Ağdam Rayon Məhkəməsi Qərar — İş №3(013)-527/2025

Azərbaycan Respublikası adından QƏRAR Ağdam rayonu İş № 3(013)-527/2025 30.07.2025 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi, Barəsində inzibati xəta haqqında iş üzrə icraat aparılan Şəxs, Zərər çəkmiş şəxslər X2 və Zərərçəkmiş şəxs iştirakı ilə, xx.xx.1989-cu ildə Ağdam rayonunun Əliağalı kəndində anadan olmuş, Azərbaycan Respublikası vətəndaşı, orta təhsilli, evli, işləməyən, Ağdam rayonunun Əliağalı kəndində qeydiyyatda olan, Ağdam rayonu Dördyol-1 qəsəbəsi ev 719-da yaşayan Şəxs barəsində Azərbaycan Respublikasının İnzibati Xətalar Məcəlləsinin 157-ci maddəsi ilə Ağdam Rayon Polis Şöbəsindən daxil olmuş inzibati xəta haqqında materiala baxaraq, m ü ə y y ə n e t d i: Şəxs 30 may 2025-ci ildə saat 13 radələrində Ağdam rayonunun Dördyol-1 qəsəbəsində A.İ.Nəcəfov və Zərərçəkmiş şəxs döymüşdür. Barəsində inzibati xəta haqqında iş üzrə icraat aparılan şəxs qismində məhkəmədə izahat verən Şəxs təqsirini etiraf etməyərək göstərmişdir ki, 30 may 2025-ci ildə günorta vaxtı polis əməkdaşları onu bacısı Gültəkinin yaşadığı Dördyol-1 qəsəbəsində yerləşən evə çağırmışlar. Həmin yerə çatdıqda Gültəkinlə aralarında torpaq üstündə mübahisə olan qonşuları Arif və Jaləni küçədə görmüşdür. Arifin yetkinlik yaşna çatmamış oğlu onu yaba ilə vurmuşdur. O, Arifi və Jaləni vurmamışdır. Heç kimi döymədiyini qeyd etməklə ədalətli qərar çıxarılmasını xahiş etmişdir. Zərər çəkmiş şəxs qismində məhkəmədə izahat verən A.İ.Nəcəfov göstərmişdir ki, Aydının bacısı Gültəkin onun qonşusudur. Gültəkin onun yolunu kəsmiş və bu səbəbdən aralarında mübahisə yaranmışdır. Polisə və icra nümayəndəsinə Gültəkin barədə şikayət etmişdir. 30 may 2025-ci ildə saat 13 radələrində polis əməkdaşları və icra nümayəndəsi Gültəkinin evinə gəlmişlər. Həmin vaxt arvadı Jalə ilə küçədə dayandığı vaxt onlardan təxminən bir kilometr kənarda yaşayan Aydın onların yanına gələrək yumryqla onun və Jalənin sifətindən bir neçə dəfə vurmuşdur. Köməyə başqalarını çağırmışlar. Səsəs gələn azyaşlı oğlu Əli yerdən yaba götürərək Aydını vurmuşdur. Daha sonra polis əməkdaşları Aydını onlardan aralaşdırıb aparmışlar. Aydınla barışmadığını qeyd etməklə qanuni tədbir görülməsini xahiş etmişdir. Zərər çəkmiş şəxs qismində məhkəmədə izahat verən Zərərçəkmiş şəxs əri A.İ.Nəcəfovun izahatını təsdiqləmiş və Şəxslə barışmadığını qeyd etməklə qanuni tədbir görülməsini xahiş etmişdir. Şəxs Azərbaycan Respublikasının İnzibati Xətalar Məcəlləsinin 157-ci maddəsində nəzərdə tutulan inzibati xətanı törətməsi iş materiallarında olmaqla məhkəmədə tədqiq olunmuş xx.xx.2025-ci il tarixli MN № ******* və MN ******* saylı inzibati xəta haqqında protokollar, zərər çəkmiş şəxslərin izahatı, Ağdam Rayon Polis X1 təhqiqatçısının HK- 1/912, 913 və 914 saylı material üzrə qəbul etdiyi cinayət işinin başlanmasının rədd edilməsi haqqında xx.xx.2025-ci il tarixli qərar və digər iş materialları ilə təsdiq olunur. Şəxs təqsirini etiraf etməməsi özünümüdafiə xarakteri daşıyır. Şəxs Azərbaycan Respublikasının İnzibati Xətalar Məcəlləsinin 33-cü maddəsində nəzərdə tutulan məsuliyyətini ağırlaşdıran hal yoxdur. Onun ilk dəfə olaraq inzibati xəta törətməsi məsuliyyətini yüngülləşdirən haldır. Məhkəmə belə hesab edir ki, Şəxs barəsində inzibati cərimə növündə tənbeh tətbiq etməklə, onu qanunlara əməl edilməsi ruhunda tərbiyələndirmək, həm onun özü, həm də başqa şəxslər tərəfindən yeni inzibati xəta törədilməsinin qarşısını almaq kimi Azərbaycan Respublikasının İnzibati Xətalar Məcəlləsinin 21-ci maddəsində göstərilən inzibati tənbehin məqsədlərinə nail olmaq mümkün olacaqdır. Məhkəmə Şəxs barəsində inzibati tənbeh tətbiq edərkən onun törətdiyi xətanın xarakteri, şəxsiyyəti, təqsirinin dərəcəsi, əmlak vəziyyətini, habelə məsuliyyəti yüngülləşdirən halı nəzərə almışdır. Yuxarıda göstərilənlərə əsasən, Azərbaycan Respublikasının İnzibati Xətalar Məcəlləsinin 21,30-31, 40,43,48-51,128-130-cu maddələrini rəhbər tutub, q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 157-ci maddəsi ilə təqsirli bilinib, beş yüz manat məbləğində inzibati cərimə edilsin. Qərarın surəti rəsmi qaydada verildiyi vaxtdan on gün müddətində Ağdam Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə apelyasiya şikayəti və protesti verilə bilər. Sədrlik edən Mahir Niftəliyev