Ağdam Rayon Məhkəməsi Qərar — İş №3(013)-544/2024

Azərbaycan Respublikası adından QƏRAR Ağdam rayonu İş № 3(013)-544/2024 12.08.2024 AĞDAM RAYON MƏHKƏMƏSİ Hakim Bayramov Elşad Abdulla oğlunun sədrliyi, Qədimov Anar Təyyar oğlunun katibliyi ilə, Barəsində inzibati xəta haqqında iş üzrə icraat aparılan şəxs Şəxs, Ağdam Rayon Polis şöbəsinin sahə rəisi, polis kapitanı X1 iştirakı ilə, xx xxxxxxx 1987-ci ildə Ağdam rayonunun Qiyaslı kəndində anadan olmuş, Azərbaycan Respublikasının vətəndaşı, ailəli, orta təhsilli, Ağdam rayonunun Qiyaslı kəndində qeydiyyatda olan və Agdam rayon Dördyol-1 qəsəbəsi, ev 490-da yaşayan, Şəxs - Azərbaycan Respublikası İnzibati Xətalar Məcəlləsinin 206-cı maddəsi ilə Azərbaycan Respublikası Daxili İşlər Nazirliyinin Ağdam Rayon Polis Şöbəsindən daxil olmuş inzibati xəta haqqında materiala baxaraq MÜƏYYƏNETDİ: Şəxs narkotik vasitə qəbul etməsinə dair 10 avqust 2024-cü il tarixdə əməliyyat məlumatı daxil olmuş, məlumata əsasən həkim müayinəsi təyin edilmiş və onun narkotik vasitə olan marixuana istifadə etdiyi aşkar edilmişdir. Məhkəmə iclasında ifadə verən, inzibati protokolu tərtib etmiş Ağdam Rayon Polis Şöbəsinin sahə rəisi, polis kapitanı A.İsmayılov inzibati protokolu müdafiə edərək göstərdi ki, Şəxs narkotik vasitə istifadə etməsi barədə əməliyyat məlumatı daxıl olmuş, xx.xx.2024-cü il tarixdə o, həkim müayinəsindən keçirilmiş və müayinə əsasında Şəxs narkotik vasitə olan marixuana istifadə etdiyi aşkar edilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclası zamanı izahatında həmin inzibati xətanı törətməsini etiraf edərək əməlindən səmimi peşman olduğunu, narkotik vasitəni Vaqif adlı şəxsdən 10 manata aldığını, 5-6 ildir ki, narkotik vasitədən istifadə etdiyini, narkomaniyadan 1 dəfə müalicə olunduğunu, 2 azyaşlı övladının olduğunu, bir daha belə hallara yol verməyəcəyini bildirdi və ona yüngül tənbeh tətbiq edilməsini məhkəmədən xahiş etdi Məhkəmə barəsində inzibati xəta haqqında iş üzrə icraat aparılan şəxsi dinləyib, inzibati xəta haqqında 12 avqust 2024-cü il tarixli, MN ******* saylı protokolu və ona əlavə edilmiş sənədləri araşdıraraq hesab edir ki, Şəxs əməlində Azərbaycan Respublikası İXM-nin 206-cı maddəsinin tərkibi vardır və o, həmin maddə ilə təqsirli bilinib barəsində inzibati tənbeh tətbiq edilməlidir. Azərbaycan Respublikası Səhiyyə Nazirliyi Respublika Narkoloji Mərkəzinin Sərxoşluq hallarının bütün növlərinin təyini məqsədi ilə aparılan tibbi müayinə haqqında 10 avqust 2024-cü il tarixli, 846 saylı Protokolundan görünür ki, Şəxs sidiyində marixuana aşkar edilmişdir. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. İXM-nin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs ilk dəfə inzibati xəta törətməsi və əməlindən peşman olması inzibati xətaya görə məsuliyyəti yüngülləşdirən hallardır. Onun əməlində iş üzrə məsuliyyəti ağırlaşdıran hallar yoxdur. Məhkəmə inzibati xəta törətmiş Şəxs inzibati tənbeh tətbiq edərkən onun törətdiyi xətanın xarakterini, şəxsiyyətini, təqsirinin dərəcəsini, iş üzrə məsuliyyəti yüngülləşdirən halları, həmçinin uzun müddətdir ki, narkotikdən istifadə etməsini nəzərə alaraq hesab edir ki, onun barəsində təqsirli bilindiyi maddənin sanksiyasında nəzərdə tutulmuş həbs növündə inzibati tənbeh tətbiq edilməsi onun islah olunması baxımından məqsədəmüvafiq hesab edir. İXM-nin 31.4-cü maddəsinə görə bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə tətbiq edilən inzibati tənbeh onun yuxarı həddinin dörddə birindən az ola bilməz. 12 avqust 2024-cü il tarixli MN ******* saylı protokoldan görünür ki, Şəxs həmin tarixdə inzibati qaydada tutulmuşdur, odur ki, həbs müddətinin əvvəli həmin vaxtdan hesablanmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106-119-cu maddələrini rəhbər tutaraq məhkəmə QƏRARAALDİ: Şəxs - Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətməkdə təqsirli bilinib 15 /on beş/ gün müddətində inzibati qaydada həbs edilin. Həbsetmənin əvvəli 11 avqust 2024-cü il tarixdən saat 03-00-dan hesablansın. Qərarın icrası Azərbaycan Respublikası Daxili İşlər Nazirliyinin Ağdam və Bərdə Rayon Polis Şöbələrinə həvalə edilsin. Qərardan 10 /on/ gün müddətində Azərbaycan Respublikası Gəncə Apellyasiya Məhkəməsinə apellyasiya qaydasında şikayət verilə bilər. Sədrlik edən : E.Bayramov :