Ağdam Rayon Məhkəməsi Qərar — İş №3(013)-46/2024

Azərbaycan Respublikası adından QƏRAR Ağdam rayonu İş № 3(013)-46/2024 20.02.2024 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi ilə, xx.xx.1985-ci ildə Ağdam rayonunun Novruzlu kəndində anadan olmuş, Azərbaycan Respublikası vətəndaşı, orta təhsilli, evli, işləməyən, Ağdam rayonunun Qullar kəndində qeydiyyatda olan, Bakı şəhəri Səbail rayonu İbrahim Xəliliov küçəsi 1 ev 1-də yaşayan X1 Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023cü il tarixli EQ 18725269 saylı qərarından verdiyi şikayətə açıq məhkəmə iclasında baxaraq, m ü ə y y ə n e t d i: Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023cü il tarixli EQ 18725269 saylı qərarı ilə E.R.Xankişiyev Azərbaycan Respublikasının İnzibati Xətalar Məcəlləsinin 328.1-ci maddəsi ilə təqsirli bilinib, üç yüz manat məbləğində inzibati cərimə edilmişdir. E.R.Xankişiyev Azərbaycan Respublikasının İnzibati Xətalar Məcəlləsinin 128.2.3 və 130.1-ci maddələrində nəzərdə tutulmuş qaydada xx.xx.2024-cü ildə məhkəməyə şikayət edərək göstərmişdir ki, «Mercedes Benz E220 CDİ» minik markalı ** LR *** dövlət qeydiyyat nişanlı avtomobilə sonuncu etibarnamə xx.xx.2023-cü ildə onun adına rəsmiləşdirilmişdir. Həmin avtomobillə bağlı yol polsinin sistemində tərtib edilmiş bütün elektron qərarlar onun sürücülük vəsiqəsinə yazılmaqla cərimə hesablanmışdır. Bu qayda pozuntularından biri olaraq güya xx.xx.2023-cü ildə saat 15:44-də həmin avtomobili Mingəçevir-Bəhrəmtəpə yolunun Hürüuşağı kəndində Mingəçevir istiqamətində idarə etdiyi göstərilmiş və surət həddini aşdığına görə Azərbaycan Respublikasının İnzibati Xətalar Məcəlləsinin 328.1-ci maddəsi ilə təqsirli bilinib, üç yüz manat məbləğində inzibati cərimə edilmişdir. Sürücülük hüququ müvəqqəti məhdudlaşdırıldığından avtomobil idarə etməmişdir. Barəsində tərtib edilmiş qərarda Azərbaycan Respublikasının İnzibati Xətalar Məcəlləsinin 328.1-ci maddəsinin həddi aşılaraq üç yüz manat cərimə edildiyini qeyd etməklə Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023cü il tarixli EQ 18725269 saylı qərarının ləğv edilməsi və inzibati xəta haqqında iş üzrə icraata xitam verilməsini xahiş etmişdir. Barəsində inzibati xəta haqqında iş üzrə icraat aparılan şəxs qismində məhkəmədə izahat verən E.R.Xankişiyevə məhkəmə iclasının keçirilməsinin vaxtı və yeri barədə lazımi qaydada məlumat verilməsinə baxmayaraq, o, məhkəmə iclasına gəlməmiş və işin baxılmasının təxirə salınması barədə vəsatət verməmişdir. Məhkəmə Azərbaycan Respublikasının İnzibati Xətalar Məcəlləsinin 61.3-cü maddəsinə əsasən işə E.R.Xankişiyevin iştirakı olmadan baxılmasını mümkün hesab etmişdir. Protokolu barəsində şikayət verilmiş Azərbaycan Respublikası Daxili İşlər Nazirliyi Baş X6 İdarəsinin nümayəndəsinə məhkəmə iclasının keçirilməsinin vaxtı və yeri barədə məlumat verilmiş, lakin o heç bir səbəb göstərmədən təkrarən gəlməmişdir. Məhkəmə işə protokolu barəsində şikayət verilmiş Azərbaycan Respublikası Daxili İşlər Nazirliyi Baş X6 İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə iş materiallarını nəzərdən keçirib belə hesab edir ki, E.R.Xankişiyevin şikayəti qismən təmin edilərək onun Azərbaycan Respublikasının İnzibati Xətalar Məcəlləsinin 328.1-ci maddəsi ilə təqsirli bilinib, üç yüz manat məbləğində inzibati cərimə edilməsinə dair Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023-cü il tarixli EQ 18725269 saylı qərarı dəyişdirilməlidir. Belə ki, məhkəmədə elan olunmuş sənədlərdən görünür ki, «Mercedes Benz E220 CDİ» minik markalı ** LR *** dövlət qeydiyyat nişanlı avtomobil qeydiyyat şəhadətnaməsinə əsasən xx.xx.2018-ci ildən X2 mülkiyyəti olmuşdur. Həmin avtomobil xx.xx.2023-cü ildən