Ağdaş Rayon Məhkəməsi Qərar — İş №3(014)-472/2025

Azərbaycan Respublikası adından QƏRAR Ağdaş rayonu İş № 3(014)-472/2025 08.09.2025 AĞDAŞ RAYON MƏHKƏMƏSİ Ağdaş Rayon Məhkəməsinin hakimi Bağırov Məhəmməd Ənvər oğlunun sədrliyi, məhkəmə iclasının katibi X4, inzibati xəta haqqında protokol tərtib etmiş şəxs Ağdaş rayon Polis şöbəsinin X1 polis sahə rəisi X2, barəsində inzibati icraat aparılan şəxs Şəxs və onun müdafiəçisi Vəkil iştirakları ilə xx xxxxxxx 2001-ci ildə Ağdaş rayonu, Ləki qəsəbəsində doğulmuş, Azərbaycan Respublikasının vətəndaşı, orta təhsilli, subay, Ağdaş rayonu, Ləki qəsəbəsi, Yeni Massivdə yaşayan və həmin ünvanda qeydiyyatda olan Şəxs Azərbaycan Respublikası İnzibati Xətalar Məcəlləsinin (bundan sonra İnzibati Xətalar Məcəlləsi) 510 və 535.1-ci maddələri ilə təqsirləndirilməsinə dair Ağdaş rayon Polis Şöbəsindən daxil olmuş materiala Ağdaş Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: Ağdaş rayon Polis şöbəsinin X1 polis sahə rəisi X2 tərəfindən Şəxs barəsində İnzibati Xətalar Məcəlləsinin 510 və 535.1-ci maddələri ilə 08 sentyabr 2025-ci il tarixli, İXP seriyalı ******* nömrəli inzibati xəta haqqında protokol tərtib edilmişdir ona görə ki, Şəxs 07 sentyabr 2025-ci il tarixdə saat 15 radələrində Ağdaş rayonu, Ləki qəsəbəsi, Yeni Massivdə uca səslə küçədə qışqıraraq ünvansız söyüşlər söyüb xırda xuliqanlıq etmiş və polis əməkdaşlarının qanuni tələbinə tabe olmamışdır. İnzibati xəta haqqında protokol tərtib etmiş Ağdaş rayon Polis şöbəsinin X1 polis sahə rəisi X2 məhkəmə iclasında verdiyi izahatında bildirdi ki, 07 sentyabr 2025-ci il tarixdə Ağdaş rayon X5 Bölməsində ünvan 3 ünvanından oğurluğa cəhd hadisəsinin törədilməsində şübhəli olan Ağdaş rayonu, Ləki Qəsəbəsi, Yeni Massiv yaşayış sahəsində qeydiyyatda olmaqa yaşayan Şəxs təxirə salınmadan Ağdaş rayon X5 Bölməsinə gətirilməsi ilə bağlı daxil olmuş raport əsasında Ağdaş rayon Polis Şöbəsinin Cinayət Axtarış Bölməsinin əməliyyat müvəkkili Şahid1 Post Patrul Xidməti Bölüyünün polis nəfəri Şahid2 ilə birlikdə 07 sentyabr 2025-ci il tarixdə saat 15 radələrində Ağdaş rayonu, Ləki Qəsəbəsi, Yeni Massiv yaşayış sahəsində Şəxs yerini müəyyən edərək aparılan araşdırma ilə bağlı izahatının alınması üçün onu Ağdaş rayon Polis Şöbəsinə dəvət etdikləri zaman Şəxs Polis Şöbəsinə getmək istəmədiyini bildirərək ucadan qışqırıb səsküy salmağa, ünvansız və polisin ünvanına söyüşlər söyməyə başlamışdır. Onlar Şəxs sakit olmasını, ictimai qaydanı pozmamasını tələb etmişlər. Lakin Şəxs onların qanuni tələblərinə qəsdən tabe olmayaraq öz qanunsuz əməllərini davam etdiyi üçün onu rayon Polis Şöbəsinə gətirib Növbətçi Hissəyə təhvil vermişlər. Bununla bağlı Şəxs barəsində İnzibati Xətalar Məcəlləsinin 510 və 535.1-ci maddələri ilə protokol tərtib edilərək baxılması üçün Ağdaş Rayon Məhkəməsinə göndərilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək bildirdi ki, o, həmin gün evdə olmuş və spirtli içki qəbul etmişdir. Həmin vaxt polis əməkdaşları onun yaşadığı ünvana gələrək ona Polis Şöbəsinə getməli olduğunu bildirdikdə o, qorxduğu və spirtli içkinin təsiri altında olduğundan səsini uclatmış, polis əməkdaşlarının sözünə məhəl qoymayaraq Polis Şöbəsinə getməyəcəyini bildirmiş və