Abşeron Rayon Məhkəməsi Qərar — İş №3(012)-809/2021

Azərbaycan Respublikası adından QƏRAR Xırdalan şəhəri İş № 3(012)-809/2021 18.05.2021 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Quliyeva Sevinc Məhəmməd qızının, Vəliyeva Nərmin Elçin qızının katibliyi ilə barəsində inzibati xəta haqqında icraat aparılan şəxs Şəxs, inzibati tənbeh vermə barədə protokol vermiş şəxs Abşeron RPİ-nin Qobu PBnin sahə rəisi, polis baş leytenantı X1 iştirakı ilə, xx.xx.1979-cu il tarixdə Ermənistan Respublikası, Yexeqnadzor rayonu, Qeşin şəhərində anadan olmuş, Azərbaycan Respublikasının vətəndaşı, subay, orta təhsilli, işləməyən, Saatlı rayonu, Şirinbəy kəndində qeydiyyatda olan və yaşayan Şəxs barəsində Abşeron rayon Polis idarəsinin Qobu PB-dən daxil olmuş inzibati xəta haqqında işə Abşeron Rayon Məhkəməsinin inzibati binasında açıq məhkəmə iclasında baxaraq, MÜƏYYƏN ETDİM: Şəxs Azərbaycan Respublikasının İnzibati Xətalar Məcəlləsinin (bundan sonra İXM) 206-cı maddəsi ilə nəzərdə tutulan inzibati xəta törətməsi haqqında tərtib edilmiş protokol Abşeron Rayon Məhkəməsinə daxil olmuşdur. Məhkəmə iclasında dindirilmiş, inzibati xətanın törədilməsi haqqında protokol tərtib etmiş şəxs Abşeron RPİ-nin Qobu PB-nin sahə rəisi, polis baş leytenantı X2 protokolda qeyd olunanları təsdiq edərək bildirdi ki, 17.05.2021-ci il tarixdə sərxoşluq hallarının bütün növlərinin təyini məqsədilə aparılan tibbi müayinəsi zamanı Şəxs marixuana adlanan narkotik vasitə qəbul etməsi aşkar olunmuşdur. Şəxs Azərbaycan Respublikasının İnzibati Xətalar Məcəlləsinin (bundan sonra İXM) 206-cı maddəsi ilə təqsirləndirilməsinə dair MN ******* saylı protokoldan görünür ki, 17.05.2021-ci il tarixdə sərxoşluq hallarının bütün növlərinin təyini məqsədilə aparılan tibbi müayinəsi zamanı Şəxs kakos adlanan narkotik vasitə qəbul etməsi aşkar olunmuşdur. Məhkəmə iclasında dindirilmiş barəsində inzibati xəta haqqında icraat aparılan şəxs Şəxs ifadəsində bildirdi ki, 17.05.2021-ci il tarixdə Abşeron rayonu, Hökməli qəsəbəsində olduğu zaman Abşeron RPİ-nin polis əməkdaşları ona yaxınlaşaraq Abşeron rayonu, Hökməli qəsəbəsində onun narkotik vasitə qəbul etməsində şübhəli bilinərək onu Abşeron RPİ-nin Qobu PB-nə aparmışlar. Abşeron RPİ-nə gəldikdən sonra polis əməkdaşları onun narkotik maddə qəbul edib-etməməsini müəyyənləşdirmək üçün onu Sumqayıt şəhərində yerləşən Narkoloji Dispanserə aparmışlar. Analiz götürüldükdən sonra onun narkotik vasitə olan kakos qəbul etdiyi aşkar olunmuşdur. O, əməlindən peşman olmasını və barəsində yüngül cəza təyin edilməsini məhkəmədən xahiş etdi. İş materiallarında olan Abşeron RPİ-nin Qobu polis bölməsinin əməliyyat müvəkkili , polis leytenanı Xətai Şirinovun raportundan görünür ki, 17.05.2021-ci il tarixdə saat 23.20 rdələrində Abşeron rayonu, Qobu PB-nin inzibati ərazisində xidmət aparan zaman Qobu- Hökməli yolunda 1 nəfər şəxsin özünü şübhəli apardığını görmüş, yaxıhlaşdıqda vizual olaraq narkotik vasitəin təsiri altında olduğundan şübhələnmiş, şəxsiyyətinin müəyyənləşdirilməsi üçün