Ağdaş Rayon Məhkəməsi Qərar — İş №3(014)-214/2023

Azərbaycan Respublikası adından QƏRAR Ağdaş rayonu İş № 3(014)-214/2023 04.04.2023 AĞDAŞ RAYON MƏHKƏMƏSİ Hakim Əliyev Nizam Mubariz oğlunun sədrliyi, Qarayev Orxan Sərxan oğlunun katibliyi, barəsində inzibati xəta haqqında icraat aparılan şəxs Şəxs, Zərərçəkmiş şəxs və inzibati xəta haqqında protokolu tərtib etmiş Ağdaş rayon Polis şöbəsinin X1 sahə rəisi, polis mayoru X2 iştirakı ilə xx.xx.1973-cü il tarixdə Yevlax şəhərində anadan olmuş, Azərbaycan Respublikası vətəndaşı, evli, Yevlax şəhəri C.Kərimov küçəsi 9 nömrəli evdə qeydiyyatda olan Şəxs haqqında Azərbaycan Respublikası İXM-nin 227-ci maddəsi ilə Ağdaş rayon Polis şöbəsindən daxil olmuş inzibati xəta haqqında materiala 04 aprel 2023-cü il tarixdə tarixdə Ağdaş Rayon Məhkəməsinin ibzibati binasında açıq məhkəmə iclasında baxaraq, məhkəmə MÜƏYYƏN ETDİ: Şəxs 30 mart 2023-cü il tarixdə saat 17 radələrində Ağdaş şəhəri C.Məmmədquluzadə küçəsində yerləşən Zərərçəkmiş şəxs məxsus telefon mağazasından 1 ədəd 370 (üç yüz yetmiş) manat dəyərində “Samsung A04” markalı mobil telefonu oğurlayaraq xırda talama etmişdir. Buna görə də, Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə protokol tərtib edilərək məhkəməyə göndərilmişdir. Məhkəmə iclasında Ağdaş rayon Polis şöbəsinin sahə rəisi, polis mayoru X3 məhkəmə iclasında izahat verərək bildirmişdir ki, Şəxs 30 mart 2023-cü il tarixdə saat 17 radələrində Ağdaş şəhəri C.Məmmədquluzadə küçəsində yerləşən Zərərçəkmiş şəxs məxsus telefon mağazasından 1 ədəd 370 (üç yüz yetmiş) manat dəyərində “Samsung A04” markalı mobil telefonu oğurlayaraq xırda talama etmişdir. Zərərçəkmiş şəxs tərəfindən daxil olmuş müraciət əsasında Ağdaş rayon Polis şöbəsinin təhqiqat Bölməsinin təhqiqatçısı, polis leytenantı Nail Məmmədli tərəfindən araşdırma aparılmış və toplanmış materialda cinayət tərkibi olmadığına görə toplanmış material üzrə 03 aprel 2023-cü il tarixdə cinayət işi başlanmasının rədd edilməsi barədə qərar qəbul edilmişdir. Tərəfindən araşdırılma aparılmış, iş üzrə inzibati xəta hadisəsini törədən şəxsin Şəxs inzibati qaydada tutulmuş və onun barəsində Azərbaycan Respubilkası İXM-in 227-ci maddəsinə əsasən inzibati xəta haqqında protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında Yevlax şəhəri C.Kərimov küçəsi 9 nömrəli evdə qeydiyyatda olduğunu, ünvan 1ir şəhəri Nizami küçəsi 160 nömrəli ev ünvanında yaşadığını, heç bir yerdə işləmədiyini, pula ehtiyacı olduğunu görə 30 mart 2023-cü il tarixdə saat 17 radələrində Ağdaş şəhəri C.Məmmədquluzadə küçəsində yerləşən Zərərçəkmiş şəxs məxsus telefon mağazasından 1 ədəd 370 (üç yüz yetmiş) manat dəyərində “Samsung A04” markalı mobil telefonu satıcının başı qarışıq olduğunu gördüyü üçün götürərək mağazadan çıxıb ünvan 1ir şəhərinə getdiyini, həmin telefonu ünvan 1ir şəhərində yerləşən bazarda tanımadığı şəxsə 70 (yetmiş) manata satdığını, maddi imkanı olmadığı üçün dəymiş ziyanı ödəyə bilmədiyini bildirdi. Məhkəmə iclasında Zərərçəkmiş şəxs izahatında özünə məxsus Ağdaş şəhəri C.Məmmədquluzadə küçəsində yerləşən telefon mağazası olduğunu, 30 mart 2023-cü il tarixdə saat 17 radələrində ona məxsus telefon mağazasına bir nəfər tanımadığı şəxsin daxil olduğunu, həmin şəxs ona telefon almaq istədiyini bildirdiyini, o da həmin şəxsə baxmaq üçün bir ədəd mobil telefon verdiyini, həmin şəxs daha sonra başqa bir telefona baxmaq istədiyini bildirdiyini, daha sonra həmin şəxsə başqa bir telefon verdiyini, daha sonra həmin şəxs telefonu almaq istədiyini, bu zaman həmin telefonu qutuya qoyduğunu, bu zaman həmin şəxs ona üzərində nəğd pulunun olmadığını, pulunun kartda