Ağdam Rayon Məhkəməsi Qərardad — İş №3(013)-555/2025

Azərbaycan Respublikası adından QƏRARDAD Ağdam rayonu İş № 3(013)-555/2025 18.08.2025 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi ilə, Ağdam Rayon İcra və Probasiya Şöbəsindən daxil olmuş xx.xx.2001-ci ildə Ağdam rayonunun Paşabəyli kəndində anadan olmuş, Azərbaycan Respublikası vətəndaşı, orta təhsilli, subay, işləməyən, Ağdam rayonunun Baş Qərvənd kəndində qeydiyyatda olan, Ağdam rayonu Baharlı qəsəbəsi ev 666-da yaşayan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törətməsi barədə materiala baxaraq, müəyyənetdi: Məhkəmənin icraatına Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törətməsi barədə material daxil olmuşdur. xx.xx.2025-ci il tarixli MN № ******* saylı inzibati xəta haqqında protokol və əlavə olunmuş sənədlərə əsasən Şəxs xx.xx.2024-cü ildən başayaraq xx.xx.2023-cü ildə anadan olmuş Raul adlı uşağın yetkinlik yaşına çatana qədər saxlanılması üçün hər ay 190 (yüz doxsan) manat sabit pul məbləğində aliment tutularaq X1 verilməsinə dair Bərdə Rayon Məhkəməsinin xx.xx.2024-cü il tarixli 2(021)-3179/2023 saylı qətnaməsinin əsasında verilmiş xx.xx.2024-cü il tarixli icra vərəqəsinin icrası ilə əlaqədar olaraq Şəxs müəyyən olunmuş müddətdə icra vərəqəsini üzrsüz səbəbdən icra etməməklə icra məmurunun qanuni tələblərini yerinə yetirməmişdir. Məhkəmə daxil olmuş sənədləri nəzərdən keçirib belə hesab edir ki, protokol və digər sənədlər Azərbaycan Respublikasının İnzibati Xətalar Məcəlləsinin 109.1.6-cı maddəsinin tələblərinə uyğun olaraq Ağdam Rayon İcra və Probasiya Şöbəsinə qaytarılmalıdır. Həmin maddəyə əsasən protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda inzibati xəta haqqında işin baxılmağa hazırlanması zamanı inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Belə ki, material məhkəmədə öyrənilərkən məlum olduğu kimi borclu Şəxs əmlak vəziyyətini müəyyən edən sənədlər inzibati xəta haqqında protokola əlavə edilməmiş, onun aliment borcunun olub-olmaması, olduğu təqdirdə hansı məbləği təşkil etməsi aydınlaşdırılmamışdır. Eyni zamanda Şəxs məhkəməyə gətirilməmişdir. Azərbaycan Respublikasının İnzibati Xətalar Məcəlləsinin 109-cu maddəsini rəhbər tutaraq, məhkəmə qəraraaldı: Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib olunmuş protokol və digər sənədlər Ağdam Rayon İcra və Probasiya Şöbəsinə qaytarılsın. Sədrlik edən Mahir Niftəliyev