Ağdaş Rayon Məhkəməsi Qərar — İş №3(014)-497/2024

Azərbaycan Respublikası adından QƏRAR Ağdaş rayonu İş № 3(014)-497/2024 22.10.2024 AĞDAŞ RAYON MƏHKƏMƏSİ Hakim Mürsəlova Aygün Mayıl qızının sədrliyi, Məhkəmə iclas katibi Fərəcova Gülnarə Kamal qızının katibliyi, İnzibati xəta haqqında protokolu tərtib etmiş şəxs Ağdaş Rayon İcra və Probasiya Şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, 22 avqust 1989-cu ildə Ağdaş rayonu, Ləki qəsəbəsində anadan olmuş, Azərbaycan Respublikasının vətəndaşı, orta təhsilli, subay, fəhlə işləyən, ünvan 1ində qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsi haqqında işə açıq məhkəmə iclasında baxaraq, MÜƏYYƏN ETDİ: Ağdaş Rayon Məhkəməsinin 2(014)-517/2020 saylı, 18 mart 2020-ci il tarixli icra vərəqəsinə əsasən 2 uşağın saxlanılması üçün Zərərçəkmiş şəxs hər ay cəmi 240 manat aliment ödənilməlidir. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Məhkəmə iclasında inzibati xəta haqqında protokolu tərtib etmiş şəxs Ağdaş rayon İcra və Probasiya Şöbəsinin icra məmuru X5 bildirdi ki, Ağdaş Rayon Məhkəməsinin 2(014)-517/2020 saylı, 18 mart 2020-ci il tarixli icra vərəqəsinə əsasən Şəxs 18 fevral 2020-ci il tarixdən başlayaraq 2 uşağın saxlanılmaları üçün hər ay hər uşaq üçün 120 manat, cəmi 240 manat alimentin alınaraq Zərərçəkmiş şəxs verilməlidir. İcra vərəqəsi 18 mart 2020-ci il tarixdə icraatına daxil olmuş və həmin tarixdə tərəfindən icraata başlamaq haqqında qərar qəbul edilmişdir. Bundan sonra Şəxs bildiriş verilməklə icra sənədində olan tələb və alimenti vaxtı-vaxtında ödəməsi ona izah edilmişdir. Lakin Şəxs icra sənədi üzrə olan alimenti vaxtında və tələb olunan məbləğdə ödəməmişdir, eyni zamanda çağırışlara gəlmədiyindən barəsində xx.xx.2022-ci il tarixdə 8(014)-167/2022 saylı məcburi gətirilmə haqqında qərar qəbul edilmiş, daha sonra xx.xx.2023-cü il tarixdə 3(014)- 129/2023 saylı məhkəmə qərarı ilə Şəxs 8 gün müddətinə inzibati həbs edilmişdir. Şəxs tələb olunan alimenti qərəzli olaraq ödəmir, tələbkar Zərərçəkmiş şəxs isə aliment tələb etməkdə israrlıdır, aliment ödənilmədiyi halda Şəxs həbs olunmasını tələb edir. Şəxs bugünə Zərərçəkmiş şəxs 2955 manat aliment borcu yaranmışdır. Şəxs aliment borcunu ödəməsi tələb olunsa da, borclu 2955 manat borcu üzrsüz səbəbdən ödəmir. Borcunu hər ay 400 manat olmaqla ödəyəcəyini bildirmişdir. Barəsində inzibati xəta haqqında iş üzrə icraat aparılan şəxsin tələb olunan aliment borcunun ödənilməsinə yönəldiləcək hər hansı əmlakı aşkar edilməmişdir. Buna görə də onun barəsində inzibati xəta haqqında protokol tərtib etmişdir. Göstərilənləri nəzərə alaraq Şəxs inzibati məsuliyyətə cəlb edilməsini xahiş edir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında verdiyi izahatında Azərbaycan Respublikası İnzibati Xətalar Məcəlləsinin 528.1ci maddəsində nəzərdə tutulan inzibati xətanı törətməkdə özünü təqsirli bilərək bildirdi ki, maddi imkanı yaxşı deyil, krediti var. 1200 manat kart vasitəsi ilə yox, nəğd olaraq tələbkara vermişdir, lakin buna dair hər hansı sənəd təqdim edə bilmir. O, müxtəlif yerlərdə fəhlə işləyir. Uşağı saxlanılması üçün hər ay hər uşaq üçün 120 manat, cəmi 240 manat məbləğində aliment ödənilməli olduğu halda o, pul şəklində deyil uşağın ehtiyacları üçün geyim və ərzaq alaraq uşağa vermişdir. Bu yaxınlarda uşağa 150 manatlıq velosiped almışdır. Hazırda yaranmış aliment borcunu ödəmək iqtidarında deyil. Gələn ayın 7-nə kimi 400 manat ödəyə bilər, gələn ayın axırına