olduğunu, katdan pulu çıxardıqdan sonra geri qayıdacağını bildirərək mağazadan çıxıb getdiyini, bir müddət keçdikdən sonra həmin şəxs geri qayıtmadığını, daha sonra baxdıqda 1 ədəd 370 (üç yüz yetmiş) manat dəyərində “Samsung A04” markalı mobil telefonun həmin şəxs tərəfindən oğurlandığını, sonrada ona həmin oğurluq edən şəxsin Şəxs olduğu məlum olduğunu, ona dəymiş ziyan ödənilmədiyini, buna görə də Şəxs şikayətçi olduğunu bildirdi. İş materiallarına əlavə edilmiş Ağdaş rayon Polis şöbəsinin təhqiqat Bölməsinin təhqiqatçısı, polis leytenantı Nail Məmmədlinin xx.xx.2023-cü il tarixli «cinayət işinin başlanmasının rədd edilməsi haqqında» qərarından görünür ki, Şəxs 30 mart 2023-cü il tarixdə saat 17 radələrində Ağdaş şəhəri C.Məmmədquluzadə küçəsində yerləşən Zərərçəkmiş şəxs məxsus telefon mağazasından 1 ədəd 370 (üç yüz yetmiş) manat dəyərində “Samsung A04” markalı mobil telefonu oğurlayaraq xırda talama etmişdir. İş materiallarına əlavə edilmiş 03 aprel 2023-cü il tarixli inzibati qaydada tutma haqqında protokoldan görünür ki, Şəxs xx.xx.2023-cü il tarixdə saat 17:00-da inzibati qaydada tutulmuşdur. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İnzibati Xətalar Məcəlləsinin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikası İnzibati Xətalar Məcəlləsinin 21-ci maddəsinin tələbinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Barəsində inzibati xəta haqqında iş üzrə icraat aparılan şəxs Şəxs əməlindən onun məsuliyyətini yüngülləşdirən və ağırlaşdıran hallar müəyyən edilmədi. Məhkəmə təqdim edilmiş sübutlara qiymət verərək hesab edir ki, Şəxs əməli özünün etiraf edici ifadəsi, zərərçəkmiş şəxsin və iş materialları ilə Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulan inzibati xətaya yol verməsi tam sübuta yetir. Şəxs Azərbaycan Respublikası İnzibati Xətalar Məcəlləsinin 227-ci maddəsinin sanksiyasında nəzərdə tutulmuş ictimai işlər tənbeh növü təyin edilməlidir. Azərbaycan Respublikası İnzibati Xətalar Məcəlləsinin 227-ci maddəsinin tələbinə əsasən xırda talama, yəni oğurlama, mənimsəmə, israfçılıq, qulluq mövqeyindən suiistifadə və ya dələduzluq yolu ilə özgəsinin əmlakını talamağa görə yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İnzibati Xətalar Məcəlləsinin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Azərbaycan Respublikası İXM-in 76.1-ci maddəsinə əsasən, İnzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İnzibati xətanın xarakterini və mahiyyətini, barəsində inzibati xəta haqqında iş üzrə icraat aparılan şəxs Şəxs şəxsiyyətini, məsuliyyətini yüngülləşdirici və ağırlaşdırıcı halların olmamasını, həmçinin işin faktiki hallarını nəzərə alaraq məhkəmə hesab edir ki, Şəxs təqsirli bilindiyi Azərbaycan Respublikası İnzibati Xətalar Məcəlləsinin 227-ci maddəsinin sanksiyasında nəzərdə tutulan inzibati həbs tənbeh növü tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 115, 117, 128 və 130-cu maddələrini rəhbər tutaraq, QƏRARA ALDİ: Şəxs Azərbaycan Respublikası İXM-nin 227-ci maddəsi ilə təqsirli bilinib, 2 (iki) ay müddətinə inzibati həbs edilsin. İnzibati həbsin əvvəli inzibati qaydada tutulduğu vaxtdan, yəni 03 aprel 2023-cü il tarixdən saat 17:00-dan hesablansın. Qərarın surəti Şəxs təqdim edilsin. Qərar dərhal icra edilsin. Qərarın icrası Ağdaş rayon Polis Şöbəsinə həvalə edilsin. Zərərçəkmiş şəxs inzibati xəta nəticəsində dəymiş zərər ilə bağlı Azərbaycan Respublikasının Mülki Məcəlləsi ilə müəyyən edilmiş qaydada tələb etmək hüququ izah edilsin. Qərarın surəti təqdim edildiyi və ya alındığı gündən 10 gün müddətinə Şəki Apellyasiya məhkəməsinə şikayət və protest verilə bilər. Hakim Nizam Əliyev