Ağdam Rayon Məhkəməsi Qərar — İş №3(013)-424/2024

Azərbaycan Respublikası adından QƏRAR Ağdam rayonu İş № 3(013)-424/2024 11.07.2024 AĞDAM RAYON MƏHKƏMƏSİ Hakim Məmmədov Rafiq Rəşid oğlunun sədrliyi, Süleymanzadə Elman Seymur oğlunun katibliyi ilə, xx xxxx 1989-cu il tarixdə Agdam rayonu, Əfətli kəndində anadan olmuş, Azərbaycan Respublikasının vətəndaşı, Agdam rayonu, Əfətli kəndində qeydiyyatda olmaqla həmin ünvanda yaşayan Şəxs Fəxrəddin oğlunun Azərbaycan Respublikasının İnzibati Xətalar Məcəlləsinin 529.3-cü maddəsində nəzərdə tutulmuş inzibati xəta törətməsinə dair materiala 11 iyul 2024-cü il tarixdə Ağdam Rayon Məhkəməsinin inzibati binasında açıq məhkəmə iclasında baxaraq M Ü Ə Y Y Ə N E T D İ: Ağdam Rayon Polis Şöbəsindən daxil olmuş X1 protokola əsasən Şəxs Fəxrəddin oğlu xx.xx.2024-cü il tarixdə QAZ 3302-18 Yük markalı, ** SO *** dövlət qeydiyyat nişanlı avtomobili idarə edərkən yol hərəkəti qaydasını pozulmasına görə barəsində Azərbaycan Respublikası İnzibati Xətalar Məcəlləsinin 327.2-cü maddəsi ilə məsuliyyət nəzərdə tutulan xx.xx.2024-cü il tarixli, TP ******* nömrəli elektron qərar tərtib edilərək 80 (səksən) manat məbləğində cərimə olunması barədə qərar çıxarılmışdır. Şəxs Fəxrəddin oğlu İXM-nin 125.2.3-cü maddəsinə müvafiq olaraq məlumatlandırılmasına baxmayaraq barəsində qəbul edilmiş qərarın qanuni qüvvəyə mindiyi gündən cəriməni 3 (üç) ay müddətində qanunla müəyyən edilmiş əsaslar olmadan ödəməmişdir. Həmin protokoldan və ona əlavə edilmiş sənədlərdən görünür ki, Şəxs Fəxrəddin oğlu Azərbaycan Respublikası İXM-nin 529.3-cü maddəsində nəzərdə tutulmuş inzibati xətanı törətmişdir. Barəsində X1 iş üzrə icraat aparılan fiziki şəxs Şəxs Fəxrəddin oğluna və Ağdam Rayon Polis Şöbəsinə məhkəmə iclasının vaxtı və yeri barədə lazımi qaydada xəbərdarlıq edilməsinə baxmayaraq, məhkəmə iclasında Ağdam Rayon Polis Şöbəsinin nümayəndəsinin iştirakını təmin etməməsi və Şəxs Fəxrəddin oğlu isə məhkəməyə gəlməməsi barədə məlumat verməmişlər. Məhkəmə Azərbaycan Respublikası İXM-nin 61.3 və 64.3-cü maddələrinə əsasən işə barəsində X1 iş üzrə icraat aparılan fiziki şəxs Şəxs Fəxrəddin oğlunun və Ağdam Rayon Polis Şöbəsinin nümayəndəsinin iştirakı olmadan baxılmasını mümkün hesab etmişdir. Azərbaycan Respublikası İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 529.3-cü maddəsinə əsasən yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə nəqliyyat vasitəsini idarə etmək hüququ altı aydan bir ilədək müddətə məhdudlaşdırılır. Məhkəmə iş materiallarını araşdırıb, iş üzrə toplanmış sübutlara hüquqi qiymət verərək hesab edir ki, Şəxs Fəxrəddin oğlunun Azərbaycan Respublikası İXM-nin 529.3-cü maddəsində nəzərdə tutulmuş xətanı törətməsi tam sübuta yetirilir. Belə ki, Ağdam Rayon Polis Şöbəsi tərəfindən tərtib edilmiş xx.xx.2024-cü il tarixli, İXP ******* nömrəli X1 Protokola əsasən Şəxs Fəxrəddin oğlunun inzibati xətanı törətməsi faktı tam sübuta yetirilir və bu səbəbdən onun barəsində Azərbaycan Respublikası İXM-nin 529.3-cü maddəsinin sanksiyası həddində, yəni nəqliyyat vasitələrini İdarə etmək hüququnun məhdudlaşdırılması növündə inzibati tənbeh tətbiq edilməlidir. Məhkəmə göstərilənlərə əsasən və Azərbaycan Respublikası İXM-nin 114 və 117-ci maddələrini rəhbər tutaraq Q Ə R A R A A L D İ: xx xxxx 1989-cu il tarixdə Agdam rayonu, Əfətli kəndində anadan olmuş, Azərbaycan Respublikasının vətəndaşı, Agdam rayonu, Əfətli kəndində qeydiyyatda olmaqla həmin ünvanda yaşayan Şəxs Fəxrəddin oğlu Azərbaycan Respublikası İXM-nin 529.3-cü maddəsində nəzərdə tutulmuş inzibati xətanı törətdiyinə görə nəqliyyat vasitələrini idarə etmək hüququ 06 (altı) ay müddətinə məhdudlaşdırılsın. Qərardan surəti rəsmi qaydada təqdim edildiyi gündən 10 (on) gün müddətində Ağdam Rayon Məhkəməsi vasitəsilə Gəncə Apelyasiya Məhkəməsinə apelyasiya şikayəti verilə bilər. Hakim Rafiq Məmmədov