Ağdaş Rayon Məhkəməsi Qərar — İş №3(014)-551/2021

Azərbaycan Respublikası adından QƏRAR Ağdaş rayonu İş № 3(014)-551/2021 24.12.2021 AĞDAŞ RAYON MƏHKƏMƏSİ Hakim Əliyev Nizam Mubariz oğlunun sədrliyi, Qarayev Orxan Sərxan oğlunun katibliyi, barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs və inzibati xəta haqqında protokol tərtib etmiş Ağdaş RPŞ-nin İTB-nin sahə rəisi, polis leytenantı X1 iştirakı ilə xx.xx.1958-ci il tarixdə Mingəçevir şəhərində anadan olmuş, Azərbaycan Respublikasının vətəndaşı, ali təhsilli, evli, Ağdaş rayonu Kotavan kənd R.Səfərov adına Körpələr evi-uşaq baxçasının müdüri vəzifəsində işləyən, Ağdaş rayonu Kotavan kəndində qeydiyyatda olan və yaşayan. Şəxs Azərbaycan Respublikası İXM-nin 157-ci maddəsi ilə inzibati xəta törətməsinə dair Ağdaş rayon polis şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə müəyyən etdi: 19 noyabr 2021-ci il tarixdə saat 09:30 radələrində Şəxs işlədiyi Ağdaş rayonu Kotavan kənd R.Səfərov adına Körpələr evi-uşaq baxçasında Zərərçəkmiş şəxs döyərək sağlamlığa zərər vurmayan xəsarət yetirmişdir. Faktla bağlı Şəxs haqqında Azərbaycan Respublikası İXM-nin 157-ci maddəsi ilə nəzərdə tutulan inzibati xəta haqqında protokol tərtib edilmiş və baxılması üçün Ağdaş rayon məhkəməsinə göndərilmişdir. Məhkəmə iclasında inzibati xəta haqqında protokol tərtib etmiş Ağdaş RPŞ-nin İTBnin sahə rəisi, polis leytenantı X3 izah etdi ki, 19 noyabr 2021-ci il tarixdə saat 09:30 radələrində Şəxs işlədiyi Ağdaş rayonu Kotavan kənd R.Səfərov adına Körpələr evi-uşaq baxçasında Zərərçəkmiş şəxs döyərək sağlamlığa zərər vurmayan xəsarət yetirmişdir. Şəxs əməlində Azərbaycan Respublikası İXM-nin 157-ci maddəsinin tərkibi olduğundan, müvafiq tədbir görülməsi üçün Ağdaş rayon Polis Şöbəsinin İTB-nə göndərilmişdir. Bununla bağlı Şəxs barəsində Azərbaycan Respublikası İXM-nin 157-ci maddəsi ilə inzibati xəta haqqında protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs bildirmişdir ki, 19 noyabr 2021-ci il tarixdə saat 09:30 radələrində işlədiyi Ağdaş rayonu Kotavan kənd R.Səfərov adına Körpələr evi-uşaq baxçasında aralarında yaranmış mübahisə zamanı əli ilə Zərərçəkmiş şəxs çiyin nahiyyəsindən əli ilə itələyərək yavaş danışmasını bildirmiş və çıxıb öz iş otağına keçmişdir. Əməlindən peşman olduğunu, zərərçəkmiş şəxslə barışdığını və zərərçəkmiş şəxsin ondan heç bir şikayət və tələbinin olmadığının nəzərə alaraq barəsində olan inzibati iş üzrə icraata xitam verilməsini xahiş etdi. Məhkəmə iclasında Zərərçəkmiş şəxs bildirmişdir ki, 19 noyabr 2021-ci il tarixdə saat 09:30 radələrində işlədiyi Ağdaş rayonu Kotavan kənd R.Səfərov adına Körpələr eviuşaq baxçasında aralarında yaranmış mübahisə zamanı Şəxs onun qol nahiyyəsindən və ayaq nahiyyəsindən vuraraq ona xəsarət yetirmişdir. Şəxs ilə barışdığını və ondan heç bir şikayət və tələbinin olmadığının nəzərə alaraq onun barəsində olan inzibati iş üzrə icraata xitam verilməsini xahiş etdi. Məhkəmə iclasında şahid qismində dindirilmiş Şahid1 izahatında bildirmişdir ki, Ağdaş rayonu Kotavan kənd R.Səfərov adına Körpələr evi-uşaq baxçasında işləyir. 