Ağdam Rayon Məhkəməsi Qərardad — İş №3(013)-47/2024

Azərbaycan Respublikası adından QƏRARDAD Ağdam rayonu İş № 3(013)-47/2024 22.02.2024 AĞDAM RAYON MƏHKƏMƏSİ Hakim Məmmədov Rafiq Rəşid oğlunun sədrliyi, İsmayılov Tural Fəxrəddin oğlunun katibliyi ilə, Azərbaycan Respublikası DİN BDYPİ 29 dekabr 2023-cü il tarixli inzibati xəta haqqında qərarın ləğv edilməsi barədə X6 tərəfindən verilmiş şikayət üzrə inzibati materiala açıq məhkəmə iclasında baxaraq, MÜƏYYƏN ETDİ: X6 şikayət ilə məhkəməyə müraciət edərək, Azərbaycan Respublikası DİN BDYPİ 29 dekabr 2023-cü il tarixli inzibati tənbeh tətbiq edilməsi haqqında EQ seriyalı, 18717774 saylı qərarın ləğv edilməsi və iş üzrə icraata xitam verilməsinə barədə qərar çıxarılmasını məhkəmədən xahiş etmişdir. X1 və Azərbaycan Respublikası DİN BDYPİ-nə məhkəmə iclasının vaxtı və yeri barədə qanunla müəyyən edilmiş qaydada xəbərdar edilməsinə baxmayaraq, ərizəçi tərəf və qarşı tərəfin nümayəndəsi məhkəmə iclasına gəlməmişdir. Bu halda məhkəmə tərəflərin iştirakı olmadan işə baxılmasını mümkün hesab etmişdir. X2 məhkəməyə xx.xx.2024-cü il tarixdə elektron ərizə daxil olmuş, ərizədə, Azərbaycan Respublikası DİN BDYPİ 29 dekabr 2023-cü il tarixli inzibati tənbeh tətbiq edilməsi haqqında EQ seriyalı, 18717774 saylı qərardan vermiş olduğu şikayətə baxılmadan geri qaytarılmasını məhkəmədən xahiş etmişdir. Azərbaycan Respublikası İnzibati Xətalar Məcəlləsinin 61.1.6-cı maddəsinə əsasən barəsində inzibati xəta haqqında iş üzrə icraat aparılan şəxsin inzibati xəta haqqında iş üzrə icraatın təmin edilməsi tədbirlərinin tətbiqindən və iş üzrə qərardan şikayət vermək hüququ vardır. Azərbaycan Respublikası İXM-nin 128.1-ci maddəsinə əsasən 128.1. Barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Azərbaycan Respublikası İXM-nin 128.2.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə şikayət verilə bilər. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən protokol və ya digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokollar və ya digər sənədlərin onu tərtib etmiş orqana, vəzifəli şəxsə geri qaytarılır. Belə olan halda məhkəmə hesab edir ki, şikayətçi X6 tərəfindən şikayətin baxılmadan qaytarılması barədə ərizə verildiyindən AR DİN BDYPİ 29 dekabr 2023-cü il tarixli inzibati tənbeh tətbiq edilməsi haqqında EQ seriyalı, 18717774 saylı qərarın ləğv edilməsi barədə şikayət baxılmadan X5 geri qaytarılmalıdır. Göstərilənlərə əsasən və Azərbaycan Respublikası İXM-nin 109.1.6-cı maddəsini rəhbər tutaraq, q ə r a r a a l d ı: X4 Azərbaycan Respublikası DİN BDYPİ X3 29 dekabr 2023-cü il tarixli inzibati tənbeh tətbiq edilməsi haqqında EQ seriyalı, 18717774 saylı qərarından vermiş şikayəti baxılmadan geri qaytarılsın. Qərardadan şikayət və protest verilə bilməz. Hakim Rafiq Məmmədov