Ağdaş Rayon Məhkəməsi Qərar — İş №3(014)-416/2021

Azərbaycan Respublikası adından QƏRAR Ağdaş rayonu İş № 3(014)-416/2021 14.10.2021 AĞDAŞ RAYON MƏHKƏMƏSİ Əliyev Nizam Mubariz oğlunun sədrliyi, Qarayev Orxan Sərxan oğlunun katibliyi, barəsində inzibati xəta haqqında icraat aparılan şəxs Şəxs və inzibati xəta haqqında protokolu tərtib etmiş Ağdaş rayon İcra və Probasiya şöbəsinin icra məmuru, İ dərəcəli ədliyyə qulluqçusu X4 iştirakı ilə, xx.xx.1987-ci il tarixdə Ağdaş şəhərində anadan olmuş, Azərbaycan Respublikasının vətəndaşı, evli, işləməyən, Ağdaş şəhəri Nəsimi küçəsi 3/26 saylı evdə qeydiyyatda olan Şəxs barəsində Ağdaş rayon İcra və Probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq müəyyən etdi: Ağdaş Rayon Məhkəməsinin 2(014)-579/2021 saylı 17.05.2021-ci il tarixli icra vərəqəsi və qətnaməsinə əsasən Şəxs 12 yanvar 2021-ci il tarixdən başlayaraq 02.06.2011-ci il tarixdə anadan olmuş X3 və 17.12.2015-ci il tarixdə anadan olmuş X1 18 yaşına çatanadək onların saxlanması üçün X2 xeyrinə hər ay hər uşağa görə 100 manat olmaqla, cəmi 200 manat aliment alınıb verilməlidir. Buna görə Ağdaş rayon İcra və Probasiya şöbəsinin icra məmuru, İ dərəcəli ədliyyə qulluqçusu X6 tərəfindən onun barəsində 14 oktyabr 2021-ci il tarixdə inzibati xəta haqqında protokol tərtib edilmiş və baxılması üçün məhkəməyə göndərilmişdir. Barəsində inzibati xəta haqqında icraat aparılan şəxs Şəxs məhkəmə iclasında göstərmişdir ki, Ağdaş Rayon Məhkəməsinin 2(014)-579/2021 saylı 17.05.2021-ci il tarixli icra vərəqəsi və qətnaməsinə əsasən ondan 12 yanvar 2021-ci il tarixdən başlayaraq 02.06.2011-ci il tarixdə anadan olmuş X3 və 17.12.2015-ci il tarixdə anadan olmuş X1 18 yaşına çatanadək onların saxlanması üçün X2 xeyrinə hər ay hər uşağa görə 100 manat olmaqla, cəmi 200 manat aliment alınıb verilməsi qət edilmişdir. Maddi imkanı olmadığına görə tələb olunan alimenti ödəyə bilməmişdir, buna görə də 1800 manat aliment borcu yaranmışdır. İnzibati xəta haqqında protokolu tərtib etmiş Ağdaş rayon İcra və Probasiya şöbəsinin icra məmuru, İ dərəcəli ədliyyə qulluqçusu X6 məhkəmə iclasında göstərmişdir ki, 06.06.2021-ci il tarixdə icraatına Şəxs 12 yanvar 2021-ci il tarixdən başlayaraq 02.06.2011-ci il tarixdə anadan olmuş X3 və 17.12.2015-ci il tarixdə anadan olmuş X1 18 yaşına çatanadək onların saxlanması üçün X2 xeyrinə hər ay hər uşağa görə 100 manat olmaqla, cəmi 200 manat aliment alınıb verilməli barədə Ağdaş Rayon Məhkəməsinin 2(014)-579/2021 saylı 17.05.2021-ci il tarixli icra vərəqəsi və qətnaməsi daxil olmuşdur. Ondan həmin borcu ödəməsi tələb olunsa da, maddi imkanının zəif olmasını səbəb göstərərək borcunu ödəməkdən imtina edərək onun qanuni tələbini yerinə yetirmədiyi üçün tərəfindən borclunun barəsində inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə təqdim edilmiş sübutlara qiymət verərək hesab edir ki, Şəxs Ağdaş Rayon Məhkəməsinin 2(014)-579/2021 saylı 17.05.2021-ci il tarixli icra sənədini üzürsüz səbəbdən icra etməməklə Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi tam sübuta yetir. Şəxs həmin maddədə nəzərdə tutulmuş inzibati tənbeh təyin edilməlidir. Azərbaycan Respublikası İXM-nin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə Şəxs inzibati tənbeh təyin edərkən törətdiyi xətanın xarakterini, törədilmə şəraitini, heç bir üzrlü səbəb olmadan tələbkara olan borcunu ödəməkdən yayındığını, həmçinin məsuliyyətini yüngülləşdirən və ağırlaşdıran halların olmamasını nəzərə alaraq ona inzibati həbs tənbeh növünün təyin edilməsini məqsədə müvafiq hesab edir. Yuxarıda göstərilənlərə əsasən və Azərbaycan Respublikası İXM-nin 43, 112, 114, 115, 117, 128-130-cu maddələrini rəhbər tutaraq, məhkəmə Qərara aldı: Şəxs Azərbaycan Respublikası İXM-nin 528.1-ci maddəsi ilə təqsirli bilinib, ona 08 gün müddətinə inzibati həbs tənbeh növü təyin edilsin. Həbsin əvvəli 14 oktyabr 2021-ci il tarixdən saat 12:00-dan hesablansın. Qərarın icrası Ağdaş rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Şəki Apelyasiya Məhkəməsinə apellyasiya şikayəti verilə bilər. Hakim: Nizam Əliyev