Abşeron Rayon Məhkəməsi Qərar — İş №3(012)-998/2023

Azərbaycan Respublikası adından QƏRAR Xırdalan şəhəri İş № 3(012)-998/2023 20.06.2023 ABŞERON RAYON MƏHKƏMƏSİ Həsənov Vaqif İskəndər oğlunun sədrliyi, Ağazadə Yunis Şükür oğlunun katibliyi, İnzibati xəta haqqında protokol tərtib etmiş Abşeron rayon İcra və Probasiya Şöbəsinin icra məmuru X2, barəsində inzibati xəta haqqında iş üzrə icraat aparılan şəxs Şəxs və onun müdafiəçisi Xırdalan şəhər Vəkil Bürosunun vəkili X6 iştirakları ilə xx.xx.1962-ci il tarixdə Daşkəsən rayonu, Təzəkənd kəndində anadan olmuş, Azərbaycan Respublikasının vətəndaşı, subay, orta təhsilli, işləməyən, Abşeron rayonu, Xırdalan şəhəri, məhəllə 28, ev 3, mənzil 36-da qeydiyyatda olan və Xırdalan şəhəri, Kristal Abşeron yaşayış kompleksi, bina 20, mənzil 82-də yaşayan Şəxs Azərbaycan Respublikasının İnzibati Xətalar Məcəlləsinin (bundan sonra İXMnin) 528.1-ci maddəsi ilə inzibati xəta törətməsinə dair Abşeron Rayon İcra və Probasiya Şöbəsindən daxil olmuş inzibati xəta haqqında protokola Abşeron Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Abşeron Rayon İcra və Probasiya Şöbəsindən daxil olmuş xx.xx.2023-cü il tarixli, MN seriyalı ******* nörməli inzibati xəta haqqında protokolda və ona əlavə olunmuş sənədlərdə göstərilmişdir ki, Şəxs Daşkəsən Rayon Məhkəməsinin 2(030)-429/2019 saylı xx.xx.2019cu il tarixli icra sənədini icra etmir. Borclu 2672 manat məbləğində ödəniş etmiş və hazırda borcu 23992,79 manat təşkil edir. Nəticədə Şəxs barəsində Azərbaycan Respublikası İXM-nin 528.1-ci maddəsi ilə inzibati xəta haqqında protokol tərtib edilmiş və baxılması üçün məhkəməyə göndərilmişdir. Məhkəmə iclasında Abşeron Rayon İcra və Probasiya Şöbəsinin icra məmuru X3 bildirdi ki, Daşkəsən Rayon Məhkəməsinin 2(030)-429/2019 saylı xx.xx.2019-cu il tarixli icra vərəqəsinə əsasən Abşeron rayonu, Xırdalan şəhəri ünvanında olan cehiz əmlakı X12 verilməli, əmlak olmadıqda onun 34395 manat məbləğində dəyəri, 26 manat dövlət rüsumu borclular X4, Şəxs və X5 alınaraq X12 ödənilməli, 4 manat dövlət rüsumu X12 aid edilməlidir. Daşkəsən Rayon Məhkəməsinin 2(030)-429/2019 saylı xx.xx.2022-ci il tarixli qərardadı ilə qətnamədə yol verilmiş yanlışlığa düzəliş edilmiş və əmlak olmadıqda 39685 manat məbləğində pulun tutulması qərara alınmışdır. İcra vərəqəsi üzrə xx.xx.2021-ci il tarixdə icraata başlanmış və borcluya tələbin könüllü icrası haqqında bildiriş göndərilmişdir. xx.xx.2021-ci il tarixdə borclunun ünvanında olan əmlaklar götürülərək tələbkara qaytarılmış, lakin tərəflər arasında mübahisə olduğundan icra hərəkətləri dayandırılmış və ünvanda olmayan əşyalar siyahıya alınmışdır. Aşkarlanmamış əmlakların ümumi dəyəri 27565 manat məbləğində hesablanmış və Şəxs tərəfindən Abşeron Rayon İcra və Probasiya İdarəsinin hesabına bir dəfə 1750 manat, daha sonra 437 manat və 485 manat olmaqla, ümumilikdə 2672 manat məbləğində ödəniş edilmişdir. Həmçinin müxtəlif icra hərəkətləri aparılmış, Şəxs mülkiyyətində olan nəqliyyat vasitələrinin üzərinə həbs qoyulmuşdur. Lakin xeyli müddət keçməsinə, həmçinin dəfələrlə xəbərdarlıq edilməsinə baxmayaraq borclu Şəxs icra sənədi üzrə qalan borcu ödəmir. Bununla bağlı üzürlü səbəb kimi qeyd olunan əşyaların onun evindən oğurlanmasını bildirmişdir. Həmçinin məhkəmə icraatı zamanı borclu borcundan 3000 manat məbləğində ödəniş etmişdir. Ona görə də, Şəxs barəsində Azərbaycan Respublikasının İnzibati Xətalar Məcəlləsinin müvafiq maddəsi ilə inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında göstərdi ki, tələbkar X13 evdə qalan əmlaklar ona məxsus olmasına baxmayaraq götürmür, digər qızıl-zinyət əşyaları isə qaynı tərəfindən evindən oğurlanmış və hazırda polis idarəsində araşdırma gedir. Ödəniş etdiyi 2672 manat məbləğində pulu iş yeri olan zaman ödəmiş, lakin hazırda iş yeri və gəliri yoxdur, özü də şəkər xəstəsidir. Həmçinin məhkəmə icraatı zamanı 3000 manat məbləğində ödəniş etmiş, qalan borcu da hissə-hissə ödəyəcəkdir. Məhkəmə iclasında Xırdalan şəhər Vəkil Bürosunun vəkili X10 izahat verərək qeyd etdi ki, borclu Şəxs borcundan əvvəllərdə və hazırkı məhkəmə icraatında da müəyyən məbləğ ödənişlər etmişdir. Həmçinin Şəxs xəstəliyini də nəzərə alaraq barəsində yüngül cəza təyin edilməsini xahiş etmişdir. İş materiallarında olan Daşkəsən Rayon Məhkəməsinin 2(030)-429/2019 saylı xx.xx.2019-cu il tarixli icra vərəqəsinə əsasən cavabdehlər X11, Şəxs və X5 Abşeron rayonu, Xırdalan şəhəri ünvanında olan cehiz əmlakları alınıb X12 verilməli, əmlak olmadıqda onun 34395 manat məbləğində dəyəri cavabdehlər X11, Şəxs və X5 alınıb iddiaçı X12 ödənilməlidir. İş materiallarında olan Daşkəsən Rayon Məhkəməsinin 2(030)-429/2019 saylı xx.xx.2022-cu il tarixli qərardadına əsasən qətnamənin nəticə hissəsində yol verilmiş yanlışlıq aradan qaldırılaraq “əmlak olmadıqda 39685 manat məbləğində dəyəri” kimi oxunması qərara alınmışdır. İş materiallarında olan Abşeron Rayon Məhkəməsinin 8(012)-99/2022 saylı xx.xx.2022-ci il tarixli qərardadına əsasən Daşkəsən Rayon Məhkəməsinin 2(030)- 429/2019 saylı xx.xx.2021-ci il tarixli icra sənədinin icrasını təmin etmək məqsədi ilə borclu Şəxs mülkiyyətində olan “Daewoo Nexia” minik markalı, ** BU *** və “Dong Feng” yük markalı, ** OE *** dövlət qeydiyyat nişanlı avtomobillərin üzərinə həbs qoyulmuşdur. Məhkəmə işdə iştirak edən şəxslərin işin halları ilə bağlı verdikləri izahatları dinləyib, inzibati xəta haqqında işin materiallarını tədqiq edərək, o nəticəyə gəlir ki, Şəxs Azərbaycan Respublikası İXM-nin 528.1-ci maddəsi ilə nəzərdə tutulmuş inzibati xətanı törətmiş iş üzrə toplanmış mötəbər sübutlarla onun həmin maddə ilə inzibati xəta törətməkdə təqsiri tam sübuta yetir və törətdiyi əməl düzgün olaraq Azərbaycan Respublikası İXM-nin 528.1-ci maddəsi ilə tövsif olunmuş, qeyd edilən əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Odur ki, Şəxs həmin maddə ilə təqsirli bilinərək, inzibati qaydada tənbeh edilməlidir. Məhkəmə işin müəyyən olunmuş hallarına münasibət bildirərək qeyd edir ki, barəsində inzibati xəta haqqında iş üzrə icraat aparılan şəxsin hərəkətləri məhkəməyə onun bu hərəkətlərinin icra sənədinin icrasından üzrsüz səbəbdən yayınması kimi qiymətləndirilməsi qənaətinə gəlməyə əsas verir. Azərbaycan Respublikası Konstitusiyasının 129-cu maddəsinin İ və İİ hissələrinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. İnsan Hüquqları üzrə Avropa Məhkəməsi “Hornsbi Yunanıstana qarşı” iş üzrə 19 mart 1997-ci il tarixli Qərarında vurğulayır ki, razılığa gələn dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı. Həmçinin, Avropa Məhkəməsi “Burdov Rusiyaya qarşı” iş üzrə 7 may 2002-ci il tarixli Qərarında qeyd edir ki, məhkəmə qərarının icrasının gecikdirilməsinə xüsusi hallarda haqq qazandırıla bilər. Amma bu gecikdirmə Konvensiyanın 6-cı maddəsinin 1-ci bəndi ilə qorunan hüququn mahiyyətinə xələl gətirməməlidir. Barəsində inzibati xəta haqqında iş üzrə icraat aparılan şəxs tələbkarın özünə məxsus əşyalarını götürməməsi, həmçinin qızıl-zinyət əşyalarının