Ağdaş Rayon Məhkəməsi Qərar — İş №3(014)-530/2025

Azərbaycan Respublikası adından QƏRAR Ağdaş rayonu İş № 3(014)-530/2025 14.10.2025 AĞDAŞ RAYON MƏHKƏMƏSİ Hakim Ələkbərova Fidan Vaqif qızının sədrliyi, Hümbətova Günay Xalid qızının katibliyi, İnzibati xəta haqqında protokolu tərtib etmiş şəxs X1, Barəsində inzibati icraat aparılan şəxs Şəxs və onun hüquqlarını müdafiə edən Ağdaş rayon Vəkil Bürosunun vəkili Vəkil iştirakları ilə xx.xx.1984-cü il tarixdə Ağdaş rayonunun Yuxarı Ləki kəndində doğulmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, ünvan 1 ünvanda yaşayan Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə inzibati məsuliyyətə cəlb edilməsinə dair Ağdaş Rayon Polis Şöbəsindən daxil olmuş inzibati xəta haqqında materiala baxaraq müəyyənetdi: Şəxs barəsində Azərbaycan Respublikası İnzibati Xətalar Məcəlləsinin (bundan sonra İnzibati Xətalar Məcəlləsinin) 510 və 535.1-ci maddəsi ilə inzibati məsuliyyətə cəlb edilməsi ilə bağlı Ağdaş rayon Polis Şöbəsində tərtib edilmiş protokol və ona əlavə edilmiş sənədlər baxılması üçün xx.xx.2025-ci il tarixdə Ağdaş rayon Məhkəməsinə göndərilmişdir. Materiala əlavə edilmiş Ağdaş Rayon Polis Şöbəsinin İTB-nin sahə rəisi X3 tərəfindən tərtib edilmiş xx.xx.2025-ci il tarixli MN ******* nömrəli inzibati xəta haqqında protokolda və ona əlavə edilmiş sənədlərdə göstərilmişdir ki, Şəxs xx.xx.2025-ci il tarixdə saat 23:30-da Ağdaş şəhəri, M.İsayev küçəsində, yəni Ağdaş RPŞ-nin inzibati binasının qarşısında uca səslə qışqıraraq ünvansız söyüşlər söyüb xırda xuliqanlıq etmiş, polisin “sakit ol, sakitləş”qanuni tələbinə qəsdən tabe olmayıb, əl-qol hərəkətləri ilə müqavimət göstərmişdir. Nəticədə Şəxs tərəfindən İnzibati Xətalar Məcəlləsinin 510 və 535.1-ci maddəsində nəzərdə tutulan inzibati xəta törədilmişdir. Məhkəmə iclasında inzibati xəta haqqında protokolu tərtib etmiş X3 izahat verərək Şəxs barəsində tərtib etdiyi protokolda onun yol verdiyi xətaları göstərdiyini və buna görə də inzibati məsuliyyətə cəlb edilməli olduğunu bildirmişdir. Məhkəmə iclasında barəsində inzibati xəta haqqında protokol tərtib olunmuş şəxs Şəxs izahatında göstərmişdir ki, özünü qeyd edilən inzibati xəta ilə bağlı təqsirli bilir, hadisə baş verərkən əsəbi olduğundan və polis şöbəsinə getmək istəmədiyindən polisə qarşı xoşagəlməz hərəkətlərə yol vermişdir. Məhkəmə iclasında X6 şahid qismində verdiyi izahatında bildirmişdir ki, xx.xx.2025-ci il tarixdə saat 15:00 radələrində PPXB-nin polis nəfəri, X4 ilə birlikdə barəsində araşdırma aparılmaqla ölkədən çıxışına və girişinə məhdudiyyət qoyulmuş və X5 saxlanılmış Şəxs gətirmək üçün Biləsuvar rayonuna ezam olunmuş, Biləsuvar RPŞ-dən Şəxs götürərək geri qayıdıb, xx.xx.2025-ci il tarixdə saat 23:30 radələrində Ağdaş RPŞ-nin inzibati binasının qarşısına çatdıqda Şəxs Polis Şöbəsinə getmək istəmədiyini və izahat verməyəcəyini söyləyərək Ağdaş RPŞ-nin qarşısında uca səslə qışqıraraq ünvansız söyüşlər söymüş, polisin “sakitləş, sakit ol “ qanuni tələblərinə