bölməyə dəvət olunmuş və araşdırılarkən həmin şəxsin əvvəllər məhkum olunmuş xx.xx.1979-cu il təvəllüdlü, Şəxs olması müəyyən olunmuş və qanuni tədbir görülməsi xahiş olunmuşdur. İş materiallarında olan 17.05.2021-ci il tarixli, A/410 saylı sərxoşluq hallarının bütün növlərinin təyini məqsədi ilə aparılan tibbi müayinə protokolundan görünür ki, Şəxs narkotik vasitə olan kakos qəbul etmişdir. İş materiallarında olan AZA 013962 saylı tutma protokolundan görünür ki, Şəxs 17.05.2021-ci il tarixdə, saat 23:55 radələrində inzibati qaydada tutulmuşdur. Beləliklə, məhkəmə iş üzrə toplanmış sübutların və onların məcmusunun tam, hərtərəfli və obyektiv baxılmasına əsaslanmaqla belə nəticəyə gəlir ki, barəsində inzibati xəta haqqında icraat aparılan şəxs Şəxs Azərbaycan Respublikası İXM-nin 206-cı maddəsi ilə nəzərdə tutulmuş inzibati xəta törətməsi özünün tam etirafedici ifadəsi ilə yanaşı, şahid ifadələri, keçirilmiş ekspertizaların rəyləri, maddi sübut və cinayət işinin digər materialları ilə məhkəmə istintaqında tamamilə sübuta yetirilir. İnzibati xəta haqqında işin materiallarını tədqiq edərək, barəsində inzibati xəta haqqında icraat aparılan şəxsi və protokol tərtib edən şəxsi dinləyərək, hesab edirəm ki, toplanmış sübutlarla Şəxs inzibati xətanı törətməsində təqsiri tam sübuta yetir və onun törətdiyi əməl Azərbaycan Respublikası İXM-nin 206-cı maddəsi ilə düzgün tövsif olunmuşdur. Həmin Məcəllənin 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi inzibati xətadır, həmin xətanın törədilməsi inzibati məsuliyyətə səbəb olur. Azərbaycan Respublikasının İXM-nin 22-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 32.2-ci maddəsinə görə isə, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, həmin Məcəllənin 33.1.1-ci maddəsinə əsasən törətdiyi əməli səmimi etiraf etməsini və əməlindən peşmançılıq çəkməsini Şəxs məsuliyyətini yüngülləşdirən hallar hesab edir. İş üzrə Şəxs məsuliyyətini ağırlaşdıran hal müəyyən edilmədi. Hesab edirəm ki, Şəxs həbs növündə tənbeh tətbiq etməklə, inzibati tənbehin məqsədlərinə nail olmaq olar. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-130-cu maddələrini rəhbər tutaraq, QƏRARA ALDİ: İnzibati xəta törədən şəxs Şəxs Azərbaycan Respublikasının İnzibati Xətalar Məcəlləsinin 206-cı maddəsi maddəsi ilə nəzərdə tutulmuş inzibati xətanın törədilməsində təqsirli bilinsin və ona 22 (iyirmi iki) gün müddətində həbs növündə inzibati tənbeh tətbiq edilsin. İnzibati həbs etmənin əvvəli 17 may 2021-ci il, saat 23:55-dəqiqədən hesablansın. Şəxs barəsində narkomaniyadan məcburi müalicə təyin edilsin və o, ərazi narkoloji dispanserində qeydiyyata alınsın Qərarın icrası Azərbaycan Respublikası Səhiyyə Nazirliyi Respublika Narkoloji Mərkəzinə, Abşeron rayon Polis idarəsinə, qərarın icrasına nəzarət isə Abşeron rayon İcra və Probasiya Xidmətinə həvalə edilsin. Qərardan təqdim edildiyi və ya alındığı gündən 10 (on) gün müddətində Abşeron Rayon məhkəməsi vasitəsilə Sumqayıt Apelyasiya Məhkəməsinə şikayət verilə bilər. Sədrlik edən:Sevinc Quliyeva