Ağdam Rayon Məhkəməsi Qərar — İş №3(013)-30/2024

Azərbaycan Respublikası adından QƏRAR Ağdam rayonu İş № 3(013)-30/2024 10.01.2024 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi, Barəsində inzibati xəta haqqında iş üzrə icraat aparılan Şəxs iştirakı ilə, xx.xx.1981-ci ildə Tərtər rayonunun İlxıçılar kəndində anadan olmuş, Azərbaycan Respublikası vətəndaşı, orta təhsilli, evli, işləməyən, Tərtər rayonunun İlxıçılar kəndində yaşayan Şəxs barəsində Azərbaycan Respublikasının İnzibati Xətalar Məcəlləsinin 535.1-ci maddəsi ilə Ağdam Rayon Polis Şöbəsindən daxil olmuş inzibati xəta haqqında materiala baxaraq, m ü ə y y ə n e t d i: Şəxs 08 yanvar 2024-cü ildə saat 11 radələrində Azərbaycan Respublikasının Daxili İşlər Nazirliyi tərəfindən Ağdam rayonunun Təzəkənd kəndində qurulmuş posta gələrək rayonun işğaldan azad edilmiş hissəsinə keçmək istəmiş, orada xidmət aparan Ağdam Rayon Polis Şöbəsinin əməkdaşları onu icazəsi olmadığından postdan buraxmadıqda təkidlə işğaldan azad edilmiş əraziyə keçmək istəyərək polis əməkdaşlarının qanuni tələbinə tabe olmamışdır. Barəsində inzibati xəta haqqında iş üzrə icraat aparılan şəxs qismində məhkəmədə izahat verən Şəxs təqsirini etiraf edərək bildirmişdir ki, 08 yanvar 2024-cü ildə saat 11 radələrində Ağdam rayonunun Təzəkənd kəndində yerləşə polis postna gələrək işğaldan azad edilmiş əraziyə keçmək istəmişdir. Polis əməkdaşlarına əraziyə keçmək barədə icazəsinin olduğunu demiş, lakin polislər yoxladıqdan sonra icazəsinin olmadığını ona demişlər. Bu səbəbdən polis əməkdaşları ilə mübahisə edərək onun icazəsinin olduğunu demişdir. İlk dəfə olaraq inzibati xəta törətdiyini, tutduğu əməldən peşmançılıq hissi keçirdiyini və himayəsində iki uşağının olduğunu qeyd etməklə ona köməklik göstərilməsini xahiş etmişdir. Şahid qismində məhkəmədə izahat verən Ağdam Rayon Polis X2 Xidməti Bölüyünün polis nəfəri X1 göstərmişdir ki, 08 yanvar 2024-cü ildə saat 11 radələrində Azərbaycan Respublikasının Daxili İşlər Nazirliyi tərəfindən Ağdam rayonunun Təzəkənd kəndində qurulmuş posta xidmət apardığı vaxt Şəxs gələrək rayonun işğaldan azad edilmiş hissəsinə keçmək istəmişdir. Yoxladıqdan sonra Babəki icazəsi olmadığından postdan buraxmamışdır. Babək onun tələbinə tabe olmayaraq icazəsinin olduğunu bildirib əraziyə keçmək istəmişdir. Polis şöbəsinə aparıldıqdan sonra Babək səhvini başa düşərək polis əməkdaşlarından üzr istəmişdir. Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməsi özünün etirafı, iş materiallarında olan və məhkəmə baxışında tədqiq edilmiş xx.xx.2024-cü il tarixli MN № ******* saylı inzibati xəta haqqında protokol, şahidin məhkəmədə verdiyi izahat və digər iş materialları ilə təsdiq olunur. Şəxs Azərbaycan Respublikasının İnzibati Xətalar Məcəlləsinin 33-cü maddəsində nəzərdə tutulan məsuliyyətini ağırlaşdıran hal yoxdur. Onun ilk dəfə olaraq inzibati xəta törətməsi və təqsirini etiraf edərək tutduğu əməldən peşmançılıq hissi keçirməsi məsuliyyətini yüngülləşdirən hallardır. İş materiallarında olan xx.xx.2024-cü il tarixli MN № ******* saylı protokoldan görünür ki, Şəxs xx.xx.2024-cü ildə saat 15:50-də inzibati qaydada tutulmuş və xx.xx.2024-cü ildə saat 17:00-da azad edilmişdir. Azərbaycan Respublikasının İnzibati Xətalar Məcəlləsinin inzibati qaydada tutulmuş şəxs barəsində inzibati həbs istisna olmaqla, tətbiq edilən digər inzibati tənbehin həddi, bu Məcəllənin xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Məhkəmə belə hesab edir ki, Şəxs barəsində inzibati cərimə növündə tənbeh tətbiq etməklə, onu qanunlara əməl edilməsi ruhunda tərbiyələndirmək, həm onun özü, həm də başqa şəxslər tərəfindən yeni inzibati xəta törədilməsinin qarşısını almaq kimi Azərbaycan Respublikasının İnzibati Xətalar Məcəlləsinin 21-ci maddəsində göstərilən inzibati tənbehin məqsədlərinə nail olmaq mümkün olacaqdır. Məhkəmə Şəxs barəsində inzibati tənbeh tətbiq edərkən onun törətdiyi xətanın xarakteri, şəxsiyyəti, təqsirinin dərəcəsi, əmlak vəziyyətini, habelə məsuliyyəti yüngülləşdirən halları nəzərə almışdır. Yuxarıda göstərilənlərə əsasən, Azərbaycan Respublikasının İnzibati Xətalar Məcəlləsinin 21,30-31, 40,43,48-51,128-130-cu maddələrini rəhbər tutub, q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinib, yüz əlli manat məbləğində inzibati cərimə edilsin. Qərarın surəti rəsmi qaydada verildiyi vaxtdan on gün müddətində Ağdam Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə apelyasiya şikayəti verilə bilər. Sədrlik edən Mahir Niftəliyev