Ağdam Rayon Məhkəməsi Qərar — İş №3(013)-790/2024

Azərbaycan Respublikası adından QƏRAR Ağdam rayonu İş № 3(013)-790/2024 26.11.2024 AĞDAM RAYON MƏHKƏMƏSİ Hakim Niftəliyev Mahir Şamil oğlunun sədrliyi, Əliyev Anar İsmayıl oğlunun katibliyi, Barəsində inzibati xəta haqqında iş üzrə icraat aparılan Şəxs iştirakı ilə, xx.xx.1990-cı ildə Ağdam şəhərində anadan olmuş, Azərbaycan Respublikası vətəndaşı, orta təhsilli, evli, işləməyən, Ağdam şəhəri T.İsmyılov küçəsi ev 5 mənzil 1-də qeydiyyatda olan, Ağdam rayonu Bənövşələr qəsəbəsi ev 289-da yaşayan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə Ağdam Rayon İcra və Probasiya Şöbəsindən daxil olmuş inzibati xəta haqqında materiala baxaraq, m ü ə y y ə n e t d i: Ağdam Rayon İcra və Probasiya Şöbəsinin böyük icra məmuru Qarayev Nurəddin Vəkil oğlunun xx.xx.2024-cü il tarixli qərarı ilə bir icraatda birləşdirilmiş Şəxs xx.xx.2023-cü ildən başlayaraq xx.xx.2022-ci ildə anadan olmuş Dərya adlı uşağının yetkinlik yaşına çatana qədər saxlanılması üçün hər ay 150 (yüz əlli) manat aliment tutularaq Qafarova (Ağazadə) Bahar Süleyman qızına verilməsinə dair Tərtər Rayon Məhkəməsinin xx.xx.2023-cü il tarixli 2(061)-762/2023 saylı qətnaməsinin əsasında verilmiş xx.xx.2023cü il tarixli və Şəxs və X1 müştərək qaydada qiyməti 912 manat, əyarı 583, çəkisi 11,4 qram olan qolbaq, qiyməti 336 manat, əyarı 585, çəkisi 4,2 qram olan üzük, qiyməti 536 manat, əyarı 583, çəkisi 6,7 qram olan üzük, qiyməti 238,40 manat, əyarı 585, çəkisi 2,98 qram qolbaq, həmin əmlaklar olmadıqda onların dəyəri, ödənilmiş dövlət rüsumu əvəzində 57 (əlli yeddi) manat və 50 (əlli) manat mediasiya xidməti xərci alınaraq X2 verilməsinə dair Ağdam Rayon Məhkəməsinin xx.xx.2024-cü il tarixli 2(013)-741/2024 saylı qətnaməsinin əsasında verilmiş xx.xx.2024-cü il tarixli icra vərəqələrinin icrası ilə əlaqədar olaraq Şəxs müəyyən olunmuş müddətdə icra vərəqəsini üzrsüz səbəbdən icra etməməklə icra məmurunun qanuni tələblərini yerinə yetirməmişdir. Barəsində inzibati xəta haqqında iş üzrə icraat aparılan şəxs Şəxs məhkəmədə özünü təqsirli bilmiş və izahat verib göstərmişdir ki, Dərya adlı uşaq onun deyil. İmkanı olmadığından aliment borcunu ödəməmişdir. Qızıl əşyalarını da Bahar Ağazadəyə qaytarmamışdır. Alimenti hissə-hissə ödəməyə etiraz etmədiyini qeyd etməklə ona köməklik göstərilməsini məhkəmədən xahiş etmişdir. Ağdam Rayon İcra və Probasiya Şöbəsinin böyük icra məmuru Qarayev Nurəddin Vəkil oğlu bildirmişdir ki Tərtər Rayon Məhkəməsinin xx.xx.2023-cü il tarixli 2(061)- 762/2023 saylı qətnaməsinin əsasında verilmiş xx.xx.2023-cü il tarixli icra vərəqəsinə əsasən Şəxs xx.xx.2023-cü ildən başlayaraq xx.xx.2022-ci ildə anadan olmuş Dərya adlı uşağının yetkinlik yaşına çatana qədər saxlanılması üçün hər ay 150 manat aliment tutularaq Bahar Ağazadəyə verilməlidir. Ağdam Rayon Məhkəməsinin xx.xx.2024-cü il tarixli 2(013)-741/2024 saylı qətnaməsinə əsasən Şəxs və X1 müştərək qaydada qiyməti 912 manat, əyarı 583, çəkisi 11,4 qram olan qolbaq, qiyməti 336 