Ağdaş Rayon Məhkəməsi Qərardad — İş №3(014)-121/2025

Azərbaycan Respublikası adından QƏRARDAD Ağdaş rayonu İş № 3(014)-121/2025 22.05.2025 AĞDAŞ RAYON MƏHKƏMƏSİ Ağdaş Rayon Məhkəməsinin hakimi Bağırov Məhəmməd Ənvər oğlunun sədrliyi, məhkəmə iclasının katibi X2, barəsində inzibati xəta haqqında icraat aparılan şəxs Şəxs və onun müdafiəçisi Vəkil iştirakları ilə Şəxs Azərbaycan Respublikası İnzibati Xətalar Məcəlləsinin (İnzibati Xətalar Məcəlləsi) 510 və 535.1-ci maddələri ilə təqsirləndirilməsinə dair Ağdaş rayon Polis Şöbəsindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: Ağdaş rayon Polis Şöbəsi Şəxs İnzibati Xətalar Məcəlləsinin 510 və 535.1-ci maddələri ilə təqsirləndirilməsinə dair 07 mart 2025-ci il tarixli, İXP seriyalı ******* nömrəli inzibati xəta haqqında protokolu baxılması üçün Ağdaş Rayon Məhkəməsinə göndərmişdir. Ağdaş Rayon Məhkəməsinin 3(014)-121/2025 nömrəli, 17 mart 2025-ci il tarixli qərarı ilə Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə başlanmış icraata həmin Məcəllənin 53.2-ci maddəsinə əsasən xitam verilməsi, onun İnzibati Xətalar Məcəlləsinin 535.1-ci maddəsi ilə nəzərdə tutulan inzibati xətanı törətməkdə təqsirli bilinməsi və ona 150 manat məbləğində inzibati cərimə növündə inzibati tənbeh tətbiq edilməsi, qərarın icrasının Bakı şəhəri Binəqədi rayon İcra şöbəsinə həvalə edilməsinə dair yekun qərar qəbul edilmişdir. Barəsində inzibati xəta haqqında icraat aparılan şəxs Şəxs müdsafiəçisi Vəkil tərəfindən məhkəmənin 17 mart 2025-ci il tarixli qərarından apellyasiya şikayəti verilmiş və inzibati xəta haqqında material şikayətlə birlikdə baxılması üçün Şəki Apellyasiya Məhkəməsinə göndərilmişdir. Şəki Apellyasiya Məhkəməsinin 3(107)-116/2025 nömrəli, 24 aprel 2025-ci il tarixli qərarı ilə barəsində inzibati xəta haqqında iş üzrə qərаr qəbul edilmiş şəxs X1 müdafiəçisi Vəkil tərəfindən verilmiş şikayət qismən təmin edilərək, Ağdaş Rayon Məhkəməsinin 17 mart 2025-cü il tarixli, 3(014)-121/2025 saylı qərarı ləğv edilmiş, inzibati xəta haqqında qərar və materiallar üzrə olan inzibati xəta haqqında iş mahiyyəti üzrə yenidən araşdırılaraq baxılması üçün Ağdaş Rayon Məhkəməsinə qaytarılmışdır. Şəki Apellyasiya Məhkəməsinin 24 aprel 2025-ci il tarixli qərarında göstərilmişdir ki, iş mаteriаllаrı ilə Аkşin Qаrаdağlının 07 mаrt 2025-ci il tаrixdə hansı vaxtda pоlisin hаnsı qаnuni tələblərinə qəsdən tаbe оlmаsı tаm аrаşdırılmаmışdır və bu xüsusdа işin hаllаrı ziddiyyətlidir. Belə ki, 07 mаrt 2025-ci il tаrixli inzibаti xətа hаqqındа prоtоkоldа Аşkin Qаrаdаğlıyа pоlis əməkdаşlаrı tərəfindən hаnsı vаxtdа hаnsı qаnuni tələblərin irəli sürülməsi və оnun pоlisin hаnsı qаnuni tələblərinə qəsdən tаbe оlmаmаsı göstərilməmiş və bununlа dа İnzibati Xətalar Məcəlləsinin 100.1.4-cü mаddəsinin tələbləri pоzulmuşdur. İşə bаxаn hаkim tərəfindən