Ağdaş Rayon Məhkəməsi Qərar — İş №3(014)-732/2022

Azərbaycan Respublikası adından QƏRAR Ağdaş rayonu İş № 3(014)-732/2022 19.12.2022 AĞDAŞ RAYON MƏHKƏMƏSİ Ağdaş Rayon Məhkəməsi Hakim Sultanov Cavid Rizvan oğlunun sədrliyi, Məhkəmə iclasının katibi X2 iclas katibliyi, Barəsində inzibati xəta haqqında iş üzrə icraat aparılan şəxs Şəxs, Zərərçəkmiş şəxs iştirakları ilə xx.xx.1978-ci ildə Ağdaş şəhərində anadan olmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi ilə Ağdaş rayon Polis şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs xx.xx.2022-ci il tarixdə, Ağdaş rayonunun Orta Ləki kəndində Zərərçəkmiş şəxs evinin həyətinə daxil olaraq 2 ədəd su motoru və 1 ədəd su təzyiq gücləndiricisini oğurlamışdır. Ağdaş rayon Polis şöbəsinin TB-nin təhqiqatçısı, polis kapitanı X4 17 dekabr 2022ci il tarixli cinayət işinin başlanmasının rədd olunması haqqında qərarı ilə qərarın təsviri hissəsində göstərilənlərə əsasən Şəxs əməlində cinayət tərkibi olmadığından, cinayət işinin başlanmasının rədd edilməsi barədə qərar qəbul edilmişdir. Bununla da o, Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətmişdir. Onun barəsində Ağdaş rayon Polis şöbəsi tərəfindən xx.xx.2022-ci il tarixli, MN № ******* saylı inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında bildirdi ki, X1 yaşadığı evin həyətində hörgü işi görmüşdür. xx.xx.2022-ci il tarixdə təxminən saat 17 radələrində işdən evə gedən zaman Zərərçəkmiş şəxs həyətində hamamın yanında olan 2 ədəd su motorunu və motorun üzərində olan su təzyiqini gücləndirəni (gidroponu) ehtiyacı olduğu üçün götürərək özü ilə aparmışdır. xx.xx.2022-ci il tarixdə yaşadığı Ağdaş rayon Ləki qəsəbəsindən həmin 2 ədəd su motorunu və motorun üzərində olan su təzyiqini gücləndirəni (gidroponu) ehtiyacsızlıqdan satmaq üçün Ağdaş şəhərinə gətirmişdir. Ağdaş şəhərində əvvəllər tanıdığı Ağdaş şəhəri İstiqlal küçəsində yem mağazasında işləyən X6 yanına getmişdir. Orada ona həmin 2 ədəd su motorunu və motorun üzərində olan su təzyiqini gücləndirəni (gidroponu) satmaq üçün gətirdiyini demişdir. Rüfət Səlimov isə ona oğurluq olub-olmadığını soruşmuşdur. O isə həmin 2 ədəd su motorunun və motorun üzərində olan su təzyiqini gücləndirənin (gidropon) özünün olmasını bildirmişdir. Rüfət Səlimov ondan 2 ədəd su motoru və motorun üzərində olan su təzyiqini gücləndirəni (gidroponu) neçəyə satdığını maraqlanmış, o isə 1 ədədini 20 (iyirmi) manata satdığını bildirmişdir. X8 2 ədəd su motoru və motorun üzərində olan su təzyiqini gücləndirəni (gidroponu) satın almaq üçün 20 (iyirmi) manat verə biləcəyini demişdir. 2 ədəd su motorunu və motorun üzərində olan su təzyiqini gücləndirəni (gidroponu) 20 (iyirmi) manata Rüfətə satmağa razılaşmışdır. Bu səhvi maddi probleminin olduğuna görə etmişdir. Əməlindən peşmandır. Ona yüngül tənbeh tətbiq edilməsini məhkəmədən xahiş etdi. Məhkəmə iclasında Zərərçəkmiş şəxs izahatında bildirdi ki, xx.xx.2022-ci il tarixdə Ağdaş rayonu Orta Ləki kəndində yaşadığı evdə səhər su vurmaq üçün motoru qoşmaq istəyəndə motorun yerində olmadığını görmüşdür. xx.xx.2022-ci il tarixdə onun Ağdaş rayonu Orta Ləki kəndində yaşadığı evin həyətində Şəxs hörgü işləri görmüşdür. Ona məxsus ümumi dəyəri təxminən 90 (doxsan) manat olan 2 ədəd su motorunu və motorun üzərində olan 1 ədəd su təzyiqi gücləndirənin (gidropon) oğurlanmasında Ağdaş rayonu Ləki qəsəbəsində yaşayan Şəxs şübhələndiyi üçün onun barəsində Azərbaycan Respublikası DİN-in 102 xidmətinə məlumat vermişdir. Ona ümumilikdə 90 (doxsan) manat maddi ziyan dəymişdir. Hazırda onu bağışlamır və ciddi qaydada tənbeh edilməsini məhkəmədən xahiş etdi. Məhkəmə iclasında inzibati