söyüş söyməyə başlamışdır. Əməlindən peşmandır. Məhkəmə iclasında şahid qismində dindirilmiş Şahid1 izahatında bildirdi ki, ünvan 3 ünvanından oğurluğa cəhd hadisəsinin törədilməsində şübhəli olan xx xxxxxxx 2001-ci il təvəllüdlü, Ağdaş rayonu, Ləki Qəsəbəsi, Yeni Massiv yaşayış sahəsində qeydiyyatda olmaqa yaşayan Şəxs təxirə salınmadan Ağdaş rayon X7 Bölməsinə gətirilməsi ilə bağlı rayon X8 Bölməsinin müstəntiqi Süleyman Süleymanovun 07 sentyabr 2025-ci il tarixli raportu icraatına daxil olmuşdur. Həmin raportun icrası ilə bağlı Şəxs gətirilməsi üçün Ağdaş rayon X11 Patrul Xidməti Bölüyünün polis nəfəri Şahid2 ilə birlikdə 07 sentyabr 2025-ci il tarixdə saat 15 radələrində Ağdaş rayonu, Ləki Qəsəbəsi, Yeni Massiv yaşayış sahəsində Şəxs yerini müəyyən edərək ona yaxınlaşıb Ağdaş rayon X8 Bölməsində aparılan araşdırma ilə bağlı izahatının alınması zərurətinin yaranmasını bildirərək onu Ağdaş rayon Polis Şöbəsinə dəvət etmişlər. Şəxs Ağdaş rayon Polis Şöbəsinə gəlib izahat vermək istəmədiyini bildirərək küçədə uca səslə qışqırıb ünvansız söyüşlər söyməyə başlamışdır. Onlar Şəxs nizam-intizama dəvət edib, ictimai qaydanı pozmamasını tələb etsələr də, Şəxs onların qanuni tələblərinə məhəl qoymayaraq əl-qol hərəkətləri ilə müqavimət göstərməyə və öz hərəkətlərini davam etdirərək qəsdən tabesizlik göstərməyə başlamışdır. Məhkəmə iclasında şahid qismində dindirilmiş Şahid2 Şahid1 izahatına uyğun izahat verdi. Məhkəmə iclasında şahid qismində dindirilmiş Şahid3 izahatında bildirdi ki, 07 sentyabr 2025-ci il tarixdə təxminən saat 15 radələrində Ağdaş rayon Dəmir Yol stansiyasının yaxınlığındakı çayxanada olan zaman bir nəfər şəxsin Ağdaş rayonu, Ləki Qəsəbəsi, Yeni Massiv yaşayış sahəsində ucadan qışqırmasını görmüşdür. O, səs gələn yerə bir qədər yaxınlaşdıqda 2 nəfər polis əməkdaşının ətrafda olduğunu və həmin şəxsi sakitləşdirmək istədiklərini, lakin həmin şəxsi sakitləşdirə bilmədikləri üçün apardıqlarını görmüşdür. İş materiallarında olan və məhkəmə baxışında tədqiq edilmiş: Ağdaş rayon X5 Bölməsinin müstəntiqi Süleyman Süleymanov tərəfindən Ağdaş rayon Polis Şöbəsinin rəis müavini İlkin Hüseynova ünvanlanmış 07 sentyabr 2025-ci il tarixli raportun surətindən görünür ki, İstintaq Bölməsinin müstəntiqi Süleyman Süleymanov icraatında olan HK-1/1578 saylı material üzrə yaranmış zərurətlə əlaqədar olaraq ünvan 3 ünvanından oğurluğa cəhd hadisəninin törədilməsində şübhəli olan xx xxxxxxx 2001-ci il təvəllüdlü Ağdaş rayonu, Ləki qəsəbəsi, Yeni Massiv yaşayış sahəsində qeydiyyatda olmaqla yaşayan Şəxs təxirə salınmadan Ağdaş rayon X5 Bölməsinə gətirilməsinə göstəriş verilməsini xahiş etmişdir. Ağdaş rayon Polis Şöbəsinin Cinayət Axtarış Bölməsinin əməliyyat müvəkkili Şahid1 tərəfindən Polis Şöbəsinin rəhbərliyinə ünvanlanmış 07 sentyabr 2025-ci il tarixli raportdan görünür ki, oğurluğa cəhd hadisəsinin törədilməsində şübhəli olan Ağdaş rayonu, Ləki Qəsəbəsi, Yeni Massiv yaşayış sahəsində qeydiyyatda olmaqa yaşayan Şəxs Ağdaş rayon X5 Bölməsinə gətirilməsi ilə bağlı daxil olmuş raport əsasında Ağdaş rayon X11 Patrul Xidməti Bölüyünün polis nəfəri Şahid2 ilə birlikdə 07 sentyabr 2025-ci il tarixdə saat 15 radələrində Ağdaş rayonu, Ləki Qəsəbəsi, Yeni Massiv