Abşeron Rayon Məhkəməsi Qərar — İş №3(012)-985/2024

Azərbaycan Respublikası adından QƏRAR Xırdalan şəhəri İş № 3(012)-985/2024 13.05.2024 ABŞERON RAYON MƏHKƏMƏSİ Mən, Abşeron Rayon Məhkəməsinin hakimi Quliyeva Sevinc Məhəmməd qızının, Əhmədov Şəhriyar Eldar oğlunun katibliyi ilə, Abşeron RPİ-nin İŞ-nin sahə rəisi, polis leytenantı X3, barəsində inzibati xəta haqqında icraat aparılan şəxs Şəxs və onun müdafiəçisi Abşeron rayon Vəkil Bürosunun vəkili X1 iştirakı ilə, xx.xx.1984-cü il tarixdə Qubadlı rayonunda anadan olmuş, Azərbaycan Respublikasının vətəndaşı, evli, orta təhsilli, əvvəllər məhkum olunmamış, Qubadlı rayonu, Xanlıq ərazi dairəsi, Xanlıq kəndində qeydiyyatda olan, ünvan 1 ünvanında yaşayan Şəxs barəsində Abşeron Rayon Polis İdarəsindən daxil olmuş Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati xəta haqqında materiala açıq məhkəmə iclasında baxaraq, MÜƏYYƏN ETDİM: Şəxs Azərbaycan Respublikasının İnzibati Xətalar Məcəlləsinin (bundan sonra İXM) 535.1-ci maddəsilə nəzərdə tutulan inzibati xəta törətməsi haqqında tərtib edilmiş MN ******* saylı, xx.xx.2024-cü il tarixli protokol Abşeron Rayon Məhkəməsinə daxil olmuşdur. Məhkəməyə Abşeron RPİ-nin İŞ-nin sahə rəisi, polis leytenantı X6 bildirdi ki, xx.xx.2024-cü il tarixdə Abşeron rayonu, Masazır qəsəbəsi, Zəngilan şəhərciyi bina 4 qarşısında səs-küy salaraq polis əməkdaşları xidmət apararkən onların qanuni tələbinə qəsdən tabe olmamışdır. Məhkəmə iclasında Şəxs inzibati xəta törətməsini qəbul etdi və izahat verərək bildirdi ki, o əməlindən səmimi peşmandır, ona yüngül cəza təyin edilməsini məhkəmədən xahiş etdi. Şahid Zəngilan rayon Polis Şöbəsinin PPXB-nin manqa komandiri vəzifəsində işləyən X5 bildirdi ki, xx.xx.2019-cü il tarixdən DİO-da xidmət edir. 2021 -ci ildən Zəngilan RPŞ-nin PPXB-nin manqa komandiri vəzifəsində işləyir. xx.xx.2024-cü il tarixdə Abşeron rayon Masazır qəsəbəsi Zəngilan şəhərciyində xidmətdə idi. Saat 02:50-də bina 4 qarşısında səs-küy olduğunu eşitdi. Həmin ərazidə xidmət aparan polis kiçik serjantı Hüseynli Hüseyn binanın qarşısında içkili vəziyyətdə səs-küy salan şəxsə yaxınlaşdığını ona bildirdi. O, həmin yerə gedən zamana qədər Hüseyn sonuncuya etdiyi əməlin hüqaqazidd olduğunu, gecə saatlarında insanların istirahətini pozduğunu, birgəyaşayış qaydalarına əməl etməyini bildirmişdi. Lakin həmin şəxs qanuni tələbə qəsdən tabe olmayaraq əvvəlcə Hüseynin ünvanına daha sonra onların ünvanına nəlayiq ifadələr işlətməyə başladı. Onlar həmin şəxsi polis şöbəsinə dəvət etdi, həmin şəxs getməyəcəyini bildirərək onlara müqavimət göstərməyə , qanuni tələbinə qəsdən tabe olmamağa davam etdi. Daha sonra həmin şəxsi qanuni şəkildə polis şöbəsinə gətirən zaman şöbənin qarşısında Hüseyn yenidən əl-qol atmağa başladı və onun formasına əl ataraq sağ paqonunu qopardaraq yerə atdı. Daha sonra rəhbərliyə və polis əməkdaşlarının ünvanına nəlayiq ifadələr işlətdi. Digər şahid Zəngilan rayon Polis Şöbəsinin PPXB-nin polis nəfəri vəzifəsində işləyən X5 eyni məzmunlu izahat vermişdir. Məhkəmə iclasında