Ağdaş Rayon Məhkəməsi Qərardad — İş №3(014)-186/2021

Azərbaycan Respublikası adından QƏRARDAD Ağdaş rayonu İş № 3(014)-186/2021 30.04.2021 AĞDAŞ RAYON MƏHKƏMƏSİ Ağdaş Rayon Məhkəməsi hakimi Sultanov X5 rayon Polis Şöbəsinin MN № ******* saylı inzibati xəta haqqında protokolu üzrə qəbul edilmiş 28.08.2020-ci il tarixli inzibati tənbeh vermə haqqında qərarından X2 tərəfindən verilmiş şikayətə açıq məhkəmə iclasında baxaraq, MÜƏYYƏN ETDİ: Ağdaş rayon Polis şöbəsi tərəfindən X2 barəsində Azərbaycan Respublikası İnzibati Xətalar Məcəlləsinin 211.1-ci maddəsi ilə 28MN seriyalı, ******* saylı inzibati xəta haqqında protokol tərtib edilmişdir. Həmin protokol əsasında Ağdaş rayon Polis şöbəsi tərəfindən 28.08.2020-ci il tarixdə inzibati xəta haqqında qərar qəbul edilmişdir. X1 həmin qərardan şikayət vermişdir. Məhkəmə şikayəti işin materialları ilə birlikdə araşdıraraq hesab edir ki, şikayət və ona əlavə olunmuş sənədlər geri qaytarılmalıdır. Azərbaycan Respublikası İnzibati Xətalar Məcəlləsinin 130.1-ci maddəsinə əsasən qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Azərbaycan Respublikası İnzibati Xətalar Məcəlləsinin 130.2-ci maddəsinə əsasən həmin Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Azərbaycan Respublikası İnzibati Xətalar Məcəlləsinin 130.3-cü maddəsinə əsasən buraxılmış müddətin bərpası qeyri-mümkün hesab edildikdə, bu halda vəsatəti rədd etmə haqqında qərardad qəbul edilir. İşin materialları ilə müəyyən edilir ki, inzibati xəta haqqında qərardan şikayət vermiş şəxsə 31.08.2020-ci il tarixdə, 7/132-13783-1220 saylı məktub ünvanlanaraq ona inzibati qaydada tənbeh olunması barədə qərarın məzmunu bildirilmişdir. Göründüyü kimi həmin vaxtdan sonra şikayət vermiş şəxsin müraciət edərək həmin qərarın surətini almaq imkanı olmuşdur. Həmçinin, məhkəməyə müraciət edərkən müddətin üzrlü hesab edilərək bərpa olunmasına dair ərizə verilməmişdir. Belə olduğu təqdirdə isə məhkəməyə müraciət etmək üçün qanunla nəzərdə tutulmuş müddət buraxıldığından şikayət onu vermiş şəxsə geri qaytarılmalıdır. Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair Azərbaycan Respublikası Konstitusiya Məhkəməsi Plenumunun 04 noyabr 2020-ci il tarixli qərarına əsasən Azərbaycan Respublikası İnzibati Xətalar Məcəlləsinin tələbləri baxımından inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı qəbul edilən qərardaddan apellyasiya şikayəti vermək hüququ istisna edilir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 114, 128-130-cu maddərini rəhbər tutaraq, QƏRARA ALDİ: Ağdaş rayon Polis Şöbəsinin MN № ******* saylı inzibati xəta haqqında protokolu üzrə qəbul edilmiş 28.08.2020-ci il tarixli inzibati tənbeh vermə haqqında qərarından X2 tərəfindən verilmiş şikayət geri qaytarılsın. Hakim Cavid Sultanov