19 noyabr 2021-ci il tarixdə saat 09:30 radələrində işlədiyi baxçada Şəxs Zərərçəkmiş şəxs yüksək səslə danışdığı üçün onun çiyin nahiyəsindən tutaraq aşağı oturmasını tələb etdi. Bundan sonra otaqdan çıxaraq öz iş otağına getmişdir. Məhkəmə iclasında şahid qismində dindirilmiş Şahid1 izahatında bildirmişdir ki, Ağdaş rayonu Kotavan kənd R.Səfərov adına Körpələr evi-uşaq baxçasında tərbiyəçi işləyir. 19 noyabr 2021-ci il tarixdə saat 09:30 radələrində işlədiyi baxçada Şəxs Zərərçəkmiş şəxs yüksək səslə danışdığı üçün onun çiyin nahiyəsindən tutaraq aşağı oturmasını tələb etdi. Bundan sonra otaqdan çıxaraq öz iş otağına getmişdir. Məhkəmə iclasında şahid qismində dindirilmiş Şahid2 Şahid1 izahatına uyğun izahat vermişdir. Məhkəmə iş materiallarını araşdıraraq zərərçəkmiş şəxsin, barəsində inzibati xəta haqqında iş üzrə icraat aparılan şəxsin, şahidlərin və sahə rəisinin izahatlarını dinləyib, iş materiallarını tədqiq edərək hesab edir ki, Şəxs Azərbaycan Respublikası İXM-nin 157-ci maddəsində nəzərdə tutulan inzibati xətanı törətmişdir, həmin xətanı törətməkdə təqsirlidir. Azərbaycan Respublikası İXM-nin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. İş materiallarına əlavə edilmiş Ağdaş rayon Polis şöbəsinin TB-nin təhqiqatçısı, polis leytenantı Xyal Dolxanovun 14 dekabr 2021-ci il tarixli «cinayət işinin başlanmasının rədd edilməsi haqqında» qərarından görünür ki, 19 noyabr 2021-ci il tarixdə saat 09:30 radələrində Şəxs işlədiyi Ağdaş rayonu Kotavan kənd R.Səfərov adına Körpələr evi-uşaq baxçasında Zərərçəkmiş şəxs döyərək sağlamlığa zərər vurmayan xəsarət yetirmişdir. Şəxs əməlində Azərbaycan Respublikası İXM-nin 157-ci maddəsinin tərkibi olduğundan, müvafiq tədbir görülməsi üçün Ağdaş rayon Polis Şöbəsinin İTB-nə göndərilmişdir. Məhkəməyə təqdim edilmiş zərərçəkmiş şəxsin ərizəsindən görünür ki, Şəxs ilə barışmış, ona qarşı heç bir şikayət və tələbi olmadığından Şəxs barəsində olan inzibati xəta haqqında işə xitam verilməsini xahiş etmişdir. Məhkəmə iş materiallarını araşdıraraq zərərçəkmiş şəxsin ərizəsini və barəsində inzibati xəta haqqında iş üzrə icraat aparılan şəxsin izahatlarını dinləyərək hesab edir ki, inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 39-cu maddəsinə əsasən bu Məcəllənin 157-ci və 158-ci maddələrində nəzərdə tutulmuş inzibati xəta haqqında iş üzrə icraat yalnız zərərçəkmiş şəxsin ərizəsinə əsasən başlanır, zərərçəkmiş şəxslə barəsində inzibati iş üzrə icraat aparılan şəxs barışdıqda isə həmin işüzrə icraata xitam verilir. Azərbaycan Respublikası İnzibati Xətalar Məcəlləsinin 53.1.9-cu maddəsinə əsasən bu Məcəllənin 157-ci və 158-ci maddəsində nəzərdə tutulmuş inzibati xətanı törətmiş şəxs zərərçəkmiş şəxslə barışdıqda başlanmış icraata xitam verilir. Şərh olunanlara əsasən, Azərbaycan Respublikası İXM-nin 105.1, 114.2, 114.2.1, 128.2.1 və 130.1-ci maddələrini rəhbər tutaraq, məhkəmə Qərar aldı: Şəxs barəsində Ağdaş RPŞ-də Azərbaycan Respublikası İXM-nin 157-ci maddəsi ilə tərtib edilmiş 24 dekabr 2021-ci il tarixli, MN1464357 nömrəli inzibati icraata xitam verilsin. Qərardan 10 gün müddətində Ağdaş rayon Məhkəməsi vasitəsi ilə, Şəki Apellyasiya Məhkəməsinə şikayət və ya protest verilə bilər. Hakim: Nizam Əliyev