manat, əyarı 585, çəkisi 4,2 qram olan üzük, qiyməti 536 manat, əyarı 583, çəkisi 6,7 qram olan üzük, qiyməti 238,40 manat, əyarı 585, çəkisi 2,98 qram qolbaq, həmin əmlaklar olmadıqda onların dəyəri, ödənilmiş dövlət rüsumu əvəzində 57 (əlli yeddi) manat və 50 (əlli) manat mediasiya xidməti xərci alınaraq Bahar Əlizadəyə verilməlidir. Əlinin xx.xx.2024-cü il tarixə 2350 manat aliment borcu yaranmışdır. Şəxs gizlənərək çağırışa gəlmədiyindən barəsində axtarış elan olunmuşdur. Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xəta törətməsi özünün etirafı, iş materiallarında olan və məhkəmə baxışında tədqiq edilmiş xx.xx.2024-cü il tarixli inzibati xəta haqqında protokol, Ağdam Rayon İcra və Probasiya Şöbəsinin böyük icra məmuru N.V.Qarayevin izahatı və digər iş materialları ilə təsdiq olunur. Şəxs Azərbaycan Respublikasının İnzibati Xətalar Məcəlləsinin 33-cü maddəsində nəzərdə tutulan məsuliyyətini ağırlaşdıran hal yoxdur. Onun ilk dəfə olaraq inzibati xəta törətməsi məsuliyyətini yüngülləşdirən haldır. Azərbaycan Respublikasının Konstitusiyasının 129-cu maddəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Qanuni qüvvəyə minmiş məhkəmə aktlarının məcburiliyi onların bütün dövlət orqanları və vəzifəli şəxslər qanunla müəyyən edilmiş qaydada hər hansı haldan asılı olmayaraq icra edilməsini nəzərdə tutmaqla, eyni zamanda belə aktların qanunsuz və əsassız olması ehtimallarına söykənməklə icraya məhdudiyyətlərin yaranmasını və maneələrin törədilməsini qadağan edir. Azərbaycan Respublikasının Mülki Prosessual Məcəlləsinin tələblərinə görə qanuni qüvvəyə minmiş məhkəmə aktları məcburidir və Azərbaycan Respublikasının bütün ərazisində hökmən icra olunmalıdır. Onların icra olunmaması müvafiq məsuliyyətə səbəb olur (MPM-nin 15.2 və 15.3-cü maddələri). Qeyd olunanları nəzərə alaraq məhkəmə belə hesab edir ki, Şəxs barəsində inzibati həbs növündə tənbeh tətbiq etməklə, onu qanunlara əməl edilməsi ruhunda tərbiyələndirmək, həm onun özü, həm də başqa şəxslər tərəfindən yeni inzibati xəta törədilməsinin qarşısını almaq kimi Azərbaycan Respublikasının İnzibati Xətalar Məcəlləsinin 21-ci maddəsində göstərilən inzibati tənbehin məqsədlərinə nail olmaq mümkün olacaqdır. Məhkəmə Şəxs barəsində inzibati tənbeh tətbiq edərkən onun törətdiyi xətanın xarakteri, şəxsiyyəti, təqsirinin dərəcəsi, əmlak vəziyyətini, habelə məsuliyyəti yüngülləşdirən halı nəzərə almışdır. Yuxarıda göstərilənlərə əsasən, Azərbaycan Respublikasının İnzibati Xətalar Məcəlləsinin 21,30-31, 40,43,48-51,128-130-cu maddələrini rəhbər tutub, q ə r a r a a l d ı: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinib, səkkiz gün müddətə inzibati həbs edilsin. Həbs etmənin əvvəli 26 noyabr 2024-cü il saat 15:20-dən hesablansın. Qərarın icrası Ağdam və Bərdə Rayon Polis Şöbələrinə həvalə edilsin. Qərarın surəti rəsmi qaydada verildiyi vaxtdan on gün müddətində Ağdam Rayon Məhkəməsi vasitəsi ilə və ya birbaşa Gəncə Apelyasiya Məhkəməsinə apelyasiya şikayəti verilə bilər. Sədrlik edən Mahir Niftəliyev