Ağdaş Rayon Məhkəməsi Qərar — İş №3(014)-452/2023

Azərbaycan Respublikası adından QƏRAR Ağdaş rayonu İş № 3(014)-452/2023 28.07.2023 AĞDAŞ RAYON MƏHKƏMƏSİ X13 Çingiz oğlunun sədrliyi, məhkəmə iclasının katibi X3, inzibati xəta törətmiş şəxs Şəxs, inzibati xəta haqqında protokol tərtib etmiş Ağdaş rayon Polis şöbəsinin X1 sahə rəisi, polis leytenantı X4 iştirakı ilə, xx.xx.1981-ci il tarixdə Ağdaş rayonu Qarağan- Sədi kəndində anadan olmuş, Azərbaycan Respublikası vətəndaşı, evli, Ağdaş rayonu Qarağan Sədi kəndində qeydiyyatda olan Şəxs Azərbaycan Respublikası İXM-nin 208-ci maddəsi ilə inzibati xəta törətməsinə dair Ağdaş rayon polis şöbəsindən daxil olmuş inzibati xəta haqqında materiala 28 iyul 2023-cü il tarixdə Ağdaş Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Ağdaş rayon polis şöbəsindən daxil olmuş 24 iyul 2023-cü il tarixli, MN ******* saylı inzibati xəta haqqında protokolda göstərilmişdir ki, Şəxs xx.xx.2023-cü il tarixdə yaşadığı Ağdaş rayonu Qarağan Sədi kəndində özünə məxsus yaşayış evinin həyətində 1 (bir) ədəd dibçəyə narkotik tərkibli çətənə bitkisini əkmiş və inkişaf etmək üçün ona aqrotexniki qaydada qulluq etmişdir. Ağdaş rayon Polis şöbəsinin X1 sahə rəisi, polis leytenantı X10 məhkəmə iclasında izah etdi ki, Şəxs yaşadığı Ağdaş rayonu Qarağan Sədi kəndində yerləşən özünə məxsus yaşayış evinin həyətində 1 (bir) ədəd dibçəyə narkotik tərkibli çətənə bitkisini əkmiş və inkişaf etmək üçün ona aqrotexniki qaydada qulluq etmişdir. Daxil olmuş əməliyyat məlumatları əsasında Ağdaş rayon polis şöbəsinin əməkdaşları xx.xx.2023-cü il tarixdə, saat 00:33 radələrində Şəxs yaşadığı Ağdaş rayonu Qarağan Sədi kəndində yerləşən evinə baxış keçirərkən 1 (bir) ədəd dibçəyə əkilmiş 5 sm uzunluqda narkotik tərkibli bitkiyə bənzər bitki aşkar edilmiş və X12 sertifikatlaşdırma Labaratoriyasında baş aqronomu X8 tərəfindən həmin narkotik tərkibli bitkiyə baxış keçirilmiş, rəy verilərək aqrotexniki qaydada qulluq olunduğu bildirilmişdir. Aşkar edilmiş narkotik tərkibli bitki kökündən çıxarılmış və daha sonra həmin bitki 01 ədəd zərfə qablaşdırılmışdır. Şəxs barəsində Ağdaş rayon X5 Bölməsində araşdırma aparılmış və onun əməlində Azərbaycan Respublikası İXM-nin 208-ci maddəsinin tərkibi olduğundan, müvafiq tədbir görülməsi üçün Ağdaş rayon X7 Təhlükəsizlik Bölməsinə göndərilmişdir. Bununla bağlı 24 iyul 2023-cü il tarixdə Şəxs barəsində Azərbaycan Respublikası İXM-nin 208-ci maddəsi ilə inzibati xəta haqqında protokol tərtib edilmiş, lakin Şəxs qaçıb gizləndiyindən iş üzrə icraat dayandırılmış, Şəxs 27 iyul 2023-cü il tarixdə, saat 11:00-da inzibati qaydada tutulmuşdur. Göstərilənləri nəzərə alıb Şəxs barəsində qanunamüvafiq qərarın qəbul edilməsini xahiş etmişdir. Barəsində inzibati xəta haqqında icraat aparılan şəxs Şəxs məhkəmə iclasında izahatında göstərmişdir ki, Azərbaycan Respublikası İXM-nin 208-ci maddəsi ilə özünü təqsirli bilir. Ağdaş rayonu Qarağan Sədi kəndində yerləşən özünə məxsus evdə yaşayır. xx.xx.2023-cü il tarixdə, saat 00:33 radələrində yaşadığı evdə olarkən yoldan onun kiminsə səsləməsini eşitmişdir. Həmin vaxt yaşadığı evin qarşısındakı küçəyə çıxarkən polis əməkdaşları ona yaxınlaşaraq onlarda yaşadığı evin həyətyanı sahəsində narkotik tərkibli bitkisi əkməyi barədə məlumat olduğunu söyləmişlər. O da həmin vaxt polis əməkdaşlarını yaşadığı evə dəvət etmişdir. Yaşadığı evin həyətyanı sahəsinə aqronomun iştirakı ilə baxış