Ağdaş Rayon Məhkəməsi Qərar — İş №3(014)-137/2021

Azərbaycan Respublikası adından QƏRAR Ağdaş rayonu İş № 3(014)-137/2021 08.04.2021 AĞDAŞ RAYON MƏHKƏMƏSİ Ağdaş rayon Məhkəməsinin Hakimi Əliyev Nizam Mubariz oğlunun sədrliyi, Məhkəmə iclasının katibi X1, Barəsində inzibati xəta haqqında iş üzrə icraat aparılan şəxs Şəxs iştirakı ilə, Şəxs Azərbaycan Respublikası İXM-nin 333.1-ci maddəsi ilə nəzərdə tutulmuş inzibati xətanı törətməsinə dair Ağdaş RPŞ-dən daxil olmuş inzibati materiala baxaraq, MÜƏYYƏN ETDİM: Şəxs barəsində Ağdaş rayon Polis Şöbəsinin DYPB-də Azərbaycan Respublikası İXM-nin 333.1-ci maddəsi ilə inzibati xəta haqqında protokol tərtib edilmiş və baxılması üçün Ağdaş rayon Məhkəməsinə göndərilmişdir. İnzibati xəta haqqında protokoldan və ona əlavə edilmiş sənədlərdən görünür ki, Şəxs xx xxxx 2021-ci il tarixdə saat 02:00 radələrində Ağdaş şəhər H.Əliyev prospektində idarə etdiyi VAZ 2109 Minik markalı, **-TX-*** dövlət qeydiyyat nişanlı avtomobillə hərəkətdə olarkən işıq sistemindən düzgün istifadə etmədiyi üçün YPX-i əməkdaşları tərəfindən saxlanılmış və sənədlərin yoxlanılması zamanı məlum olmuşdur ki, sürücü avtomobili sərxoş vəziyyətdə idarə etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izah etdi ki, avtomobil idarə etmək üçün sürücülük vəsiqəsi vardır. xx xxxx 2021-ci il tarixdə Ağdaş şəhəri, H.Əliyev prospektində idarə etdiyi Vaz 2109 Minik markalı, **-TX-*** dövlət qeydiyyat nişanlı avtomobillə hərəkətdə olarkən işıq sistemindən düzgün istifadə etmədiyi üçün yol polisi tərəfindən saxlanmış, sənədləri yoxlama zamanı məlum olmuşdur ki, avtomobili sərxoş halda idarə edir. Yoxlama zamanı avtomobili sərxoş vəziyyətdə idarə etdiyi üçün barəsində inzibati protokol tərtib edilmişdir. Hazırda əməlindən səmimi olaraq peşmandır. İnzibati xəta haqqında protokola əlavə edilmiş xx xxxx 2021-ci il tarixli 02287 saylı alkotestorun nəticəsinə əsasən görünür ki, Şəxs avtomobili idarə edərkən sərxoş vəziyyətdə olmuşdur. Barəsində inzibati xəta haqqında iş üzrə icraat aparılan şəxs Şəxs izahatını dinləyib, iş materiallarını tətqiq edərək, hesab edirəm ki, Şəxs Azərbaycan Respublikası İXM-nin 333.1-ci maddəsində nəzərdə tutulan inzibati xətanı törətmiş və o, inzibati tənbeh edilməlidir. Barəsində inzibati xəta haqqında iş üzrə icraat aparılan şəxs Şəxs əməlindən səmimi peşmançılıq çəkməsini məsuliyyəti yüngülləşdirən hal kimi nəzərə alınır. Barəsində inzibati xəta haqqında iş üzrə icraat aparılan şəxsin əməlində ağırlaşdırıcı hal müəyyən edilmədi. Azərbaycan Respublikası İXM-nin 76.1-ci maddəsinə əsasən, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə inzibati xətanın xarakterini, inzibati xəta törətmiş şəxsin şəxsiyyətini, inzibati xətanın törədilmə hallarını, ağırlaşdırıcı halların olmamasını, inzibati xətanı törətmiş şəxs Şəxs əməlindən səmimi peşmançılığını yüngülləşdirici hal kimi nəzərə alır. Azərbaycan Respublikası İXM-nin 21-ci maddəsinin tələbinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati xətanın xarakterini və mahiyyətini, barəsində inzibati xəta haqqında iş üzrə icraat aparılan şəxs Şəxs əməlindən səmimi peşmançılıq çəkməsini, yüngülləşdirici hal kimi, ağırlaşdırıcı halın olmamasını və işin faktiki hallarını nəzərə alaraq hesab edirəm ki, Şəxs təqsirli bilindiyi Azərbaycan Respublikası İXM-nin 333.1-ci maddəsinin sanksiyasında nəzərdə tutulan nəqliyyat vasitəsini idarə etmək hüququ məhdudlaşdırılması növündə tənbeh edilməlidir. Yuxarıda göstərilənlərə əsasən və Azərbaycan Respublikası İXM-nin 40, 43, 48-51, 114, 115, 117, 128 və 130-cu maddələrini rəhbər tutaraq, QƏRARA ALDİM: xx xxxxxx 1960-cı il tarixdə Ağdaş rayonu, Yuxarı Zeynəddin kəndində anadan olmuş, Ağdaş şəhəri, Zeynəddin küçəsi 31-də qeydiyyatda olan və yaşayan Şəxs, Azərbaycan Respublikası İnzibati Xətalar Məcəlləsinin 333.1-ci maddəsi ilə təqsirli bilinib, 06 (altı) ay müddətinə nəqliyyat vasitələrini idarə etmək hüququ məhdudlaşdırılsın. Qərardan 10 gün müddətində Ağdaş rayon Məhkəməsi vasitəsi ilə, Şəki Apellyasiya Məhkəməsinəşikayət və ya protest verilə bilər. Hakim: Nizam Əliyev