Ağdaş Rayon Məhkəməsi Qərar — İş №3(014)-504/2022

Azərbaycan Respublikası adından QƏRAR Ağdaş rayonu İş № 3(014)-504/2022 14.09.2022 AĞDAŞ RAYON MƏHKƏMƏSİ Hakim Əliyev Nizam Mubariz oğlunun sədrliyi, Qarayev Orxan Sərxan oğlunun katibliyi, barəsində inzibati xəta haqqında icraat aparılan şəxs Şəxs və inzibati xəta haqqında protokolu tərtib etmiş Ağdaş rayon Polis Şöbəsinin X1 sahə rəisi, polis leytenantı Nümayəndə iştirakı ilə xx.xx.1990-cı il tarixdə Ağdaş rayonu Binələr kəndində anadan olmuş, Azərbaycan Respublikası vətəndaşı, evli, himayəsində iki azyaşlı uşağı olan, Ağdaş rayonu Binələr kəndində qeydiyyatda olan və yaşayan Şəxs haqqında Azərbaycan Respublikası İXM-nin 535.1-ci maddəsi ilə Ağdaş RPŞdən daxil olmuş inzibati xəta haqqında materiala 14 sentyabr 2022-ci il tarixdə Ağdaş Rayon Məhkəməsinin ibzibati binasında açıq məhkəmə iclasında baxaraq, məhkəmə MÜƏYYƏN ETDİ: Ağdaş Rayon Polis şöbəsinin X1 sahə rəisi, polis leytenantı Nümayəndə tərəfindən Şəxs barəsində 14 sentyabr 2022-ci il tarixdə inzibati xəta haqqında protokol tərtib edilmiş ondan ötrü ki, o, 11 avqust 2022-ci il tarixdə saat 08:00 radələrində Ağdaş şəhəri Heydər Əliyev prospektində yerləşən Kalxoz bazarının qarşısında idarə etdiyi “VAZ-2107” minik markalı, **-RF-*** dövlət qeydiyyat nişanlı avtomobilli qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və yolun səthində çoxsaylı təkər izlərinin buraxılmasına görə barəsində tərtib edilmiş Azərbaycan Respublikası İXM-nin 511.1.3-cü maddəsi ilə tərtib protokola baxılması üçün Ağdaş rayon Polis şöbəsinə gəlməsinə dair Ağdaş rayon Polis şöbəsinin PPXB-nün manqa komandiri, polis baş sejantı Şahid tələbinə məhəl qoymayaraq tabesizlik göstərmiş və bununla da polisin qanuni tələbinə tabe olmamışdır. Məhkəmə iclasında inzibati xəta haqqında protokolu tərtib etmiş Ağdaş rayon Polis şöbəsinin X1 sahə rəisi, polis leytenantı Nümayəndə izah etdi ki, Şəxs 11 avqust 2022-ci il tarixdə saat 08:00 radələrində Ağdaş şəhəri Heydər Əliyev prospektində yerləşən Kalxoz bazarının qarşısında idarə etdiyi “VAZ-2107” minik markalı, **-RF-*** dövlət qeydiyyat nişanlı avtomobilli saxladığına görə Ağdaş rayon Polis şöbəsinin PPXB-nün manqa komandiri, polis baş sejantı Şahid müraciət edərək avtmobili həmin ərazidən götürməyi bildirdiyini, idarə etdiyi avtomobili qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və yolun səthində çoxsaylı təkər izlərinin buraxılması ilə nəticələnən avtoxuliqanlıq hərəkətləri etdiyi üçün Ağdaş rayon Polis şöbəsinin PPXB-nün manqa komandiri, polis baş sejantı Şahid tərəfindən raportla Ağdaş rayon Polis şöbəsinin rəhbərliyinə müraciət etdiyini, bundan sonra Ağdaş rayon polis şöbəsinə gətrildiyini, polis şöbəsində izahatı alındığını, barəsində Azərbaycan Respublikası İXM-nin 511.1.3-cü maddəsi ilə protokol tərtib olunduğunu, nahar fasiləsi olduğundan ona nahardan sonra Polis şöbəsinə gəlməyi bildirildiyini, nahar fasiləsindən sonra polis şöbəsinə gəlmədiyini, polis şöbəsi tərəfindən onun mobil telefonuna zəng edildiyini, yaşadığı ünvana poçt vastəsi ilə teleqram vurulduğunu, 14 sentyabr 2022-ci il tarixdə Ağdaş rayon Polis şöbəsinin PPXB-nün manqa komandiri, polis baş sejantı Şahid tələbinə məhəl qoymayaraq tabesizlik göstərmiş və bununla da polisin qanuni tələbinə tabe olmamışdır. Şəxs və digər şəxslərin izahatları alınmış və Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə inzibati protokol tərtib edilmişdir. Barəsində inzibati xəta haqqında icraat aparılan şəxs Şəxs məhkəmə iclasında izahatında 11 avqust 2022-ci il tarixdə saat 08:00 radələrində Ağdaş şəhəri Heydər Əliyev prospektində yerləşən Kalxoz bazarının qarşısında idarə etdiyi “VAZ-2107” minik markalı, **-RF-*** dövlət qeydiyyat nişanlı avtomobil ilə dayanıb anasını gözlədiyini, bu zaman Ağdaş rayon Polis şöbəsinin PPXB-nün manqa komandiri, polis baş sejantı Şahid ona müraciət