xx.xx.2024-cü il tarixə qədər etibarnamə əsasında E.R.Xankişiyevin istifadəsində olmuşdur. E.R.Xankişiyevin AF 011820 nömrəli sürücülük vəsiqəsi olmuşdur. E.R.Xankişiyev xx.xx.2023-cü ildə Azərbaycan Respublikasının İnzibati Xətalar Məcəlləsinin 529.3-cü maddəsi ilə təqsirli bilinmiş və onun sürücülük hüququ məhdudlaşdırılmışdır. Bundan sonra E.R.Xankişiyev xx.xx.2023-cü ildə saat 15:44-də Mingəçevir-Bəhrəmtəpə avtomobil yolunun Hürüuşağı kəndində «Mercedes Benz E220 CDİ» minik markalı ** LR *** dövlət qeydiyyat nişanlı avtomobili idarə edərkən Azərbaycan Respublikasının İnzibati Xətalar Məcəlləsinin 328.1-ci maddəsində nəzərdə tutulan inzibati xətanı törətmiş və Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023-cü il tarixli EQ 18725269 saylı qərarı ilə üç yüz manat məbləğində inzibati cərimə edilmişdir. Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023-cü il tarixli EQ 18725269 saylı qərarında E.R.Xankişiyevin Azərbaycan Respublikasının İnzibati Xətalar Məcəlləsinin 328.1-ci maddəsində nəzərdə tutulan inzibati xətanı törətməsi göstərilməsinə və həmin maddənin sanksiyasında on manat cərimə nəzərdə tutulmasına baxmayaraq, E.R.Xankişiyev üç yüz manat məbləğində inzibati cərimə edilmişdir. Məhkəmə belə hesab edir ki, E.R.Xankişiyevin barəsində Azərbaycan Respublikasının İnzibati Xətalar Məcəlləsinin 328.1-ci maddəsinin saknsiyası həddində inzibati cərimə növündə tənbeh tətbiq etməklə, onu qanunlara əməl edilməsi ruhunda tərbiyələndirmək, həm onun özü, həm də başqa şəxslər tərəfindən yeni inzibati xəta törədilməsinin qarşısını almaq kimi Azərbaycan Respublikasının İnzibati Xətalar Məcəlləsinin 21-ci maddəsində göstərilən inzibati tənbehin məqsədlərinə nail olmaq mümkün olacaqdır. Azərbaycan Respublikasının İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 6.1-ci maddəsində qeyd edilmişdir ki, inzibati xətaya görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 6.2-ci maddəsinə əsasən inzibati xəta haqqında iş üzrə icraatın təmin olunması tədbirləri tətbiq edilərkən qanunvericiliyin tələblərinə əməl olunması yuxarı orqanların və vəzifəli şəxslərin idarə nəzarəti ilə, məhkəmə və prokuror nəzarəti ilə və şikayət etmək hüququ ilə təmin edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İnzibati Xətalar Məcəlləsinin 134.1.2-ci maddəsində göstərilmişdir ki, inzibati xəta haqqında iş üzrə qərardan verilən şikayətə və ya protestə baxıldıqda bu Məcəllənin 135.1.2 -135.1.5-ci maddələri ilə müəyyən edilmiş hallarda qərarın dəyişdirilməsi haqqında və ya qərarı ləğv edərək yeni qərarın çıxarılması haqqında qərar qəbul edilir. Həmin Məcəllənin 135.1.5-ci maddəsinə əsasən tətbiq edilmiş tənbehin bu Məcəllənin 31-34cü maddələrinin tələblərinə uyğun olmaması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Yuxarıda göstərilənlərə əsasən, Azərbaycan Respublikası İnzibati Xətalar Məcəlləsinin 133-134, 128-130-cu maddələrinə rəhbər tutub, məhkəmə q ə r a ra a l d ı : X1 Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023-cü il tarixli EQ 18725269 saylı qərarından verdiyi şikayət qismən təmin edilsin. X3 Azərbaycan Respublikasının İnzibati Xətalar Məcəlləsinin 328.1-ci maddəsi ilə təqsirli bilinib, üç yüz manat məbləğində inzibati cərimə edilməsinə dair Azərbaycan Respublikasının Daxili İşlər Nazirliyinin Baş X6 İdarəsinin xx.xx.2023-cü il tarixli EQ 18725269 saylı qərarı dəyişdirilsin. X1 Azərbaycan Respublikasının İnzibati Xətalar Məcəlləsinin 328.1-ci maddəsi ilə təqsirli bilinib, on manat məbləğində inzibati cərimə edilsin. Qərarın surəti rəsmi qaydada verildiyi vaxtdan on gün müddətində Ağdam Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə apelyasiya şikayəti verilə bilər. Sədrlik edən Mahir Niftəliyev