Ağdam Rayon Məhkəməsi Qərar — İş №3(013)-332/2024

Azərbaycan Respublikası adından QƏRAR Ağdam rayonu İş № 3(013)-332/2024 15.05.2024 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi, Barəsində inzibati xəta haqqında iş üzrə icraat aparılan Şəxs, Zərər çəkmiş şəxs X3 iştirakı ilə, xx.xx.1992-ci ildə Ağdam rayonunun Kosalı kəndində anadan olmuş, Azərbaycan Respublikası vətəndaşı, orta təhsilli, evli, işləməyən, Ağdam rayonunun Kosalı kəndində qeydiyyatda olan, Ağdam rayonu Quzanlı 100 Evlər qəsəbəsi ev 366da yaşayan Şəxs barəsində Azərbaycan Respublikasının İnzibati Xətalar Məcəlləsinin 510-cu maddəsi ilə Ağdam Rayon Polis Şöbəsindən daxil olmuş inzibati xəta haqqında materiala baxaraq, m ü ə y y ə n e t d i: Şəxs 07 aprel 2024-cü ildə saat 13 radələrində Ağdam rayonunun Quzanlı qəsəbəsində R.N.Rüstəmovun ünvanına nalayiq ifadələr işlədib ictimai qaydanı pozmuşdur. Barəsində inzibati xəta haqqında iş üzrə icraat aparılan şəxs qismində məhkəmədə izahat verən Şəxs təqsirini etiraf edərək bildirmişdir ki, Rövşən Rüstəmovun atasının onun dostuna borcu olmuşdur. Rövşənin atası borcunu qaytarmamışdır. Bu səbəbdən 07 aprel 2024-cü ildə Rövşənlə Quzanlı qəsəbəsində mübahisə edərək sonuncunu söymüşdür. İlk dəfə olaraq inzibati xəta törətdiyini və tutduğu əməldən peşmançılıq hissi keçirdiyini qeyd etməklə ona köməklik göstərilməsini xahiş etmişdir. Zərər çəkmiş şəxs qismində məhkəmədə izahat verən R.N.Rüstəmov göstərmişdir ki, onun atasının Sərvərin dostuna borcu olmuşdur. 07 aprel 2024-cü ildə Quzanlı qəsəbəsində olduğu vaxt Sərvər ona yaxınlaşaraq atasının borcunu qaytarmadığını bildirib onu nalayiq ifadələrlə söymüşdür. Hazırda Sərvərlə barışdığını və şikayətinin olmadığını bildirmişdir. Şəxs Azərbaycan Respublikasının İnzibati Xətalar Məcəlləsinin 510-cu maddəsində nəzərdə tutulan inzibati xətanı törətməsi özünüm etirafı, iş materiallarında olmaqla məhkəmədə tədqiq olunmuş xx.xx.2024-cü il tarixli MN № ******* saylı inzibati xəta haqqında protokol, Ağdam Rayon Polis X2 baş təhqiqatçısı X1 qəbul etdiyi cinayət işinin başlanmasının rədd edilməsi haqqında xx.xx.2024-cü il tarixli qərar, zərər çəkmiş şəxsin izahatı və digər iş materialları ilə təsdiq olunur. Şəxs Azərbaycan Respublikasının İnzibati Xətalar Məcəlləsinin 33-cü maddəsinə əsasən məsuliyyətini ağırlaşdıran hal yoxdur. Onun ilk dəfə olaraq inzibati xəta törətməsi, təqsirini etiraf edərək tutduğu əməldən peşmançılıq hissi keçirməsi və zərər çəkmiş şəxslə barışıq əldə etməsi məsuliyyətini yüngülləşdirən hallardır. Məhkəmə belə hesab edir ki, Şəxs barəsində inzibati cərimə növündə tənbeh tətbiq etməklə, onu qanunlara əməl edilməsi ruhunda tərbiyələndirmək, həm onun özü, həm də başqa şəxslər tərəfindən yeni inzibati xəta törədilməsinin qarşısını almaq kimi Azərbaycan Respublikasının İnzibati Xətalar Məcəlləsinin 21-ci maddəsində göstərilən inzibati tənbehin məqsədlərinə nail olmaq mümkün olacaqdır. Məhkəmə Şəxs barəsində inzibati tənbeh tətbiq edərkən onun törətdiyi xətanın xarakteri, şəxsiyyəti, təqsirinin dərəcəsi, əmlak vəziyyətini, habelə məsuliyyəti yüngülləşdirən halları nəzərə almışdır. Yuxarıda göstərilənlərə əsasən, Azərbaycan Respublikasının İnzibati Xətalar Məcəlləsinin 21,30-31, 40,43,48-51,128-130-cu maddələrini rəhbər tutub, q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 510-cu maddəsi ilə təqsirli bilinib, əlli manat məbləğində inzibati cərimə edilsin. Qərarın surəti rəsmi qaydada verildiyi vaxtdan on gün müddətində Ağdam Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə apelyasiya şikayəti verilə bilər. Sədrlik edən Mahir Niftəliyev