Ağdaş Rayon Məhkəməsi Qərar — İş №3(014)-227/2022

Azərbaycan Respublikası adından QƏRAR Ağdaş rayonu İş № 3(014)-227/2022 13.05.2022 AĞDAŞ RAYON MƏHKƏMƏSİ Hakim Əliyev Nizam Mübariz oğlunun sədrliyi, Qarayev Orxan Sərxan oğlunun katibliyi, barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs, Ağdaş rayon Polis şöbəsinin sahə rəisi, polis baş leytenantı X1 iştirakı ilə, xx.xx.1993-cü ildə Ağdaş rayonunda anadan olmuş, Azərbaycan Respublikası vətəndaşı, azərbaycanlı, orta təhsilli, işləməyən, evli, ünvan 1 ünvanında qeydiyyatda olan və yaşayan Şəxs haqqında Azərbaycan Respublikası İXM-nin 227-ci maddəsi ilə Ağdaş rayon Polis şöbəsindən daxil olmuş inzibati xəta haqqında materiala Ağdaş şəhərində 13 may 2022-ci il tarixdə saat 18:00-da açıq məhkəmə iclasında baxaraq, məhkəmə MÜƏYYƏN ETDİ : Şəxs 23 yanvar 2022-ci il tarixdə Ağdaş rayonu Yenikənd kəndində məskunlaşaraq yaşayan Zərərçəkmiş şəxs məxsus 280 (iki yüz səksən) manat dəyərində 7 ədəd hind quşunu oğurlayaraq İXM-nin 227-ci maddəsinin tələblərini pozaraq, xırda talama etmişdir. Bununla da Şəxs barəsində Azərbaycan Respublikası İXM-nin 227-ci maddəsi ilə protokol tərtib edilərək məhkəməyə göndərilmişdir. Məhkəmə iclasında Ağdaş rayon Polis şöbəsinin sahə rəisi, polis baş leytenantı X2 məhkəmə iclasında izahat verərək bildirmişdir ki, Şəxs 23.01.2022-ci il tarixdə Ağdaş rayonu Yenikənd kəndində məskunlaşaraq yaşayan Zərərçəkmiş şəxs məxsus 280 (iki yüz səksən) manat dəyərində 7 ədəd hind quşunu oğurlayaraq İXM-nin 227-ci maddəsinin tələblərini pozaraq, xırda talama etmişdir. Zərərçəkmiş şəxs tərəfindən daxil olmuş müraciət əsasında X3 tərəfindən araşdırma aparılmış və toplanmış materialda cinayət tərkibi olmadığına görə toplanmış material üzrə təhqiqatçı, polis baş leytenantı Ruhid Yaqublu tərəfindən 03.02.2022-ci il tarixdə cinayət işi başlanmasının rədd edilməsi barədə qərar qəbul edilmişdir. Tərəfindən araşdırılma aparılmış, inzibati xəta törətmiş şəxsi müəyyən etmək mümkün olmadığından 05.03.2022-ci il tarixdə iş üzrə icraat dayandırılmış və qərar Ağdaş rayon prokurorluğuna göndərilmişdir. Ağdaş rayon prokuroru, ədliyyə müşaviri Tural İbrahimov tərəfindən 18.04.2022-ci il tarixli qərarla icraat dayandırılması barədə qərar ləğv edilmiş və onun tərəfindən yenidən araşdırma aparılmışdır. İş üzrə inzibati xəta hadisəsini törədən şəxsin Şəxs olduğu müəyyən edildirdən sonra onun barəsində Azərbaycan Respubilkası İXM-in 227-ci maddəsinə əsasən inzibati xəta haqqında protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında, ünvan 1ndə yaşadığını, heç yerdə işləmədiyini, narkotik vasitə istifadəçisi olduğu, pula ehtiyacı olduğunu görə 23.02.2022-ci il tarixdə Ağdaş rayonu Yenikənd kəndində yerləşən fərdi yaşayış evlərinin birindən ev quşları oğurlamaq qərarına gəldiyini, həmin günü səhər saatlarında kənd ərazisində gedərkən həyətinin yanında hasarı olmayan ev gördüyünü, kənardan baxanda həmin evin həyətində ev quşları olan hind quşlarının olduğunu gördüyünü, bu zaman həyətə daxil olaraq 7 ədəd hind quşlarının ayaqlarını bağladığını və özü ilə gətirdiyi torbaya həmin hind quşlarını yığaraq, yola çıxdığını, nömrəsini və modelinin bilmədiyi avtomobilə əyləşərək evə gəldiyini, səhəri günü Ağdaş bazarında tanımadığı bir şəxsə həmin hind quşlarını 70 manata satdığını, əməlindən peşman olduğunu, maddi imkanı olmadığı üçün dəymiş ziyanı ödəyə bilmədiyini bildirdi. Məhkəmədən barəsində inzibati xəta haqqında iş üzrə icraat aparılan şəxs Şəxs barəsində yüngül tənbeh tətbiq edilməsini xahiş etdi. Məhkəmə iclasında zərərçəkmiş şəxsin nümayəndəsi Zərərçəkmiş şəxs izahatında, Ağdaş rayonu Yenikənd kəndində məskunlaşaraq yaşadığını, həmin kənddə ona məxsus fərdi yaşayış evinin olduğunu, həmin evin həyətinin bir hissəsində hasarının olmadığını, həmin evin həyətində ev quşları olan hind quşlarını saxladığını, 23.01.2022-ci il tarixdə səhər saatlarında ona məxsus 280 (iki yüz səksən) manat dəyərində 7 ədəd hind quşlarının həyətə buraxdığını, həmin günü axsam saat 16 radələrində ində olmadığını gördüyünü, bu barədə qardaşı Zaminə