rayon Məhkəməsi Qərardad — İş №3(012)-805/2023

Azərbaycan Respublikası adından QƏRARDAD Xırdalan şəhəri İş № 3(012)-805/2023 12.05.2023 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Səfiyeva Cəmilə İbrahim qızı, Şəxs barəsində Azərbaycan Respublikası İXM-nin 529.3 maddəsi ilə təqsirləndirilməsinə dair inzibati xəta haqqında materiala baxaraq MÜƏYYƏN ETDİM: Şəxs barəsində Azərbaycan Respublikası İXM-nin 529.3 maddəsi ilə təqsirləndirilməsinə dair Bakı şəhəri Nəsimi rayon Məhkəməsi vasitəsilə Baş DYPİ tərəfindən tərtib edilmiş 28 yanvar 2023-cü il tarixli,İXP ******* saylı inzibati xəta haqqında protokol daxil olmuşdur. Məhkəmə iş materiallarını araşdıraraq hesab edir ki, inzibati xəta haqqında protokol və ona əlavə olunan sənədlər geri qaytarılmalıdır. Belə ki, Baş DYPİ tərəfindən 28 yanvar 2023-cü il tarixli,İXP ******* saylı inzibati xəta haqqında protokolun məzmunundan görünür ki, Şəxs barəsində EQ 11611224 saylı, 04,10, 2022-ci il tarixli prtotokol üzrə Abşeron rayon Məhkəməsinin 26 aprel 2023-cü il tarixli, 3(012)-712/2023 saylı qərarı ilə o,Azərbaycan Respublikası İXM-nin 529.3 maddəsi ilə inzibati xətanın törədilməsinə dair inzibati məsuliyyətdən azad edilmişdir. Azərbaycan Respublikasının İnzibati Xətalar Məcəlləsinin 100.1-ci maddəsinə əsasən bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda aşağıdakılar göstərilir: 100.1.1. protokolun tərtib edildiyi tarix və yer; 100.1.2. protokolu tərtib etmiş şəxsin vəzifəsi, soyadı, adı, atasının adı; 100.1.3. barəsində inzibati xəta haqqında iş üzrə icraat aparılan şəxs haqqında məlumat; 100.1.4. inzibati xətanın törədildiyi yer, vaxt və bu xətanın mahiyyəti; 100.1.5. inzibati xətaya görə məsuliyyət nəzərdə tutan bu Məcəllənin müvafiq maddəsi; 100.1.6. olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; 100.1.7. barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; 100.1.9. inzibati xətanın törədilməsi nəticəsində şəxsin sağlamlığına yüngül zərər vurulmuşdursa və ya maddi zərər yetirilmişdirsə, bu hallar barədə qeydlər; 100.1.10. inzibati xəta haqqında iş üzrə icraat üçün zəruri olan digər məlumatlar. Həmin Məcəllənin 53.1.7 maddəsinə əsasən barəsində inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh tətbiq etmək haqqında hakimin, səlahiyyətli orqanın (vəzifəli şəxsin) qərarı olduqda, yaxud inzibati xəta haqqında işə xitam verilməsi barəsində ləğv edilməmiş qərar olduqda, habelə həmin fakt üzrə cinayət işi başlamaq haqqında qərar olduqda inzibati xətalar haqqında işlər üzrə icraat rədd edilir. Məhkəmə hesab edir ki , Şəxs barəsində EQ 11611224 saylı, 04,10, 2022-ci il tarixli prtotokol üzrə Abşeron rayon Məhkəməsinin 26 aprel 2023-cü il tarixli, 3(012)-712/2023 saylı qərarı olduğundan, inzibati xəta haqqında material qeri qaytarılmalıdır. Şərh olunanlara əsasən və Azərbaycan Respublikası İXM-nin 40, 100, 109, 110 və 114-cü maddələrini rəhbər tutaraq Qərara aldım: Şəxs barəsində Azərbaycan Respublikası İXM-nin 529.3 maddəsi ilə təqsirləndirilməsinə dair Baş DYPİ tərəfindən tərtib edilmiş 28 yanvar 2023-cü il tarixli,İXP ******* saylı inzibati xəta haqqında protokol və ona əlavə olunmuş materiallar geri qaytarılsın. Məhkəmənin hakimi:Cəmilə Səfiyeva