keçirilmiş, baxış zamanı yaşadığı evin həyətyanı sahəsindən 01 ədəd dibçəyə əkilmiş narkotik tərkibli bitki aşkar edilmişdir. Daha sonra yaşadığı evin həyətyanı sahəsindən aşkar edilmiş narkotik tərkibli bitki kökündən çıxarılmış və hündürlüyü 5 sm olmuşdur. Daha sonra həmin bitki sellofan paketə qablaşdırılmış, paketin üzərinə imza etmişlər. Şəxs əlavə olaraq izahatında əməlindən peşmandır. Polis şöbəsində valideyinlərinin ona gələcəkdə münasibətlərindən qorxaraq yalan izahat vermiş, narkotik tərkibli bitkinin onun tərəfindən əkilmədiyini bildirmişdir. Onun barəsində yüngül cəza verilməsini xahiş etdi. İnzibati xəta haqqında materiala əlavə edilmiş 24 iyul 2023-cü il tarixli, MN ******* nömrəli inzibati xəta haqqında protokoldan görünür ki, Şəxs xx.xx.2023-cü il tarixdə yaşadığı Ağdaş rayonu Qarağan Sədi kəndində özünə məxsus yaşayış evinin həyətində 1 (bir) ədəd dibçəyə narkotik tərkibli çətənə bitkisini əkmiş və inkişaf etmək üçün ona aqrotexniki qaydada qulluq etmişdir. İşin materiallarında olan və məhkəmə iclasında tədqiq edilən Azərbaycan Respublikası Ədliyyə Nazirliyi Məhkəmə Ekspertizası X6 Bölməsinin xx.xx.2023-cü il tarixli 17/386 ekspert rəyindən görünür ki, tədqiqata təqdim olunmuş, üzərində “ Ağdaş rayon Qarağan-Sədi kəndindən aşkar edilmiş Şəxs və X2 əkdikləri 34 ədəd dibçək..” sözləri yazılmış 01 ədəd karton qutunun içərisindəki hər birinin içərisində torpaq olan 34 ədəd plastik stəkanlardan: - 01 ədədinin içərisində torpağa əkilmiş vəziyyətdə uzunluğunu 5 sm, nəm halda təmiz çəkisi - 0,11 qram olan 01 ədəd bitki şitili əkilib-becərilməsi qadağan olunmuş narkotik təbiətli çətənə (kannabis) bitkisinin şitilidir. - 04 ədədinin içərisində torpağa əkilmiş vəziyyətdə, uzunluqları 1 sm-dən 3-sm-dək, ümumi çəkiləri - 0,19 qram olan hər birində 01 ədəd olmaqla ümumilikdə 04 ədəd cücərti formasında olan bitki nümunələri inkişaflarının ilkin fazasında olduqları üçün onların hansı növə aid olduqlarını müəyyən etmək mümkün olmadı - 02 ədədinin içərisində torpağın altında, uzunluqları 1 sm və 2 sm, ümumi çəkiləri- 0,08 qram olan hər birində 01 ədəd olmaqla ümumilikdə 02 ədəd cücərti formasında olan bitki nümunələri inkişaflarının ilkin fazasında olduqları üçün onların hansı növə aid olduqlarını müəyyən etmək mümkün olmadı. - digər 27 yeddi ədəd plastik stəkanlardakı torpaqlarda bitki şitilləri, bitki cücərtiləri və bitki toxumları aşkar edilmədi. Aqronom (mütəxəssis) Arif Səmədovun 09 may 2023-cü il tarxli rəyinə əsasən çətənə (kannabis) bitkisinin şitilinə və cücərti formasında olan bitki nümunələrinə aqrotexniki qaydada qulluq göstərilmişdir. İnzibati xəta haqqında materiala əlavə edilmiş xx.xx.2023-cü il tarixli, MN № ******* nömrəli inzibati xəta haqqında iş üzrə icraatın dayandırılması haqqında qərardan görünür ki, Şəxs qaçıb gizləndiyindən iş üzrə icraatın dayandırılmışdır. İnzibati xəta haqqında materiala əlavə edilmiş MN ******* nömrəli inzibati tutma haqqında protokoldan görünür ki, Şəxs 27 iyul 2023-cü il tarixdə, saat 11:00-da inzibati qaydada tutulmuşdur. Azərbaycan Respublikası İnzibati Xətalar Məcəlləsinin 208-ci maddəsinə əsasən qanunsuz olaraq tərkibində narkotik maddələr olan bitkilərin az miqdarda kultivasiyasına (əkilməsinə, yetişdirilməsinə və ya onların (onların hissələrinin) toplanılmasına) görə - iki yüz manatdan üç yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir. Azərbaycan Respublikası İXM-in 76.1-ci maddəsinə