Ağdaş Rayon Məhkəməsi Qərar — İş №3(014)-285/2022

Azərbaycan Respublikası adından QƏRAR Ağdaş rayonu İş № 3(014)-285/2022 06.06.2022 AĞDAŞ RAYON MƏHKƏMƏSİ Ağdaş Rayon Məhkəməsinin hakimi Nəsibov Famil Hümbət oğlunun, Mustafayeva Ulduzə Mütəllim qızının katibliyi, barəsində inzibati xəta haqqında icraat aparılan şəxs Şəxs iştirakı ilə Ağdaş rayon Polis Şöbəsindən daxil olmuş inzibati xəta haqqında materiala baxaraq, MÜƏYYƏN ETDİM: Şəxs 04 iyun 2022-ci il tarixdə saat 18:30 radələrində spirtli içki qəbul edərək avtomobil idarə etdiyi üçün Yol Patrul Xidmətinin əməkdaşları tərəfindən Ağdaş rayon Polis şöbəsinə gətirilən zaman şöbənin qarşısında səs-küy salaraq narazılıq etmiş və polisin qanuni tələbinə qəsdən tabe olmamışdır. Buna görə 05 iyun 2022-ci il tarixdə Şəxs barəsində onun Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməsi haqqında MN ******* №-li inzibati xəta haqqında protokol tərtib olunaraq 06 iyun 2022-ci il tarixdə baxılması üçün məhkəməyə göndərilmişdir. Barəsində inzibati xəta haqqında icraat aparılan şəxs Şəxs məhkəmə iclasında özünü Azərbaycan Respublikası İXM-nin 535.1-ci maddəsində nəzərdə tutulmuş inzibati xətanın törədilməsində təqsirli bildi və 04 iyun 2022-ci il tarixdə saat 18:00 radələrində Ağdaş şəhəri, H.Əliyev prospektində işçisinə məxsus “Mercedes Benz” markalı 90GX775 dövlət qeydiyyat nişanlı avtomobillə hərəkət etdiyini, spirtli içki qəbul etdiyini, o, hərəkətdə olan zaman Ağdaş rayon X2 Patrol Xidmətinin əməkdaşlarının onu saxladıqlarını, Yol Patrul Xidmətinin əməkdaşlarının ona yaxınlaşaraq özlərini təqdim etdiklərini, onun təhlükəsizlik kəmərindən istifadə etmədiyini bildirdiklərini, yoxlama zamanı Yol Patrul Xidmətinin əməkdaşları tərəfindən avtomobilin üzərində üç aydan artıq müddətdə ödənilməmiş inzibati cərimə olmasının aşkar edildiyini, bundan sonra Yol Patrul Xidmətinin baş inspektoru Əliyev Vüsalın ondan spirtli içki qoxusu gəldiyini söylədiyini, sərxoşluq vəziyyətini tibbi müayinədən keçirmək üçün onu Polis Şöbəsinə gətirdiklərini, eyni zamanda Yol Patrul Xidmətinin əməkdaşlarının onun idarə etdiyi avtomobili duracağa yerləşdirdiklərini, Polis Şöbəsinin qarşına çatan zaman onun idarə etdiyi avtomobilin onun yox başqasına aid olduğu üçün avtomobili duracağa yerləşdirmələrinə narazlıq etdiyini və səs-küy saldığını, növbətçi hissəyə gətirildikdən sonra təcili tibbi yardım işçisi tərəfindən sərxoşluq vəziyyətinin yoxlanılması üçün tibbi müayinədən keçirildiyini və həqiqətən də spirtli içki qəbul etməsinin müəyyən olunduğunu və hazırda əməlindən peşman olduğunu bildirdi. İş üzrə şahid Ağdaş rayon X2 Patrul Xidmətinin baş inspektoru X1 04 iyun 2022-ci il tarixdə saat 18:30 radələrində Ağdaş rayonu, H.Əliyev prospektində MBW markalı 99YP553 dövlət qeydiyyat nişanlı avtomobillə Yol Patrul Xidmətinin inspektoru Zərərçəkmiş şəxs2 və Zərərçəkmiş şəxs1 Elbrus oğlu ilə birlikdə xidməti ərazidə xidmət apararkən hərəkətdə olan “Mercedes Benz” markalı 90GX775 dövlət qeydiyyat nömrə nişanlı avtomobilin sürücüsünü təhlükəsizlik kəmərindən istifadə etmədiyi üçün saxladıqlarını, onunla ünsiyyətə olan zaman ondan spirtli içki iyi gəldiyinə görə onun sərxoşluq vəziyyətinin yoxlanılması üçün Polis şöbəsinə dəvət olunduğunu, həmçinin sürücünün idarə etdiyi “Mercedes Benz” markalı 90GX775 dövlət qeydiyyat nömrə nişanlı avtomolin duracağa yerləşdirildiyini, lakin Şəxs onlarla Polis Şöbəsinin qarşısına çatarkən səs-küy salaraq avtomobilin duracağa yerləşdirilməsinə narazılığını