bu çаtışmаzlığın аrаdаn qаldırılmаsı üçün İnzibati Xətalar Məcəlləsinin 109.1.6-cı mаddəsinin tələbləri qаydаsındа həmin prоtоkоl və оnа əlаvə оlunmuş sənədlər bu prоtоkоlu tərtib etmiş vəzifəli şəxsə qаytаrılmalı olduğu halda, buna əməl edilməmişdir. Şəki Apellyasiya Məhkəməsinin 24 aprel 2025-ci il tarixli qərarında qeyd olunan halları nəzərə alaraq məhkəmə hesab edir ki, hazırki iş üzrə 07 mart 2025-ci il tarixli, İXP seriyalı ******* nömrəli inzibati xəta haqqında protokolda yol verilmiş natamamlığın aradan qaldırılması üçün inzibati xəta haqqında protokol və ona əlavə edilmiş sənədlər aşağıda göstərilənlərə əsasən geri qaytarılmalıdır. Belə ki, 07 mart 2025-ci il tаrixli inzibаti xətа hаqqındа prоtоkоldа Qаrаdаğlı Аkşin Məcnun оğlunа İnzibati Xətalar Məcəlləsinin 510 və 535.1-ci mаddəsi ilə istinаd оlunаn inzibаti xətаnın törədildiyi vаxt (xətаnın törədildiyi sааt və dəqiqə) eləcə də, İnzibati Xətalar Məcəlləsinin 535.1-ci mаddəsi ilə istinаd оlunаn pоlisin hаnsı qаnuni tələblərinə qəsdən tаbe оlmаmаsı ilə bаğlı inzibаti xətаnın mаhiyyəti göstərilməmişdir. Hаlbuki İnzibati Xətalar Məcəlləsinin 100.1.4-cü mаddəsində inzibаti xətа hаqqındа prоtоkоldа inzibаti xətаnın törədilməsi vаxtı və həmin xətanın mаhiyyətinin göstərilməsi imperаtiv tələb kimi qeyd оlunmuşdur. Qeyd edilməlidir ki, İnzibati Xətalar Məcəlləsinin 535.1-ci mаddəsində polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə inzibаti məsuliyyət nəzərdə tutulmuşdur. Qanun normasının məzmunundаn görünür ki, şəxsin əməlində İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanın tərkibinin yaranması üçün pоlis işçisi və yа ictimаi qаydаnın mühаfizə vəzifələrini icrа edən hərbi qulluqçu şəxsə qаrşı qаnuni tələblər irəli sürməli, inzibati xəta tərkibinin obyektiv tərəfinin vacib elementi kimi şəxsin əməlinin polis işçisi və yа hərbi qulluqçu ictimai qaydanın mühafizə vəzifələrini icra edərkən onların qanuni tələblərinə qəsdən tabe olmamasına yönəlməli və subyektiv tərəfinin elementi kimi şəxs özünün əməlinin hüquqa zidd xarakterini dərk etməli, onun nəticələrini qabaqcadan görməli və həmin nəticələri arzu etməli, yəni şəxsin bu əməli qəsdən törətməsi müəyyən olunmalıdır. Azərbaycan Respublikası Kontitusiya Məhkəməsinin “Azərbaycan Respublikası İnzibati Xətalar Məcəlləsinin 135.1.5 və 135.2-ci maddələrinin əlaqəli şəkildə şərh edilməsinə dair” 16 noyabr 2021-ci il tarixli qərarında göstərilmişdir ki, inzibati xəta haqqında protokol inzibati xəta haqqında işin həlli üçün zəruri olan məlumatları (iş üzrə icraatın iştirakçılarının izahatları və ifadələri, həmçinin təmin tədbirləri barədə məlumatlar da daxil olmaqla) əks etdirən sənəd olaraq inzibati-delikt prosesi üçün sübut əhəmiyyətinə malikdir. Səlahiyyətli orqan (vəzifəli şəxs) və ya hakim şəxs barəsində inzibati tənbehi inzibati xəta