əsasən, İnzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə təqdim edilmiş sübutlara qiymət verərək hesab edir ki, Şəxs Azərbaycan Respublikası İXM-nin 208-ci maddəsində nəzərdə tutulan inzibati xətaya yol verməsi özünün və iş materiallarında olan şahid izahatları və iş materialları ilə tam sübuta yetir, həmin xətanı törətməkdə təqsirlidir, əməlin inzibati xəta olmasını aradan qaldıran və inzibati məsuliyyəti istisna edən halları yoxdur. Şəxs Azərbaycan Respublikası İnzibati Xətalar Məcəlləsinin 208-ci maddəsinin sanksiyasında nəzərdə tutulmuş inzibati həbs növündə tənbeh təyin edilməlidir. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını,onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşyır. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində inzibati xəta haqqında iş üzrə icraat aparılan şəxs Şəxs əməlindən peşman olması bildirməsi onun məsuliyyətini yüngülləşdirən hal kimi nəzərə alır. Barəsində inzibati xəta haqqında iş üzrə icraat aparılan şəxs Şəxs əməlində onun məsuliyyətini ağırlaşdıran hallar müəyyən edilmədi. Azərbaycan Respublikası İnzibati Xətalar Məcəlləsinin 30.1-ci maddəsinə əsasən inzibati həbs, yalnız müstəsna hallarda bu Məcəllənin Xüsusi hissəsinin müvafiq maddələrində nəzərdə tutulan inzibati xətaların ayrı-ayrı növlərinə görə üç gündən üç ay müddətinədək hakim tərəfindən tətbiq edilir. Həmin Məcəllənin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə Şəxs inzibati tənbeh təyin edərkən törətdiyi xətanın xarakterini, törədilmə şəraitini, həmçinin məsuliyyətini yüngülləşdirən halların olmasını və ağırlaşdıran halların olmamasını nəzərə alaraq ona inzibati həbs tənbeh növünün təyin edilməsini məqsədə müvafiq hesab edir. Azərbaycan Respublikası İnzibati Xətalar Məcəlləsinin 26.1-ci maddəsinə əsasən, inzibati xəta törətmiş şəxsin xüsusi mülkiyyətində olan, inzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi bu Məcəllənin Xüsusi hissəsində nəzərdə tutulmuş hallarda həmin predmetin məcburi qaydada və ödənişsiz dövlətin mülkiyyətinə keçməsindən ibarətdir. Azərbaycan Respublikası İnzibati Xətalar Məcəlləsinin 26.2-ci maddəsinə əsasən, inzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi yalnız hakim tərəfindən tətbiq edilir. İş üzrə maddi sübut olan Ağdaş rayon Polis Şöbəsinin MSSK-da saxlanılan, ekspertiza tədqiqatından sonra, qalan 1 (bir) ədəd, uzunluğu 5 sm, nəm vəziyyətdə təmiz çəkisi – 0.11 qram olan əkilib-becərilməsi qadağan olunmuş narkotik tərkibli çətənə (kannabis) bitkisi qərar qanuni qüvvəsini aldıqdan sonra məhv edilməlidir. Qeyd olunanlara əsaslanaraq və Azərbaycan Respublikası İnzibati Xətalar Məcəlləsinin 40, 43, 114, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM-nin 208-ci maddəsi ilə təqsirli bilinib, 20 (iyirmi) gün müddətinə inzibati həbs edilsin. Həbsin əvvəli 27 iyul 2023-cü il tarixdən saat 11:00-da hesablansın. Qərarın surəti Şəxs təqdim edilsin. Qərar dərhal icra edilsin. Qərarın icrası Ağdaş rayon Polis Şöbəsinə həvalə edilsin. İş üzrə maddi sübut olan Ağdaş rayon Polis Şöbəsinin MSSK-da saxlanılan, ekspertiza tədqiqatından sonra, qalan 1 (bir) ədəd, uzunluğu 5 sm, nəm vəziyyətdə təmiz çəkisi – 0.11 qram olan əkilib-becərilməsi qadağan olunmuş narkotik tərkibli çətənə (kannabis) bitkisi qərar qanuni qüvvəsini aldıqdan sonra məhv edilsin. Qərar rəsmi qaydada verildiyi gündən 10 gün müddətində Şəki Apellyasiya Məhkəməsinə şikayət və ya protest verilə bilər. X16