edərək avtmobili həmin ərazidən götürməyi bildirdiyini, bu zaman əsəbləşərək avtomobili qəflətən sürətləndirməklə təkərlərin yolun səthi ilə sürtünməsi səslərinin çıxarılmasına və yolun səthində təkər izlərinin buraxılması ilə nəticələnən avtoxuliqanlıq hərəkətləri etdiyini, bundan sonra Ağdaş rayon polis şöbəsinə gətrildiyini, polis şöbəsində izahatı alındığını, barəsində Azərbaycan Respublikası İXM-nin 511.1.3-cü maddəsi ilə protokol tərtib olunduğunu, nahar fasiləsi olduğundan ona nahardan sonra Polis şöbəsinə gəlməyi bildirildiyini, xəstəliyi ilə əlaqədar həmin vaxtı polis şöbəsinə gəlmədiyini, bundan sonra polis şöbəsi tərəfindən onun mobil telefonuna zəng edildiyini, yaşadığı ünvana poçt vastəsi ilə teleqram vurulduğunu, 14 sentyabr 2022-ci il tarixdə Ağdaş rayon Polis şöbəsinin PPXB-nün manqa komandiri, polis baş sejantı Şahid tərəfindən yenidən polis şöbəsinə dəvət edildiyini, lakin polis şöbəsinə könüllü gəlmədiyini, bu zaman məcburi qaydada məhkəməyə gətrildiyini, əməlindən peşman olduğunu, bir daha belə əməllərə yol verməyəcəyini, himayəsində iki azyaşlı uşağı olmağını nərəzə alaraq onun barəsində yüngül cəza verilməsini xahiş etdi. Məhkəmə iclasında şahid qismində izahat vermiş Ağdaş rayon Polis şöbəsinin PPXB-nün manqa komandiri, polis baş sejantı Şahid inzibati xəta haqqında protokolu tərtib etmiş Ağdaş rayon Polis şöbəsinin X1 sahə rəisi, polis leytenantı Nümayəndə izahatında göstərdiyi xüsusatlarla eyni məzmunlu izahat vermişdir. Azərbaycan Respublikası İnzibati Xətalar Məcəlləsinin 2-ci maddəsinə əsasən Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 13-cü maddəsinə əsasən inzibati xəta törətmiş şəxs öz əməlinin (hərəkətinin və ya hərəkətsizliyinin) hüquqazidd xarakterini dərk etmiş, onun zərərli nəticələrini qabaqcadan görmüş və bunları arzu etmişdirsə, yaxud belə nəticələrin baş verməsinə şüurlu surətdə yol vermişdirsə, bu xəta qəsdən törədilmiş xəta hesab olunur. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşyır. Həmin Məcəllənin 30.1-ci maddəsinə əsasən inzibati həbs, yalnız müstəsna hallarda bu Məcəllənin Xüsusi hissəsinin müvafiq maddələrində nəzərdə tutulan inzibati xətaların ayrı-ayrı növlərinə görə üç gündən üç ay müddətinədək hakim tərəfindən tətbiq edilir. Həmin Məcəllənin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Həmin Məcəllənin 31.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Məhkəmə barəsində inzibati xəta haqqında iş üzrə icraat aparılan şəxs Şəxs əməlindən peşman olması və himayəsində iki azyaşlı uşağı olması onun məsuliyyətini yüngülləşdirən hallar kimi nəzərə alınmalıdır. Barəsində inzibati xəta haqqında iş üzrə icraat aparılan şəxs Şəxs əməlində ağırlaşdıran hallar yoxdur. Məhkəmə təqdim edilmiş sübutlara qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətaya yol verməsi onun özünün, inzibati protokolu tərtib etmiş şəxsin, şahidin izahatları və iş materialları ilə tam sübuta yetir, həmin xətanı törətməkdə təqsirlidir, əməlin inzibati xəta olmasını aradan qaldıran və inzibati məsuliyyəti istisna edən halları yoxdur. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məhkəmə inzibati xəta törətmiş Şəxs törədilmiş inzibati xətanın xarakterini, şəxsiyyətini, işin hallarını, əməlində məsuliyyəti yüngülləşdirən halların olmasını və ağırlaşdıran halların olmasını nəzərə alaraq onun barəsində inzibati həbs tənbehi tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 112, 114, 115, 117, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İXM-nin 535.1-ci maddəsi ilə təqsirli bilinib, 08 (səkkiz) gün müddətinə inzibati həbs edilsin. İnzibati həbsin əvvəli 14 sentyabr 2022-ci il tarixdən saat 11:00-dan hesablansın. Qərarın surəti Şəxs təqdim edilsin. Qərarın icrası Ağdaş rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətinə Şəki Apellyasiya məhkəməsinə şikayət və protest verilə bilər. Hakim: Nizam Əliyev