Ağdaş Rayon Məhkəməsi Qərar — İş №3(014)-445/2020

Azərbaycan Respublikası adından QƏRAR Ağdaş rayonu İş № 3(014)-445/2020 02.12.2020 AĞDAŞ RAYON MƏHKƏMƏSİ Ağdaş Rayon Məhkəməsinin hakimi F.Nəsibov, U.Mustafayevanın katibliyi, barəsində inzibati xəta haqqında icraat aparılan şəxs Şəxs,Zərərçəkmiş şəxs iştirakı ilə Ağdaş rayon Polis şöbəsindən daxil olmuş inzibati xəta haqqında materiala baxaraq, MÜƏYYƏN ETDİM: Şəxs xx xxxxxx 2020-ci il tarixdə axşam 20:00 radələrində binanın blokunda anasını və qonşuları söyüb təhqir etmiş və polisin qanuni tələbinə qəsdən tabe olmayaraq Azərbaycan Respublikası İnzibati Xətalar Məcəlləsinin 510-cu və 535.1-ci maddələrinin tələbini pozmuşdur. Buna görə onun barəsində xx xxxxxx 2020-ciil tarixdə inzibati xəta haqqında protokol tərtib edilərək baxılması üçün məhkəməyə göndərilmişdir. Barəsində inzibati xəta haqqında icraat aparılan şəxs Şəxs məhkəmə iclasında özünü Azərbaycan Respublikası İnzibati Xətalar Məcəlləsinin 510-cu və 535.1-ci maddələrində nəzərdə tutulmuş inzibati xətaların törədilməsində təqsirli bildi, xx xxxxxx 2020-ci il tarixdə saat 20:00 radələrində içkili vəziyyətdə evə gələrək anası olan zərərçəkmiş şəxslə mübahisə etdiyini,bu vaxt evdə olan əşyaları dağıdıb-tükdüyünü,anası onu sakitləşdirmək istəsə də ona məhəl qoymadığını və bloka çıxaraq səs küy saldığını,nalayiq ifadələr işlətiyini,bu zaman polis əməkdaşlarının gəldiyini və polislərin onu sakitləşdirmək istəklərinə məhəl qoymadığını,polisin qanuni tələbinə məhəl qoymadığını,odur ki,polis əməkdaşlarının onu polis şöbəsinə dəvət etdiyini,bütün bunları içkili olduğu üçün etdiyini, hazırda əməlindən peşman olduğunu, həmçinin etdiyi əməldən çox utandığını, bir daha belə hallara yol verməyəcəyini,eyni zamanda zərərçəkmiş şəxs olan anası ilə barışdığını bildirdi. Zərərçəmiş şəxs Zərərçəkmiş şəxs məhkəmə iclasında oğlu olan barəsində inzibati xəta haqqında icraat aparılan şəxs Şəxs xx xxxxxx 2020-ci il tarixdə saat 20:00 radələrində içkili vəziyyətdə evə gələrək onunla mübahisə etdiyini,bu vaxt evdə olan əşyaları dağıdıb-tükdüyünü, onu sakitləşdirmək istəsə də Zahidin ona məhəl qoymadığını və bloka çıxaraq səs küy saldığını,nalayiq ifadələr işlətiyini,bu zaman gələn polislərin qanuni tələbinə tabe olmadığını,lakin hazırda Şəxsla barışdığını,ondan heç bir şikayət və tələbinin olmadığını bildirdi. İş üzrə şahi Ağdaş rayon Polis Şöbəsinin sahə rəisi X1 məhkəmə iclasında xx xxxxxx 2020-ci il tarixdə 20:00 radələrində xidmətdə olarkən Zərərçəkmiş şəxs DİN-in 102 xidmətinə müraciət etmiş, odur ki, o və digər polis işçiləri Zərərçəkmiş şəxs yaşadığı ünvana getmişlər, orada Zərərçəkmiş şəxs oğlu Şəxs yüksək səslə nalayiq ifadələr işlədərək anası və orada olan polislərə qarşı aqresivlik göstərdiyini, onu nizam-intizama dəvət etsələr də, onlara etiraz edərək onların qanuni tələbinə məhəl qoymadığını, buna görə də onu Polis Şöbəsinə dəvət etdiklərini təsdiq etdilər. Barəsində inzibati xəta haqqında icraat aparılan şəxs Şəxs, zərərçəmiş şəxs Zərərçəkmiş şəxs, şahidi dinləyib, iş materiallarını araşdıraraq hesab edirəm ki, Şəxs Azərbaycan Respublikası İnzibati Xətalar Məcəlləsinin 510-cu və 535.1-ci maddələrində nəzərdə tutulan inzibati xətanı törətmişdir, həmin xətanın törədilməsində təqsirlidir, barəsində inzibati tənbeh tətbiq edilməlidir. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Materiala əlavə edilmiş sərxoşluq hallarının bütün növlərinin təyini məqsədi ilə aparılan tibbi müayinə haqqında 228 saylı xx xxxxxx 2020-ci il tarixli protokolun surətindən məlum olur ki, Şəxs xx xxxxxx 2020-ci il tarixdə sərxoşluq müayinəsindən keçirilmiş və onun orta dərəcəli sərxoş olması müəyyən olunmuşdur. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitar-epidemioloci sağlamlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb edilə bilər. Həmin Məcəllənin 4-cü maddəsinə əsasən Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşyır. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 33.1.7-ci maddəsinə əsasən inzibati xətaya görə inzibati xətanın sərxoş halda olan şəxs tərəfindən törədilməsi ağırlaşdırıcı hal kimi nəzərə alınmalıdır. Həmin Məcəllənin 32.1.1-ci maddəsinə əsasən inzibati xəta törətmiş şəxsin peşmançılığı inzibati xətaya görə məsuliyyəti yüngülləşdirən hal kimi nəzərə alınır. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Törədilmiş inzibati xətanın xarakterini, inzibati xəta törətmiş Şəxs şəxsiyyətini xarakterizə edən halları, əmlak vəziyyətini, təqsirinin dərəcəsini, məsuliyyətini yüngülləşdirən hal kimi səmimi peşmançılığı, zərərəçəkmişlə barışmasını və məsuliyyətini ağırlaşdıran hal kimi sərxoş olmasını nəzərə alaraq onun barəsində cərimə tənbehi tətbiq edilməsini kifayət hesab edirəm.Belə ki, cərimə cəzası Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur.Lakin tətbiq edilən cərimə cəzası qanunun tələbinə görə inzibati tənbehin yuxarı həddinin dörddə üçündən çox ola bilməz. Odur ki, Şəxs barəsində tətbiq ediləcək 200 manat cərimə cəzasının dörrdə üçünün 150 manat olması müəyyən edilərək Şəxs Azərbaycan Respublikası İnzibati Xətalar Məcəlləsinin 510-cu və 535.1-ci maddələri ilə təqsirli bilinərək barəsində 150 manat cərimə cəzası tətbiq edilməlidir. Qeyd edilənlərə əsasən və Azərbaycan Respublikası İnzibati Xətalar Məcəlləsinin 40, 43, 114, 115, 128 və 130-cu maddələrini rəhbər tutaraq, QƏRARA ALDİM: xx xxxxxx 1992-ci ildə Ağdaş şəhərində anadan olmuş, Azərbaycan Respublikasının vətəndaşı, orta təhsilli, subay, işləməyən, Ağdaş şəhəri, Üç Qovaq küçəsi 49-da qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 510-cu və 535.1-ci maddələri ilə təqsirli bilinsin, Azərbaycan Respublikası İnzibati Xətalar Məcəlləsinin 535.1-ci maddəsi ilə 150(yüz əlli) manat cərimə edilsin. Qərarın icrası Ağdaş rayon İcra və Probasiya şöbəsinə tapşırılsın. Qərar rəsmi qaydada verildiyi gündən 10 gün müddətində Şəki Apellyasiya Məhkəməsinə şikayət və protest verilə bilər. Məhkəmənin hakimi: Famil Nəsibov.