oğurlanması ilə əlaqədar icra sənədini icra edə bilməməsinə istinad etsə də, məhkəmə qeyd edir ki, istinad edilən dəlil əslində keçən uzun müddət ərzində yuxarıda sadalanan sənədin icra edilməsi üçün bəhanə olmaqla dövlətin adından qəbul edilmiş və qanuni qüvvəyə minmiş məhkəmə qətnaməsinə etinasız yanaşmanın göstəricisidir. Məhkəmə barəsində inzibati xəta haqqında iş üzrə icraat aparılan şəxsə inzibati tənbeh tətbiq etmək məsələsini həll edərkən inzibati xətalar qanunvericiliyinin aşağıdakı prinsip və müddəalarını rəhbər tutur: Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 12-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 22-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 32.2-ci maddəsinə görə isə, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Digər tərəfdən, ədalətli və qanuni cəza təyinatı zamanı ilə bağlı məhkəmə onuda nəzərə alır ki, "İnsan hüquqlarının və əsas azadlıqların müdafiəsi haqqında" Avropa Konvensiyasına dair 4 saylı Protokolun 1-ci maddəsinə görə heç kəs yalnız hər hansı bir müqavilə öhdəliyini ödəmək iqtidarında olmadığına görə azadlıqdan məhrum edilə bilməz. Bu tələb eyni zamanda BMT-nin Mülki və Siyasi Hüquqlar Haqqında Beynəlxalq Paktın 1ci maddəsində və Azərbaycan Respublikasında İnsan Hüquq və X1 Tənzimlənməsi Haqqında Azərbaycan Respublikasının Konstitusiya Qanununun 4.6-cı maddəsində də təsbit olunmuşdur. 4 saylı Protokolun 1-ci maddəsi və yuxarıda göstərilən digər hüquq normaları insanın azadlığı və ləyaqəti anlayışından fərqli olaraq, sadəcə fərdin konkret öhdəliyini yerinə yetirməsi üçün maddi və saitin olmadığına görə onun istənilən şəkildə azadlıqdan məhrum edilməsini qadağan etməyə yönəlib. Bununla belə məhkəmə hesab edir ki, törətdiyi inzibati xətaya görə X7 barəsində inzibati tənbeh tətbiq edilməlidir. Məhkəmə barəsində inzibati xəta haqqında iş üzrə icraat aparılan şəxs Şəxs haqqında inzibati tənbeh tədbiq edərkən, Azərbaycan Respublikasının İnzibati Xətalar Məcəlləsinin 31-ci maddəsinə müvafiq olaraq xətanın xarakterini, törədilmə şəraitini, inzibati xəta törədən şəxsin şəxsiyyətini, onun təqsirinin dərəcəsini, eləcə də, cəmiyyətin maraqlarını nəzərə almaqla barəsində inzibati cərimə növündə tənbehin tətbiq edilməsini məqsədə müvafiq hesab edir. Azərbaycan Respublikası İXM-nin 55.2 və 77.3-cü maddələrində nəzərdə tutulan məsələləri müzakirə edərək məhkəmə qeyd edir ki, iş üzrə maddi sübut yoxdur, vəkilin iş materilları ilə tanış olmaqla birlikdə məhkəmədə iştirak etdiyi müddət 6 iş saatı müddətinə bərabər olduğundan, həmin iş saatları üçün Nazirlər Kabinetinin xx.xx.2018-ci il tarixli, 202 saylı qərarına əsasən hüquqi yardım haqqı 6 manat miqdarında nəzərə alınmaqla dövlət büdcəsinin vəsaiti hesabına ödənilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-115 və 128-ci maddələrini rəhbər tutaraq, məhkəmə QƏRARAALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinsin və ona 700 (yeddi yüz) manat məbləğində inzibati cərimə növündə inzibati tənbeh tədbiri tətbiq edilsin. Qərarın icrası Abşeron rayon İcra və Probasiya şöbəsinə həvalə edilsin. Şəxs məhkəmə iclasında 6 saat olmaqla, cəmi 36 manat məbləğində pul dövlət hesabına hüquqi yardım göstərmiş Xırdalan şəhər Vəkil Bürosunun vəkili X8 Azərbaycan Respublikasının Dövlət Büdcəsinin vəsaiti hesabına ödənilsin. Qərardan onun təqdim edildiyi və ya alındığı gündən 10 (on) gün müddətində Abşeron Rayon Məhkəməsi vasitəsi ilə Sumqayıt Apelyasiya Məhkəməsinə şikayət və ya protest verilə bilər. Hakim: Vaqif Həsənov