Ağdaş Rayon Məhkəməsi Qərar — İş №3(014)-101/2022

Azərbaycan Respublikası adından QƏRAR Ağdaş rayonu İş № 3(014)-101/2022 24.02.2022 AĞDAŞ RAYON MƏHKƏMƏSİ Ağdaş Rayon Məhkəməsinin hakimi F.Nəsibov, P.Abuşovanın katibliyi, barəsində inzibati xəta haqqında icraat aparılan şəxs Şəxs iştirakı ilə Ağdaş Rayon Polis Şöbəsindən daxil olmuş inzibati xəta haqqında materiala baxaraq, MÜƏYYƏN ETDİM: Şəxs 23 fevral 2022-ci il tarixdə, saat 20:40 radələrində Ağdaş şəhəri, M.İsayev 12də yerləşən Ağdaş Rayon Polis Şöbəsinin inzibati binasında yüngül dərəcəli sərxoş vəziyyətdə onu nizam-intizama dəvət edən, ictimai qaydanın mühafizə vəzifələrini icra edən Ağdaş Rayon Polis Şöbəsinin əməkdaşının qanuni tələbinə qəsdən tabe olmamışdır. Şəxs 23 fevral 2022-ci il tarixdə, saat 20:40 radələrində inzibati qaydada tutulmuş, 24 fevral 2022-ci il tarixdə barəsində inzibati xəta haqqında protokol tərtib olunaraq baxılması üçün məhkəməyə göndərilmişdir. Barəsində inzibati xəta haqqında icraat aparılan şəxs Şəxs məhkəmə iclasında özünü Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanın törədilməsində təqsirli bildi və izahatında göstərdi ki, 23 fevral 2022-ci il tarixdə bir nəfər şəxs onların ünvanına söyüş söydüyünə görə Ağdaş Rayon Polis Şöbəsininə gəlmiş, polis şöbəsində həmin şəxsi görmüş və aralarında mübahisə düşmüşdür, mübahisə zamanı polis əməkdaşı onun nizam-intizama dəvət etmiş, lakin polis əməkdaşının tələbinə tabe olmamışdır. İş üzrə şahid Ağdaş Rayon Polis Şöbəsinin əməkdaşı X3 məhkəmə iclasında verdiyi izahatında göstərdi ki, 23 fevral 2022-ci il tarixdə Ağdaş RPŞ-də əməliyyat istintaq qrupunda xidmətdə olan zaman özünü X2 təqdim edən şəxs bir nəfərin onun söyməsi barədə ərizə ilə müraciət etmək istədiyini bildirdi, onun ərizəsini alıb yola salan vaxt sonradan tanıdığı Şəxs X1 başladı, onu nizam-intizama dəvət etsə də qanuni tələbinə tabe olmadı. İş üzrə şahid X6 məhkəmə iclasında verdiyi izaatında göstərdi ki, 23 fevral 2022-ci il tarixdə, saat 19:15 radələrində özünə məxsus «Mersedes» markalı avtomobili yaşadığı Ağdaş şəhəri, İstiqlal küçəsi 1/1-də yerləşən evinin qarşısında saxlayıb qaz sayğacına baxan zaman «VAZ-2106» markalı avtomobilin sürücüsünün yanında əyləşən şəxs onu söyüb təhqir etdiyi üçün Ağdaş Rayon Polis Şöbəsininə gələrək bu barədə ərizə yazmışdır, lakin həmin şəxs hazırda barəsində inzibati xəta haqqında icraat aparılan şəxs Şəxs deyil, başqasıdır. Barəsində inzibati xəta haqqında icraat aparılan şəxs Şəxs, iş üzrə şahidləri dinləyib, iş materiallarını araşdıraraq hesab edirəm ki, o, Azərbaycan Respublikası İXM-nin 535.1-ci maddəsində nəzərdə tutulan inzibati xətanı törətmişdir, həmin xətanın törədilməsində təqsirlidir, barəsində inzibati tənbeh tətbiq edilməlidir. Azərbaycan Respublikası İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin Məcəllənin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitar-epidemioloci sağlamlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 13-cü maddəsinə əsasən inzibati xəta törətmiş şəxs öz əməlinin (hərəkət və ya hərəkətsizliyinin) hüquqazidd xarakterini dərk etmiş, onun zərərli nəticələrini qabaqcadan görmüş və bunları arzu etmişdirsə, yaxud belə nəticələrin baş verməsinə şüurlu surətdə yol vermişdirsə, bu xəta qəsdən törədilmiş xəta hesab olunur. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşyır. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Törədilmiş inzibati xətanın xarakterini, inzibati xəta törətmiş Şəxs oğlunun şəxsiyyətini xarakterizə edən halları, yəni ilk dəfə inzibati xəta törətməsini, özünün deməsinə görə himayəsində üç yetkinlik yaşına çatmamış uşaqların olmasını, onun təqsirinin dərəcəsini, əmlak vəziyyətini, məsuliyyətini yüngülləşdirən və ağırlaşdıran halları nəzərə alaraq barəsində cərimə tənbehi tətbiq edilməsini kifayət hesab edirəm. Qeyd edilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128 və 130-cu maddələrini rəhbər tutaraq, QƏRARA ALDİM: xx xxxxx 1983-cü ildə Ağdaş şəhərində anadan olmuş, Azərbaycan Respublikasının vətəndaşı, orta təhsilli, evli, işləməyən, Ağdaş şəhəri, N.Nərimanov küçəsi 4/18-də qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib iki yüz manat cərimə edilsin. Qərar rəsmi qaydada verildiyi gündən 10 gün müddətində Şəki Apellyasiya Məhkəməsinə şikayət və protest verilə bilər. Məhkəmənin hakimi: Famil Nəsibov.