Ağdaş Rayon Məhkəməsi Qərar — İş №3(014)-145/2025

Azərbaycan Respublikası adından QƏRAR Ağdaş rayonu İş № 3(014)-145/2025 17.03.2025 AĞDAŞ RAYON MƏHKƏMƏSİ Hakim Mürsəlova Aygün Mayıl qızının sədrliyi, Məhkəmə iclasının katibi X3, İnzibati xəta haqqında protokol tərtib etmiş şəxs Ağdaş rayon Polis şöbəsinin X2 sahə rəisi, polis leytenantı X6, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxx 1980-ci ildə Ağdaş şəhərində doğulmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, Ağdaş şəhəri, X18 küçəsi, 58 A yaşayan və qeydiyyatda olan Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaları törətməsinə dair Ağdaş Rayon Polis Şöbəsindən daxil olmuş inzibati xəta haqqında işə baxaraq MÜƏYYƏN ETDİ: Şəxs 16 mart 2025-ci il tarixdə saat 09:30 radələrində Ağdaş rayon Yuxarı Ləki kəndi ərazisində idarə etdiyi Mersedes markalı avtomobil sənədləri qaydasında olmadığı üçün saxlanılmış, DYP-nin əməkdaşlarına tabe olmamış, həmin yerə YPX-nin əməkdaşları dəvət edilsə də o, yenə də ucadan səs-küy salmış, ictimai yerdə nalayiq ifadələr işlədib xırda xuliqanlıq etmiş, polis əməkdaşlarının qanuni tələblərinə qəsdən tabe olmamışdır. Bununla da o, Azərbaycan Respublikası İnzibati Xətalar Məcəlləsinin 510 və 535.1ci maddələrində nəzərdə tutulmuş inzibati xətaları törətmişdir. Məhkəmə iclasında inzibati xəta haqqında protokol tərtib etmiş Ağdaş rayon Polis şöbəsinin X2 sahə rəisi, polis leytenantı X9 bildirdi ki, Şəxs 16 mart 2025-ci il tarixdə saat 09:30 radələrində Ağdaş rayon Yuxarı Ləki kəndi ərazisində idarə etdiyi Mersedes markalı avtomobil sənədləri qaydasında olmadığı üçün saxlanılmış, DYP-nin əməkdaşlarına tabe olmamış, həmin yerə YPX-nin əməkdaşları dəvət edilsə də o, yenə də ucadan səs-küy salmış, ictimai yerdə nalayiq ifadələr işlədib xırda xuliqanlıq etmiş, polis əməkdaşlarının qanuni tələblərinə qəsdən tabe olmamışdır. Məhkəmə iclasında barəsində inzibati icraat aparılan şəxs Şəxs izahat verərək bildirdi ki, 16 mart 2025-ci il tarixdə istifadə etdiyi **-LU-*** qeydiyyat nişanı Mersedes markalı avtomobili sürdüyü zaman Yuxarı Ləki kəndi ərazisində yol polisi onu saxlamış, sənədlərini yoxlamış, həmin zaman o, maşını etibarnaməsiz idarə etmişdir. Bu səbəbdən maşınını duracağa yerləşdirmək istəmişlər və o, tələsdiyi üçün bərk əsəbləşmiş, buna görə səs-küy yaranmış, maşın duracağına yerləşdirilməsinə etiraz etmişdir. Yol polisinə tabe olmadığı üçün həmin yerə post patrul xidmətinin əməkdaşları dəvət olunmuşdur. O, bərk əsəbləşdiyi üçün nalayiq ifadələr işlətmiş, bu zaman onu Ağdaş rayon polis şöbəsinə gətirmişlər. Hazırda əməlindən peşmandır. X1 məhkəmə iclasında verdiyi izahatında bildirdi ki, 16 mart 2025-ci il tarixdə saat 09:30 radələrində Ağdaş rayon Yuxarı Ləki kəndi ərazisində PPXB-nin polis nəfəri X10 və X11 ilə birlikdə xidmətdə olarkən Ağdaş-Ləki yolunun 10-cu kilometrliyində BMW markalı ** YP *** dövlət qeydiyyat nişanlı patrul avtomobilindən həmin yerə yaxınlaşmaları barədə çağırış almışlar və dərhal həmin yerə yaxınlaşmışlar. Orada məlum oldu ki, DYP əməkdaşları Mersedes markalı ** LU *** dövlət qeydiyyat nişanlı avtomobilin sürücüsünü təhlükəsizlik kəmərindən istifadə etmədiyi üçün saxlamışlar, yoxlama zamanı sürücünün avtomobili etibarnaməsiz idarə etdiyi məlum olmuşdur. Sürücüyə avtomobilin mühafizə olunan duracağa yerləşdirilməsi izah olunmuşdur. Lakin sürücü etiraz edib, səs-küy salmağa başlamış, tabesizlik göstərmişdir. Onlar həmin sürücüyə yaxınlaşıb, özlərini təqdim etmişlər, lakin sürücü yenə də onlara əhəmiyyət verməyib, ictimai yerdə ucadan nalayiq ifadələr işlətməyə davam etmiş, onu dəfələrlə nizam-intizama dəvət etsələr də sürücü onların qanuni tələbinə qəsdən tabe olmayaraq öz qanunsuz hərəkətlərinə davam etmişdir. Onlar da həmin şəxsi avtomobilə əyləşdirərək barəsində qanuni tədbir görülməsi üçün RPŞ-yə gətirib növbətçi hissəyə təhvil vermişlər. Növbətçi hissədə məlum oldu ki, həmin şəxs Ağdaş şəhəri X18 küçəsində qeydiyyatda olan xx xxxx 1980-ci il təvəllüdlü Şəxsdur. X5 məhkəmə iclasında verdiyi izahatında bildirdi ki, 16 mart 2025-ci il tarixdə saat 09:30 radələrində Ağdaş rayon Yuxarı Ləki kəndi ərazisində PPXB-nin polis