Ağdam Rayon Məhkəməsi Qərardad — İş №3(013)-57/2024

Azərbaycan Respublikası adından QƏRARDAD Ağdam rayonu İş № 3(013)-57/2024 01.02.2024 AĞDAM RAYON MƏHKƏMƏSİ Hakim Məmmədov Rafiq Rəşid oğlunun sədrliyi, İsmayılov Tural Fəxrəddin oğlunun katibliyi ilə, Vİİİ Tagım YPX inspektoru polis baş serjantı X1 27 yanvar 2023-cü il tarixli EQ ******* nömrəli inzibati xəta haqqında protokolun və inzibati tənbeh vermə haqqında qərarın ləğv edilməsi barədə X2 tərəfindən verilmiş şikayəti üzrə məhkəmə icraatının mümkünlüyü məsələsinə məhkəmənin binasında açıq məhkəmə iclasında baxaraq, MÜƏYYƏN ETDİ: X2 şikayət ilə məhkəməyə müraciət edərək, Vİİİ Tagım YPX inspektoru polis baş serjantı X1 27 yanvar 2023-cü il tarixli EQ ******* nömrəli inzibati xəta haqqında protokolun və inzibati tənbeh vermə haqqında qərarın ləğv edilməsini xahiş etmişdir. Məhkəmə X2 qeyd olunan şikayətini nəzərdən keçirərək hesab edir ki, şikayət baxılmadan geri qaytarılmalıdır. Belə ki, Azərbaycan Respublikası inzibati xətalar qanunvericiliyində ümumiyyətlə protokolun ləğvi anlayışı nəzərdə tutulmamışdır. İnzibati protokol yalnız inzibati xəta hadisəsinin mövcudluğuna dair faktları əks etdirir və qərar kimi inzibati məsuliyyət yaratmır. İnzibati xəta haqqında protokol qərar qəbul edilməsi üçün əsaslar yaratsa da bu sənədin özü qərar deyil və hüquqi və fiziki şəxslər üçün məhrumiyyətlər yarada bilmir. X3 tərəfindən protokol əsasında çıxarılmış qərardan şikayət verilməsi göstyərilsə də, lakin inzibati tənbeh vermə haqqında qərarın nömrəsi və tarixi göstərilməmiş və həmin qərarın sürətini şikayətə əlavə edilməmişdir. Azərbaycan Respublikası İXM-nin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İXM-nin 109.1.6-cı maddəsinə əsasən protokol və ya digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokollar və ya digər sənədlərin onu tərtib etmiş orqana, vəzifəli şəxsə geri qaytarılır. Məhkəmə hesab edir ki, Azərbaycan Respublikası inzibati xətalar qanunvericiliyində ümumiyyətlə protokolun ləğvi anlayışı nəzərdə tutulmadığından və təqdim edilmiş materiallar natamam olduğuna görə şikayət icraata qəbul edilmədən geri qaytarılmalıdır. Göstərilənlərə əsasən və Azərbaycan Respublikası İXM-nin 130.1-ci maddəsini rəhbər tutaraq, q ə r a r a a l d ı: X2 Vİİİ Tagım YPX inspektoru polis baş serjantı X1 27 yanvar 2023-cü il tarixli EQ ******* nömrəli inzibati xəta haqqında protokolun və inzibati tənbeh vermə haqqında qərarın ləğv edilməsi barədə verilmiş şikayəti baxılmadan geri qaytarılsın. Qərardadan şikayət və protest verilə bilməz. Hakim Rafiq Məmmədov