xəta haqqında protokol tərtib etmiş Ağdaş rayon Polis şöbəsinin İTB-nin sahə rəisi X5 izahatında bildirdi ki, Şəxs xx.xx.2022-ci il tarixdə, Ağdaş rayonunun Orta Ləki kəndində Zərərçəkmiş şəxs evinin həyətinə daxil olaraq 2 ədəd su motoru və 1 ədəd su təzyiq gücləndiricisini oğurlamışdır. Hadisə araşdırılaraq cinayət işinin başlanması rədd olunmuşdur. Şəxs əməlində Azərbaycan Respublikası İnzibati Xətalar Məcəlləsinin 227-ci maddəsinin tərkib əlaməti olduğundan onlun barəsində inzibati xəta haqqında protokol tərtib edilmişdir. Azərbaycan Respublikası İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. İşin materiallarında olan xx.xx.2022-ci il tarixli, MN № ******* saylı inzibati qaydada tutma haqqında protokoldan görünür ki, Şəxs həmin tarixdə saat 17:00-da inzibati qaydada tutulmuşdur. Beləliklə, sadalananlara əsasən Şəxs həmin inzibati xətanı törətməsi onun barəsində tərtib olunmuş xx.xx.2022-ci il tarixli, MN № ******* saylı inzibati xəta haqqında protokol, özünün və zərərçəkmiş şəxsin məhkəməyə verdikləri izahatları ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Azərbaycan Respublikası İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Azərbaycan Respublikası İnzibati Xətalar Məcəlləsinin 31.2-ci maddəsinin tələblərini nəzərə alıb, həmçinin inzibati xətanın törədildiyi şəraiti nəzərə alaraq hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilinməz. Belə ki, inzibati tənbehin məqsədlərindən bəhs edilən Azərbaycan Respublikası İnzibati Xətalar Məcəlləsinin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Elektron Məhkəmə İnformasiya Sistemindən çıxarışdan görünür ki, Şəxs əvvəllər yəni xx.xx.2020-ci il tarixdə İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətmiş, zərərçəkmişlə barışdığı üçün işin icraatına xitam verilmiş, xx.xx.2020-ci il tarixdə İnzibati Xətalar Məcəlləsinin 510-cu maddəsi ilə təqsirli bilinərək tənbeh edilmiş və əvvəllər 2 dəfə Ağdaş Rayon Məhkəməsinin 1(014)-68/2020 saylı hökmü ilə Cinayət Məcəlləsinin 177.2.3-cü maddəsi ilə və Göyçay Rayon Məhkəməsinin 1(046)-63/2021 saylı hökmü ilə Cinayət Məcəlləsinin 177.1-ci maddəsi ilə barəsində ittihamedici hökmlər çıxarılmışdır. Eyni zamanda, onun barəsində Ağdaş rayon İcra və Prabasiya şöbəsinin icraatında aliment, cərimə və ekspertiza xərclərinə görə öhdəliyi vardır. Həmin öhdəliklərinə laqeyd yanaşdığı üçün barəsində Ağdaş rayon İcra və Prabasiya şöbəsinə məcburi gətirilməsi barədə qərar qəbul edilmişdir. Bütün bunlar Şəxs vəziyyətini ağırlaşdıran hallar olmasa da, onu mənfi səciyyələndirən hallardır. Məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər, ona görə də həbs növündə inzibati tənbeh verilməsini məqsədəmüvafiq hesab edir. Azərbaycan Respublikası İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Həmçinin, məhkəmə inzibati xəta törətmiş şəxsin şəxsiyyətini və onu xarakterizə edən digər halları nəzərə alaraq inzibati həbsin müddətini müəyyən edir. Qeyd olunanlara əsasən məhkəmə hesab edir ki, Şəxs İnzibati Xətalar Məcəlləsinin 227-ci maddəsinin sanksiyasında nəzərdə tutulmuş inzibati həbs növündə inzibati tənbeh verilməsi məqsədə müvafiqdir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 227-ci maddəsi ilə təqsirli bilinsin və ona 1 (bir) ay müddətində inzibati həbs növündə inzibati tənbeh tətbiq edilsin. Həbsetmənin əvvəli xx.xx.2022-ci il tarixindən, saat 17:00-dan hesablansın. Qərar dərhal icra edilsin. Qərarın icrası Ağdaş rayon Polis şöbəsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində Ağdaş Rayon Məhkəməsi vasitəsilə və ya birbaşa Şəki Apellyasiya Məhkəməsinə şikayət və ya protest verilə bilər. Hakim Cavid Sultanov