bildirdiyini, onlar bundan sonra Şəxs nizam-intizama dəvət edib sakitləşdirmək istəsələr də, Şəxs təkrar olaraq qanunsuz hərəkətlərinə davam etdiyini və polisin qanuni tələbinə qəsdən tabe olmadığını, Şəxs növbətçi hissədə həkim vasitəsi ilə yoxlanıldığını və spirtli içki qəbul etməsinin məlum olduğunu bildirdi. Şahidlər Ağdaş rayon X2 Patrul Xidmətinin inspektorları Zərərçəkmiş şəxs1 Elbrus oğlu və Zərərçəkmiş şəxs2 məhkəmə iclasında şahid X1 ilə eyni məzmunlu ifadə verdilər. Barəsində inzibati xəta haqqında icraat aparılan şəxs Şəxs, iş üzrə şahidləri dinləyib, iş materiallarını araşdıraraq hesab edirəm ki, Şəxs Azərbaycan Respublikası İXM-nin 535.1ci maddəsində nəzərdə tutulan inzibati xətanı törətmişdir, həmin xətanın törədilməsində təqsirlidir, barəsində inzibati tənbeh tətbiq edilməlidir. İnzibati xəta haqqında materiala əlavə olunmuş ******* №-li inzibati qaydada tutma haqqında protokoldan məlum olur ki, Şəxs 04 iyun 2022-ci il tarixdə saat 18:52 radələrində inzibati qaydada tutulmuşdur. İnzibati xəta haqqında materiala əlavə edilmiş 04 iyun 2022-ci il tarixli 97 saylı sərxoşluq vəziyyətinin tibbi müayinəsi aktından görünür ki, Şəxs 04 iyun 2022-ci il tarixdə müayinə olunarkən onun yüngül dərəcə sərxoş olması müəyyən edilmişdir. İnzibati xəta haqqında materiala əlavə olunmuş 06 iyun 2022-ci il tarixli arayışdan məlum olur ki, Şəxs inzibati xəta törətdiyinə görə Polis Şöbəsinin növbətçi hissəsində yaradılmış inzibati məsuliyyətə cəlb edilmiş şəxslərin kartotekasından yoxlanılmış, yoxlama zamanı Şəxs kartotekasında heç bir məlumat aşkar olunmamışdır. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İXM-in 76.1-ci maddəsinə əsasən, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitar-epidemioloci sağlamlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb edilə bilər. Həmin Məcəllənin 4-cü maddəsinə əsasən Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 32.1.1-ci maddəsinə əsasən inzibati xəta törətmiş şəxsin peşmançılığı inzibati xətaya görə məsuliyyəti yüngülləşdirən hal kimi nəzərə alınır. Həmin Məcəllənin 33.1.7-ci maddəsinə əsasən inzibati xətanın sərxoş halda olan şəxs tərəfindən törədilməsi məsuliyyəti ağırlaşdıran hal kimi nəzərə alınmalıdır. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. 01 iyun 2020-ci il tarixdən qüvvədə olan Azərbaycan Respublikası İXM-nin 31.4-1-cü maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Törədilmiş inzibati xətanın xarakterini, inzibati xəta törətmiş şəxs Şəxs şəxsiyyətini xarakterizə edən halları, onun təqsirinin dərəcəsini, əmlak vəziyyətini, məsuliyyətini yüngülləşdirən və məsuliyyətini ağırlaşdıran halları nəzərə alaraq, Azərbaycan Respublikası İXM-nin 31.4-1-ci maddəsinin tələbini nəzərə alınmaqla onun barəsində cərimə tənbehi tətbiq edilməsini kifayət hesab edirəm. Qeyd edilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128 və 130-cu maddələrini rəhbər tutaraq, QƏRARA ALDİM: xx xxxxxx 1968-ci ildə Ağdaş şəhərində anadan olmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, ünvan 1 ünvanında qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinsin, Azərbaycan Respublikası İXM-nin 31.4- 1-ci maddəsinin tələbi nəzərə alınmaqla barəsində 150 (bir yüz əlli) manat məbləğdə cərimə tənbehi tətbiq edilsin. Qərarın icrası Ağdaş rayon İcra və Probasiya şöbəsinə tapşırılsın. Qərar rəsmi qaydada verildiyi gündən 10 gün müddətində Şəki Apellyasiya Məhkəməsinə şikayət və protest verilə bilər. Məhkəmənin hakimi: Famil Nəsibov.