da tam ödəniş etməyə çalışar. Odur ki, qeyd olunanların nəzərə alınaraq ona köməklik edilməsini xahiş etdi. Zərərçəkmiş şəxs icra məmuru tərəfindən məhkəmə iclasının vaxtı və yeri barədə məlumatlandırılmasına baxmayaraq məhkəmə iclasına gəlməmişdir, lakin məhkəmə iclasında icra məmuru tələbkarla telefon vasitəsi ilə əlaqə saxlamış, tələbkar borcun hissəhissə ödənilməsinə razı olmadığını bildirərək, 2955 manat məbləğində borcun tam ödənilməsini tələb etmişdir. İş materiallarında olan Ağdaş Rayon Məhkəməsinin 2(014)-517/2020 nömrəli, 18 mart 2020-ci il tarixli icra vərəqəsinin surətindən görünür ki, Şəxs 18 fevral 2020-ci il tarixdən başlayaraq 24 sentyabr 2016-cı il təvəllüdlü X2 və 15 iyun 2019-cu il təvəllüdlü X3 18 yaşına çatana qədər saxlanılmaları üçün hər ay hər uşaq üçün 120 manat, cəmi 240 manat məbləğində aliment iddiaçı Zərərçəkmiş şəxs xeyrinə tutulmalıdır. İşin materiallarında olan 05 aprel 2022-ci il tarixli icraata başlamaq haqqında qərarın surətindən görünür ki, Ağdaş Rayon Məhkəməsinin 2(014)-517/2020 nömrəli, 18 mart 2020-ci il tarixli icra vərəqəsinə əsasən Ağdaş rayon İcra və Probasiya şöbəsinin icra məmuru Ramin Abbasov tərəfindən icraata başlamaq haqqında qərar qəbul edilmişdir. İşin materiallarında olan Şəxs ünvanlanmış xx.xx.2022-ci il tarixli bildirişin surətindən görünür ki, Şəxs Ağdaş Rayon Məhkəməsinin 2(014)-517/2020 nömrəli, 18 mart 2022-ci il tarixli icra vərəqəsi üzrə tələbin könüllü icra edilməsi üçün xəbərdarlıq edilmişdir. İşin materiallarında olan xx.xx.2022-ci il tarixli 8(014)-167/2022 qərardadın surətindən görünür ki, borclu ünvan 1i ünvanında qeydiyyatda olan Şəxs ünvan 2əcburi qaydada gətirilmişdir. İşin materiallarında olan Ağdaş Rayon Məhkəməsinin 3(014)-129/2023 saylı, 24 fevral 2023-cü il tarixli qərardan görünür ki, ünvan 1ində qeydiyyatda olan və yaşayan cavabdeh Şəxs 8 gün müddətinə inzibati həbs edilmişdir. Məhkəmə barəsində inzibati xəta haqqında iş üzrə icraat aparılan şəxsi, inzibati xəta haqqında protokolu tərtib etmiş icra məmurunu dinləyib, iş materiallarını araşdıraraq hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməsi tam sübuta yetir. Azərbaycan Respublikası İXM-nin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 32 və 33-cü maddələrində müəyyən edilmiş məsuliyyəti yüngülləşdirən və ağırlaşdıran hallar müəyyən olunmadı. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər, ona görə də Şəxs İnzibati Xətalar Məcəlləsinin 528.1-ci maddəsinin sanksiyasında nəzərdə tutulmuş inzibati həbs növündə inzibati tənbeh verilməsini məqsədə müvafiq hesab edir. Həmçinin, məhkəmə inzibati xəta törətmiş şəxsin şəxsiyyətini və onu xarakterizə edən digər halları nəzərə alaraq inzibati həbsin müddətini müəyyən edir. Şəxs məhkəmə iclas zalından dərhal həbsə alınmalı, həbsetmənin əvvəli 22 oktyabr 2024-cü il tarixdən saat 15:55-dən hesablanmalıdır. Yuxarıda göstərilənlərə əsasən və Azərbaycan Respublikası İXM-nin 43, 112, 114, 115, 117, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməkdə təqsirli bilinsin və ona 10 (on) gün gün müddətə inzibati həbs tətbiq olunsun. Şəxs məhkəmə iclas zalından dərhal həbsə alınsın. Həbsetmənin əvvəli 22 oktyabr 2024-cü il tarixdən saat 15:55-dən hesablansın. Qərarın icrası Ağdaş Rayon Polis Şöbəsinə həvalə edilsin. Qərardan rəsmi qaydada verildiyi vaxtdan 10 gün müddətində Ağdaş Rayon Məhkəməsi vasitəsi ilə və ya birbaşa Şəki Apelyasiya Məhkəməsinə şikayət verilə bilər. Hakim Aygün Mürsəlova