məhəl qoymamış, buna görə də onu Ağdaş RPŞ-yə gətirərək Növbətçi Hissəyə təhvil vermişlər. Məhkəmə iclasında X4 , Rəcəb Mayılovun izahatı il eyni məzmunlu izahat vermişdir. Məhkəmə iclasında X7 şahid qismində verdiyi izahatında xx.xx.2025-ci il tarixdə saat 23 radələrində Ağdaş RPŞ-nin inzibati binasının 1 nömrəli statsionar postunda xidmətdə olan zaman Ağdaş rayon Polis Şöbəsinin qarşısında bir nəfər şəxsin uca sələ qışqırdığını, söyüşlər söydüyünü, PPXB-nin əməkdaşları tərəfindən sakitləşdirmək istədiklərini, lakin həmin şəxsin polis əməkdaşlarının “sakit ol”, ”sakitləş” qanuni tələbinə məhəl qoymayaraq öz hərəkətlərini davam etdirdiyinə görə gətirilərək RPŞ-nin Növbətçi Hissəsinə təhvil verildiyini, həmin şəxsin Şəxs olduğunu bildirmişdir. İş materiallarına əlavə edilmiş “İnzibati qaydada tutma haqqında” protokoldan görünür ki, Şəxs xx.xx.2025-ci il tarixdə saat 00:30-da inzibati qaydada tutulmuşdur. Beləliklə, məhkəmə hesab edir ki, Şəxs tərəfindən İnzibati Xətalar Məcəlləsinin 510 və 535.1-ci maddəsində nəzərdə tutulan inzibati xətaların törədilməsi şahidlərin izahatları, inzibati xəta haqqında protokol və işin digər materialları ilə tam sübuta yetirilir. İnzibati Xətalar Məcəlləsinin: 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Şəxs məsuliyyətini yüngülləşdirən hal himayəsində 2 nəfər azyaşlı uşaqlarının olmasıdır. Şəxs məsuliyyətini ağırlaşdıran hallar yoxdur. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyətini yüngülləşdirən halları nəzərə alıb, iş üzrə toplanmış sübutları qiymətləndirərək hesab edir ki, Bayramov X2 Xətalar Məcəlləsinin 510 və 535.1ci maddəri ilə təqsirli bilinməli və ona İnzibati Xətalar Məcəlləsinin 535.1-ci maddəsinin sanksiyası çərçivəsində inzibati həbs tənbeh növü tətbiq edilməli, cəzasının əvvəli inzibati qaydada tutulduğu vaxtdan hesablanmalıdır. Şərh olunanlara əsaslanaraq və İnzibati Xətalar Məcəlləsinin 43, 114, 115 və 130.1-ci maddələrini rəhbər tutaraq, məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətaların törədilməsində təqsirli bilinsin və Azərbaycan Respublikası İnzibati Xətalar Məcəlləsinin 535.1-ci maddəsinin sanksiyası çərçivəsində 8 (səkkiz) gün müddətinə inzibati həbs edilsin. Həbsetmənin əvvəli 14 oktyabr 2025-ci il tarixdən saat 00:30-dan hesablansın. Qərarın icrası Ağdaş rayon Polis Şöbəsinə həvalə olunsun. Şəxsna məhkəmə icraatı zamanı göstərilən hüquqi yardımla bağlı 33 (otuz üç) manat miqdarında pul vəsaiti Ağdaş rayon Vəkil Bürosunun vəkili Vəkil ödənilməsi üçün (Azərbaycan Respublikası Dövlət büdcəsinin vəsaiti hesabından "xxxx" ASC-nin Ağdaş filialındakı kodu 4393422, müxbir hesabı AZ03NABZ********************, SWİFT İBAZAZ2X, müştərinin hesab nömrəsi AZ50İBAZ********************, VÖEN ********** saylı) Ağdaş rayon Vəkil Bürosunun hesabına köçürülsün. Qərardan rəsmi qaydada verildiyi vaxtdan 10 gün müddətində Ağdaş rayon Məhkəməsi vasitəsi ilə və ya birbaşa Şəki Apellyasiya Məhkəməsinə şikayət verilə bilər. Hakim: Fidan Ələkbərova