nəfəri X4 və X11 ilə birlikdə xidmətdə olarkən Ağdaş-Ləki yolunun 10-cu kilometrliyində BMW markalı ** YP *** dövlət qeydiyyat nişanlı patrul avtomobilindən həmin yerə yaxınlaşmaları barədə çağırış almışlar və dərhal həmin yerə yaxınlaşmışlar. Orada məlum oldu ki, DYP əməkdaşları Mersedes markalı ** LU *** dövlət qeydiyyat nişanlı avtomobilin sürücüsünü təhlükəsizlik kəmərindən istifadə etmədiyi üçün saxlamışlar, yoxlama zamanı sürücünün avtomobili etibarnaməsiz idarə etdiyi məlum olmuşdur. Sürücüyə avtomobilin mühafizə olunan duracağa yerləşdirilməsi izah olunmuşdur. Lakin sürücü etiraz edib, səs-küy salmağa başlamış, tabesizlik göstərmişdir. Onlar həmin sürücüyə yaxınlaşıb, özlərini təqdim etmişlər, lakin sürücü yenə də onlara əhəmiyyət verməyib, ictimai yerdə ucadan nalayiq ifadələr işlətməyə davam etmiş, onu dəfələrlə nizam-intizama dəvət etsələr də sürücü onların qanuni tələbinə qəsdən tabe olmayaraq öz qanunsuz hərəkətlərinə davam etmişdir. Onlar da həmin şəxsi avtomobilə əyləşdirərək barəsində qanuni tədbir görülməsi üçün RPŞ-yə gətirib növbətçi hissəyə təhvil vermişlər. Növbətçi hissədə məlum oldu ki, həmin şəxs Ağdaş şəhəri X18 küçəsində qeydiyyatda olan xx xxxx 1980-ci il təvəllüdlü Şəxsdur. İş materiallarında olan arayışdan görünür ki, Şəxs inzibati xəta törətdiyinə görə Azərbaycan Respublikası DİN-nin xx.xx.2001-ci il tarixli 239 nömrəli əmrinə əsasən rayon polis şöbəsinin növbətçi hissəsində yaradılmış inzibati məsuliyyətə cəlb edilmiş şəxslərin kartotekasından yoxlanıldı. Yoxlama zamanı müəyyən olundu ki, vətəndaş Şəxs kartotekasında heç bir məlumat yoxdur. İş materiallarında olan portaldan əldə olunmuş məlumatdan görünür ki, Şəxs 2-ci qrup əlildir. İş materiallarında olan X13 Haqqında protokoldan görünür ki, Şəxs 16 mart 2025-ci il saat 10:00-da inzibati qaydada tutulmuşdur. Beləliklə, məhkəmə tədqiq olunmuş sübutlara ayrı-ayrılıqda və məcmu halında hüquqi qiymət verərək belə nəticəyə gəlir ki, Şəxs törətdiyi əməldə Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətaların əlamətlərinin olması, inzibati xətaların onun tərəfindən törədilməsi və təqsirliliyi tamamilə sübut olunur. O, həmin maddələrlə təqsirli bilinərək tənbeh edilməlidir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 32.1.1-ci maddəsinə əsasən Şəxs səmimi peşmançılığı, həmin Məcəllənin 32.2-ci maddəsinə əsasən İİ qrup əlil olması onun məsuliyyətini yüngülləşdirən hallar hesab edilir. Məhkəmədə Şəxs məsuliyyətini ağırlaşdıran hallar müəyyən edilmədi. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Ona görə də Şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyası çərçivəsində tənbeh edilməlidir. Beləliklə, məhkəmə törədilmiş inzibati xətaların xarakterini, onun şəxsiyyətini, məsuliyyətini yüngülləşdirən və ağırlaşdıran halları nəzərə alıb hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasının həddi daxilində inzibati cərimə növündə tənbeh tətbiq edilməlidir. Azərbaycan Respublikası İnzibati Xətalar Məcəlləsinin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. İş materiallarında olan X13 haqqında protokoldan görünür ki, Şəxs 16 mart 2024-cü il tarixdə saat 10:00-da inzibati qaydada tutulmuşdur. Qanunun qeyd edilən müddəalarına istinad edərək məhkəmə hesab edir ki, Şəxs təyin olunacaq cərimənin həddi Azərbaycan Respublikası İnzibati Xətalar Məcəlləsinin 535.1-ci maddəsində müəyyən edilən cərimə tənbehinin yuxarı həddinin dörddə üçündən çox ola bilməz. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114-115, 117, 128-130-cu maddələrini rəhbər tutaraq, məhkəmə QƏRARAALDİ: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaları törətməkdə təqsirli bilinsin və həmin Məcəllənin 34.3 və 31.4-1-ci maddələri nəzərə alınmaqla ona həmin Məcəllənin 535.1-ci maddəsi ilə 150 (yüz əlli) manat məbləğində inzibati cərimə növündə inzibati tənbeh tətbiq edilsin. Şəxs dərhal məhkəmə iclas zalından həbsdən azad olunsun. Qərarın icrası Ağdaş rayon İcra və Probasiya Şöbəsinə həvalə olunsun. Qərardan rəsmi qaydada verildiyi vaxtdan 10 gün müddətində Ağdaş Rayon Məhkəməsi vasitəsi ilə və ya birbaşa Şəki Apelyasiya Məhkəməsinə şikayət verilə bilər. Hakim Aygün Mürsəlova