dindirilmiş müdafiəçi X4 bildirdi ki, barəsində inzibati xəta haqqında iş üzrə icraat aparılan Şəxs səmimi peşman olmasını nəzərə alaraq məhkəmədən yüngül cəza təyin etməsini xahiş etdi. İnzibati xəta haqqında işin materiallarını tədqiq edərək, barəsində inzibati xəta haqqında icraat aparılan şəxsi və sahə rəisini dinləyərək, məhkəmə hesab edir ki, toplanmış sübutlarla Şəxs inzibati xətanı törətməsində təqsiri tam sübuta yetir və onun törətdiyi əməl Azərbaycan Respublikasının İXM-nin 535.1-ci maddəsi ilə düzgün tövsif olunmuşdur. Belə ki, iş materiallarında olan Abşeron rayon Polis İdarəsinin iş materiallarında olan raportdan görünür ki, Məhkəməyə Abşeron RPİ-nin İŞ-nin sahə rəisi, polis leytenantı X6 bildirdi ki, xx.xx.2024-cü il tarixdə Abşeron rayonu, Masazır qəsəbəsi, Zəngilan şəhərciyində polis əməkdaşları tərəfindən saxlanılarkən polis əməkdaşlarının qanuni tələbinə qəsdən tabe olmamışdır. İş materiallarında olan tutma qərarından görünür ki, Şəxs xx.xx.2024-cü il tarixdə 03:00 radələrində tutulmuşdur. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini, əmlak vəziyyətini və onun təqsirinin dərəcəsini nəzərə alır. Azərbaycan Respublikasının İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, inzibati tənbeh onun yuxarı həddinin üçdə birindən az ola bilməz. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Məhkəmə Azərbaycan Respublikasının İXM-nin 32.1.1-ci maddəsinə əsasən törətdiyi əməli səmimi etiraf etməsini və əməlindən peşmançılıq çəkməsini, xx.xx.2012-ci il təvəllüdlü Nuray Səfizadə adlı 1 azyaşlı övladının olmasını onun məsuliyyətini yüngülləşdirən hallar kimi nəzərə alır. İş üzrə Şəxs məsuliyyətini ağırlaşdıran hallar müəyyən edilməmişdir. Məhkəmə hesab edir ki, Şəxs cərimə növündə tənbeh tətbiq etməklə, inzibati tənbehin məqsədlərinə nail olmaq olar, bu növ inzibati tənbehin təyin edilməsi qanuni və ədalətli olmaqla yanaşı, həm də inzibati məsuliyyətə cəlbetmənin məqsədlərinə uyğundur. İnzibati xəta törədən şəxs Şəxs məhkəmə iclasında 3 saat olmaqla, cəmi 18 manat pul dövlət hesabına hüquqi yardım göstərmiş Abşeron rayon Vəkil Bürosunun vəkili X2 Azərbaycan Respublikasının Dövlət büdcəsinin vəsaiti hesabına ödənilsin. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-130-cu maddələrini rəhbər tutaraq, QƏRARA ALDİM: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanın törədilməsində təqsirli bilinsin ona, Azərbaycan Respublikasının İnzibati Xətalar Məcəlləsinin 31.4-1-ci maddəsinə əsasən 150 manat inzibati cərimə növündə inzibati tənbeh tədbiri tətbiq edilsin. İnzibati xəta törədən şəxs Şəxs məhkəmə iclasında 3 saat olmaqla, cəmi 18 manat pul dövlət hesabına hüquqi yardım göstərmiş Abşeron rayon Vəkil Bürosunun vəkili X2 Azərbaycan Respublikasının Dövlət büdcəsinin vəsaiti hesabına ödənilsin. Qərarın icrası Abşeron Rayon İcra və Probasiya Şöbəsinə həvalə edilsin. Qərardan təqdim edildiyi və ya alındığı gündən 10 (on) gün müddətində Abşeron Rayon məhkəməsi vasitəsilə Sumqayıt Apelyasiya Məhkəməsinəşikayət verilə bilər. Sədrlik edən: Sevinc Quliyeva