yaşayış sahəsində Şəxs yerini müəyyən edərək aparılan araşdırma ilə bağlı izahatının alınması üçün onu Ağdaş rayon Polis Şöbəsinə dəvət etdikləri zaman o, Polis Şöbəsinə getmək istəmədiyini bildirərək ucadan qışqıraraq səs-küy salmağa, ünvansız və polisin ünvanına söyüşlər söyməyə başlamışdır. Polis əməkdaşları ondan sakit olmasını, ictimai qaydanı pozmamasını tələb etmişlər. Lakin Şəxs onların qanuni tələblərinə qəsdən tabe olmayaraq öz qanunsuz əməllərini davam etdiyi üçün onu rayon Polis Şöbəsinə gətirib Növbətçi Hissəyə təhvil vermişlər. “İnzibati qaydada tutma haqqında” protokoldan görünür ki, Şəxs 07 sentyabr 2025ci il tarixdə, saat 15:55-də inzibati qaydada tutulmuşdur. Azərbaycan Respublikası DİN-nin xx.xx.2001-ci il tarixli, 239 nömrəli əmrinə əsasən rayon X6 Hissəsində yaradılmış inzibati məsuliyyətə cəlb edilmiş şəxslərin kartotekası yoxlanılan zaman müəyyən edilmişdir ki, vətəndaş Şəxs barəsində 20 iyun 2024-cü il tarixdə İnzibati Xətalar Məcəlləsinin 227-ci maddəsi, 25 iyun 2024-cü il tarixdə İnzibati Xətalar Məcəlləsinin 227 və 157-ci maddələri, 19 sentyabr 2024-cü il tarixdə İnzibati Xətalar Məcəlləsinin 157-ci maddəsi ilə inzibati xəta haqqında protokol tərtib edilmişdir. İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. 5-ci maddəsində qeyd olunur ki, insan və vətəndaş hüquqları və azadlıqları ali dəyərə malikdir. Bu hüquqların və azadlıqların pozulmasına yol verən bütün dövlət orqanları, qurumları və vəzifəli şəxslər məsuliyyət daşıyırlar. Bu Məcəllə insan və vətəndaş hüquqlarının və azadlıqlarının dövlət orqanları, qurumları və vəzifəli şəxslər tərəfindən pozulmasının qarşısının alınmasını və onlara hörmət olunmasını təmin edir. 12-ci maddəsində qeyd olunur ki, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Belə ki, İnzibati Xətalar Məcəlləsinin 510-cu maddəsində xırda xuliqanlıq, yəni ictimai qaydanı pozan fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakını məhv edilməsi və ya zədələməsi ilə müşaiət edilməyən hərəkətlərə görə, 535.1-ci maddəsində polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə inzibati məsuliyyət nəzərdə tutulmuşdur. Məhkəmə iclasında tədqiq edilmiş inzibati xəta haqqında protokol, barəsində inzibati xəta haqqında icraat aparılan şəxsin və şahidlərin izahatları, habelə inzibati materialda olan digər sənədlərlə sübuta yetirilmişdir ki, Şəxs 07 sentyabr 2025-ci il tarixdə saat 15 radələrində Ağdaş rayonu, Ləki qəsəbəsi, Yeni Massivdə səs-küy salaraq ünvansız küçə söyüşləri söyüb xırda xuliqanlıq etmiş, ona yaxınlaşan polis əməkdaşlarının qanuni tələbinə tabe olmayaraq İnzibati Xətalar Məcəlləsinin 510 və 535.1-ci maddələrinin tələbini pozmuşdur. 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. 32-ci və 33-cü maddələrinə əsasən Şəxs məsuliyyətini yüngülləşdirən və ağırlaşdıran hallar müəyyən olunmamışdır. İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə, törədilmiş inzibati xətanın xarakterini, təqsirin dərəcəsini, şəxsiyyətini xarakterizə edən halları, məsuliyyətini yüngülləşdirən və ağırlaşdıran halların olmamasını və əmlak vəziyyətini nəzərə alaraq, hesab edir ki, Şəxs İnzibati Xətalar Məcəlləsinin 34.3cü maddəsinə əsasən daha ciddi xətaya görə, yəni həmin Məcəllənin 