haqqında işin həlli üçün bütün zəruri məlumatları özündə əks etdirən protokol əsasında tətbiq edir. Vəzifəli şəxs tərəfindən tərtib edilmiş inzibati xəta haqqında protokol qəbul ediləcək qərar üçün əsas olmaqla, həmin iş üzrə ittiham yönümlü prosessual sənəd qismində çıxış edir. İnzibati Xətalar Məcəlləsinin 106.0.3, 106.0.4, 106.0.5 və 106.0.6-cı maddələrinin tələblərinə görə hakim inzibati xəta haqqında işi baxılmağa hazırlayarkən inzibati xəta haqqında protokolun və işin digər materiallarının bu Məcəllənin tələblərinə müvafiq olaraq tərtib edilib-edilmədiyini, işin icraatını rədd edən halların mövcud olub-olmadığını, mahiyyəti üzrə baxılması üçün işdə kifayət qədər sübutların toplanıb-toplanmadığını və işə baxılmasının yeri və vaxtı barədə işdə iştirak edən şəxslərin məlumatlandırılıbməlumatlandırılmadığını araşdırmalıdır. Həmin Məcəllənin 100.1-ci maddəsinə görə bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda protokolun tərtib edildiyi tarix və yer, protokolu tərtib etmiş şəxsin vəzifəsi, soyadı, adı, atasının adı, barəsində inzibati xəta haqqında iş üzrə icraat aparılan şəxs haqqında məlumat, inzibati xətanın törədildiyi yer, vaxt və bu xətanın mahiyyəti, inzibati xətaya görə məsuliyyət nəzərdə tutan bu Məcəllənin müvafiq maddəsi, olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı və barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları göstərilməlidir. Həmin Məcəllənin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Məhkəmə, hazırki iş üzrə 07 mart 2025-ci il tarixli, İXP seriyalı ******* nömrəli inzibati xəta haqqında protokolu Qanunvericiliyin yuxarıda qeyd edilən tələbləri ilə müqayisəli şəkildə təhlil etməklə belə qənaətə gəlir ki, təqdim edilmiş materiallar natamamdır, işə baxılarkən bu natamamlığı aradan qaldırmaq mümkün deyildir. Bu səbəbdən də, 07 mart 2025-ci il tarixli, İXP seriyalı ******* nömrəli protokol və ona əlavə edilmiş sənədlər Ağdaş rayon Polis Şöbəsinə geri qaytarılmalıdır. “İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 04 noyabr 2020-ci il tarixli qərarına əsasən İnzibati Xətalar Məcəlləsinin tələbləri baxımından inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı qəbul edilən qərardaddan apellyasiya şikayəti vermək hüququ istisna edilir. Qeyd olunanlara əsasən inzibati xəta haqqında protokol və ona edilmiş sənədlər geri qaytarılmalıdır. Yuxarıda göstərilənlərə əsasən və İnzibati Xətalar Məcəlləsinin 106, 109 və 118-ci maddələrini rəhbər tutaraq, məhkəmə QƏRARA ALDİ: Şəxs tərəfindən İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətanın törədilməsi barədə daxil olmuş 07 mart 2025-ci il tarixli, MN № ******* saylı inzibati xəta haqqında protokol və əlavə edilmiş materiallar Ağdaş rayon Polis Şöbəsinə geri qaytarılsın. Qərardaddan apellyasiya şikayəti verilmir. Hakim: Məhəmməd Bağırov