Ağdaş Rayon Məhkəməsi Qərar — İş №3(014)-562/2023

Azərbaycan Respublikası adından QƏRAR Ağdaş rayonu İş № 3(014)-562/2023 08.09.2023 AĞDAŞ RAYON MƏHKƏMƏSİ Ağdaş Rayon Məhkəməsi Hakim Sultanov Cavid Rizvan oğlunun sədrliyi, Məhkəmə iclasının katibi X2 iclas katibliyi, Barəsində inzibati xəta haqqında iş üzrə icraat aparılan şəxs Şəxs iştirakı ilə xx.xx.1960-cı ildə Beyləqan rayonunda doğulmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə Ağdaş rayon Polis şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs xx.xx.2023-cü il tarixdə Ağdaş şəhərində Ağdaş rayon İcra və Probasiya şöbəsinin qarşısında küçədə icra məmurlarına qarşı təhqiramiz ifadələr işlətmiş, səs-küy salaraq ictimai qaydanı pozmuşdur. Bununla da o, Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanı törətmişdir. Onun barəsində Ağdaş rayon Polis şöbəsi tərəfindən xx.xx.2023-cü il tarixli, MN № ******* saylı inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs məhkəməyə verdiyi izahatında bildirdi ki, ünvan 2 ünvanında yaşayır. Arvadı onkoloji xəstədir və xx.xx.2023-cü il tarixdə xəstəxanaya gedərkən ona zəng edərək oğlunun aliment borcuna görə Ağdaş rayon İcra və Probasiya şöbəsinin göstərişi ilə Ağdaş rayon Polis şöbəsinə gəlməli olduğunu bildirmişlər. Həmin gün o, icra məmuru Mahir Abbasova yaxınlaşaraq borcdan imtina etmədiklərini və sentyabr ayında ödəyəcəklərini bildirmişdir. X5 aralarında mübahisə olmuş və o, ucadan danışaraq səs-küy salmış, etirazını bildirmiş və bununla bağlı prokurorluğa şikayət edəcəyini bildirmişdir. Əməlindən peşmandır. Barəsində yüngül inzibati tənbeh tətbiq edilməsini xahiş etdi. Məhkəmə iclasında inzibati xəta haqqında protokol tərtib etmiş Ağdaş rayon Polis şöbəsinin İTB-nin sahə rəisi X3 izahatında bildirdi ki, Şəxs xx.xx.2023-cü il tarixdə Ağdaş şəhərində Ağdaş rayon İcra və Probasiya şöbəsinin qarşısında küçədə icra məmurlarına qarşı təhqiramiz ifadələr işlətmiş, səs-küy salaraq ictimai qaydanı pozmuşdur. Buna görə də onun barəsində xx.xx.2023-cü il tarixdə İXM-in 510-cu maddəsi ilə inzibati xəta haqqında protokol tərtib edilmişdir. Məhkəmə iclasında şahid X4 izahatında bildirdi ki, Ağdaş rayon İcra və Probasiya şöbəsində icra məməru vəzifəsində işləyir. İcraatında X1 aliment borcuna dair material var və borclu İsmayıl Abdullayevə məktub ünvanlayaraq ona aliment borcunun ödənilməsi barədə xəbərdarlıq etmiş, İcra və Probasiya şöbəsinə gəlməli olduğunu bildirmişdir. Həmin çağırış əsasında İsmayıl Abdullayevin atası Şəxs ona yaxınlaşmış və o da Şəxs onun deyil, borclu oğlu olduğundan oğlu İsmayılın gəlməli olduğunu bildirmişdir. 15 gün gözlədikdən sonra İsmayıl Abdullayevin ondan şikayət etdiyini öyrənmiş və İsmayıl Abdullayevin barəsində axtarış elan olunmuşdur. Axtarışın nəticəsi olaraq yenə də Şəxs İcra və Probasiya şöbəsinə gəlmiş və o, yüksək səslə söyüşlər söyərək onları təhqir etmişdir. Azərbaycan Respublikası İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlər inzibati xəta kimi müəyyən edilmişdir. Həmin xətaya görə inzibati cərimə və ya inzibati həbs nəzərdə tutulmuşdur. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Beləliklə, sadalananlara əsasən Şəxs həmin inzibati xətanı törətməsi onun barəsində tərtib olunmuş xx.xx.2023-cü il tarixli, MN № ******* saylı inzibati xəta haqqında protokol, özünün və şahidin izahatları ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə barəsində inzibati xəta haqqında iş üzrə icraat aparılan şəxsə İnzibati Xətalar Məcəlləsinin 510-cu maddəsinin sanksiyasında nəzərdə tutulmuş cərimə növündə inzibati tənbeh verilməsini məqsədə müvafiq hesab edir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinsin və ona 100 (yüz) manat məbləğində cərimə növündə inzibati tənbeh tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Ağdaş Rayon Məhkəməsi vasitəsilə və ya birbaşa Şəki Apellyasiya Məhkəməsinə apellyasiya şikayəti və ya protesti verilə bilər. Hakim Cavid Sultanov