535.1-ci maddəsinin sanksiyasının həddi daxilində inzibati həbs növündə tənbeh tətbiq etməklə inzibati tənbehin məqsədlərinə nail olmaq olar. Odur ki, Şəxs barəsində inzibati həbs tənbeh tədbiri tətbiq edilməli və həbsetmənin əvvəli 07 sentyabr 2025-ci il tarixdən saat 15:55-dən hesablanmalıdır. Belə ki, İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Barəsində inzibati xəta haqqında icraat aparılan şəxs Şəxs müdafiəçi tələb etdiyinə, lakin müdafiəçiyə haqq ödəməyə maddi imkanının olmadığını bildirdiyinə görə o, hüquqi yardıma görə haqq ödəməkdən azad edilməli və onun məhkəmədə müdafiəsi ilə əlaqədar vəkilin əmək haqqı dövlət büdcəsinin hesabına ödənilməlidir. İş materiallarından görünür ki, Ağdaş rayon Vəkil Bürosunun vəkili Vəkil tərəfindən məhkəmə icraatı zamanı barəsində inzibati xəta haqqında icraat aparılan şəxs Şəxs hüquqlarının müdafiəsinə 04 iş saatı vaxt sərf edilmişdir. Ona görə də məhkəmə hesab edir ki, İnzibati Xətalar Məcəlləsinin 66.3-cü maddəsinə əsasən müdafiəçinin hüquqi yardımının ödənilməsi Azərbaycan Respublikası Dövlət büdcəsinin vəsaiti hesabına təmin edilməlidir. Barəsində inzibati xəta haqqında icraat aparılan şəxs Şəxs məhkəmə icraatı zamanı göstərilən hüquqi yardımla bağlı 44 manat Ağdaş rayon Vəkil Bürosunun vəkili Vəkil ödənilməsi üçün (Azərbaycan Respublikası Dövlət büdcəsinin vəsaiti hesabından "xxxx" ASC-nin Ağdaş filialındakı kodu 4393422, müxbir hesabı AZ03NABZ********************, SWİFT İBAZAZ2X, müştərinin hesab nömrəsi AZ50İBAZ********************, VÖEN ********** saylı) Ağdaş rayon Vəkil Bürosunun hesabına köçürülməlidir. Belə ki, İnzibati Xətalar Məcəlləsinin 55.2-ci maddəsinə əsasən fiziki şəxslər barəsində inzibati xətalar haqqında işlər üzrə məsrəflər dövlət hesabına ödənilir. Həmin Məcəllənin 55.4-cü maddəsinə əsasən məsrəflər haqqında qəbul edilmiş qərar inzibati tənbeh tətbiq edilməsi və ya inzibati xəta haqqında iş üzrə icraata xitam verilməsi haqqında qərarda göstərilir. Yuxarıda göstərilənlərə və İnzibati Xətalar Məcəlləsinin 40, 43, 48-51, 114, 128- 130-cu maddərini rəhbər tutaraq, məhkəmə QƏRARA ALDİ: Əhmədov X3 Xətalar Məcəlləsinin 510 və 535.1-ci maddələri ilə nəzərdə tutulan inzibati xətaları törətməkdə təqsirli bilinsin və həmin Məcəllənin 34.3-cü maddəsi nəzərə alınmaqla ona İnzibati Xətalar Məcəlləsinin 535.1-ci maddəsi ilə 10 (on) gün müddətə inzibati həbs tənbeh tədbiri tətbiq edilsin. Şəxs məhkəmə iclas zalından dərhal həbsə alınsın. Həbsetmənin əvvəli 07 sentyabr 2025-ci il tarixdən, saat 15:55-də hesablansın. Qərarın icrası Ağdaş rayon Polis şöbəsinə həvalə edilsin. Şəxs məhkəmə icraatı zamanı göstərilən hüquqi yardımla bağlı 44 manat Ağdaş rayon Vəkil Bürosunun vəkili Vəkil ödənilməsi üçün (Azərbaycan Respublikası Dövlət büdcəsinin vəsaiti hesabından "xxxx" ASC-nin Ağdaş filialındakı kodu 4393422, müxbir hesabı AZ03NABZ********************, SWİFT İBAZAZ2X, müştərinin hesab nömrəsi AZ50İBAZ********************, VÖEN ********** saylı) Ağdaş rayon Vəkil Bürosunun hesabına köçürülsün. Qərarın surəti rəsmi qaydada verildiyi vaxtdan 10 (on) gün müddətində işə baxan Ağdaş Rayon Məhkəməsi vasitəsilə və ya birbaşa Şəki Apellyasiya Məhkəməsinə şikayət verilə bilər Hakim Məhəmməd Bağırov