bildirdiyini, Zaminin DİN-nin 102 xidmətinə zəng vurduğunu, sonrada ona polis şöbəsindən onun həyətindən oğurluq edən şəxsin Şəxs olduğunu, ona dəymiş ziyanın ödənilmədiyini, ona qarşı şikayətçi olduğunu bildirdi. İş materiallarına əlavə edilmiş Ağdaş rayon Polis şöbəsinin TB-nin təhqiqatçısı, polis baş leytenantı Ruhid Yaqublunun 03 fevral 2022-ci il tarixli «cinayət işinin başlanmasının rədd edilməsi haqqında» qərarından görünür ki, 23.01.2022-ci il tarixdə Ağdaş rayonu Yenikənd kəndində məskunlaşaraq yaşayan Zərərçəkmiş şəxs məxsus 280 (iki yüz səksən) manat dəyərində 7 ədəd hind quşu naməlum şəxs və şəxslər tərəfindən oğurlanmışdır. X3 tərəfindən araşdırma aparılmış və toplanmış materialda cinayət tərkibi olmadığına görə toplanmış material üzrə cinayət işi başlanmasının rədd edilməsi barədə qərar qəbul edilmişdir. Azərbaycan Respublikası İXM-nin 157-ci maddəsinin tərkibi olduğundan, müvafiq tədbir görülməsi üçün Ağdaş rayon Polis Şöbəsinin İTB-nə göndərilmişdir. İş materiallarına əlavə edilmiş Ağdaş rayon Polis şöbəsinin sahə rəisi, polis baş leytenantı X1 04 fevral 2022-ci il tarixli «İnzibati xəta haqqında iş üzrə icraata başlanılması barədə» qərarından görünür ki, Ağdaş rayon Polis şöbəsinin TB-nin təhqiqatçısı, polis baş leytenantı, Ruhid Yaqublunun qərarı əsasında inzibati iş üzrə icraat başlanılmışdır. İş materiallarına əlavə edilmiş 05 mart 2022-ci il tarixli qərarından görünür ki, inzibati xəta haqqında iş üzrə icraat dayandırılmışdır. İş materiallarına əlavə edilmiş 18 aprel 2022-ci il tarixli qərarından görünür ki, inzibati xəta haqqında iş üzrə icraat dayandırılması haqqında qərar ləğv edilmişdir. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Azərbaycan Respublikası İXM-nin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikası İXM-nin 21-ci maddəsinin tələbinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikası İXM-nin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Azərbaycan Respublikası İXM-in 76.1-ci maddəsinə əsasən, İnzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Barəsində inzibati xəta haqqında iş üzrə icraat aparılan şəxs Şəxs əməlindən səmimi peşmançılıq çəkməsi onun məsuliyyətini yüngülləşdirən hal kimi nəzərə alınmalıdır. Barəsində inzibati xəta haqqında iş üzrə icraat aparılan şəxs Şəxs məsuliyyətini ağırlaşdıran hallar müəyyən edilmədi. Məhkəmə təqdim edilmiş sübutlara qiymət verərək hesab edir ki, Şəxs əməli özünün etiraf edici ifadəsi, zərərçəkmiş şəxsin və iş materialları ilə Azərbaycan Respublikası İXM-nin 227-ci maddəsində nəzərdə tutulan inzibati xətaya yol verməsi tam sübuta yetir. Şəxs Azərbaycan Respublikası İnzibati Xətalar Məcəlləsinin 227-ci maddəsinin sanksiyasında nəzərdə tutulmuş ictimai işlər tənbeh növü təyin edilməlidir. Azərbaycan Respublikası İnzibati Xətalar Məcəlləsinin 227-ci maddəsinin tələbinə əsasən xırda talama, yəni oğurlama, mənimsəmə, israfçılıq, qulluq mövqeyindən suiistifadə və ya dələduzluq yolu ilə özgəsinin əmlakını talamağa görə yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. İnzibati xətanın xarakterini və mahiyyətini, barəsində inzibati xəta haqqında iş üzrə icraat aparılan şəxs Şəxs şəxsiyyətini, məsuliyyətini yüngülləşdirici halın olmasını, məsuliyyətini ağırlaşdırıcı halların olmamasını, həmçinin işin faktiki hallarını nəzərə alaraq məhkəmə hesab edir ki, Şəxs təqsirli bilindiyi Azərbaycan Respublikası İXM-nin 227-ci maddəsinin sanksiyasında nəzərdə tutulan inzibati qaydada ictimai işlər tətbiq edilməlidir. Yuxarıda göstərilənlərə əsasən və Azərbaycan Respublikası İXM-nin 40, 43, 48- 51, 114, 115, 117, 128 və 130-cu maddələrini rəhbər tutaraq, QƏRARA ALDİ: Şəxs Azərbaycan Respublikası İXM-nin 227-ci maddəsi ilə təqsirli bilinib, 240 (iki yüz qırx) saat ictimai işlər tətbiq edilsin. Şəxs üzərinə həmin işlərin yerinə yetirildiyi yerlərdə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulsun. Qərarın icrası Ağdaş rayon İcra və Probasiya şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Şəki Apellyasiya məhkəməsinə şikayət və protest verilə bilər. Hakim: Nizam Əliyev