Ağsu Rayon Məhkəməsi Qərar — İş №3(016)-113/2023

Azərbaycan Respublikası adından QƏRAR Ağsu rayonu İş № 3(016)-113/2023 08.02.2023 AĞSU RAYON MƏHKƏMƏSİ Hakim Əsgərov Anar Əlifağa oğlunun sədrliyi, Ağayev Rəşad Vidadi oğlunun katibliyi, İnzibati xəta haqqında protokol tərtib etmiş şəxs X2, Zərərçəkmiş şəxs X4, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1990-cı ildə Ağsu şəhərində anadan olan, Azərbaycan Respublikasının vətəndaşı, orta təhsilli, evli, işsiz, Ağsu şəhəri, 3-cü məhəllə ünvanında qeydiyyatda olan və yaşayan, Şəxs Azərbaycan Respublikası İnzibati Xətalar Məcəlləsinin (bundan sonra mətndə - İXM) 510-cu maddəsi ilə inzibati xəta törətməsinə dair Ağsu rayon Polis Şöbəsindən daxil olmuş materiala baxaraq, məhkəmə MÜƏYYƏN ETDİ: Şəxs xx.xx.2023-cü il tarixdə Ağsu şəhəri, 3-cü məhəllədə atası X1 təhqir etmiş, ictimai qaydanı kobud şəkildə pozmuşdur. İnzibati xəta haqqında protokol tərtib etmiş şəxs X3 izahat verərək göstərdi ki, xx.xx.2023-cü il tarixdə Şəxs Ağsu şəhəri, 3-cü məhəllədə atası X1 təhqir etmiş, ictimai qaydanı kobud şəkildə pozmuşdur. Barəsində inzibati xəta haqqında iş üzrə icraat aparılan Şəxs izahat verərək göstərdi ki, xx.xx.2023-cü il tarixdə axşam yeməyində 250 qram spirtli içki qəbul edib yatmış, axşam təxminən 22:05 radələrində həyətdə səs-küyə oyanmış, həyətə düşmüş və qardaşının sərxoş vəziyyətdə atasının yaxasından tutub onunla mübahisə etdiyini görmüşdür. O, onları aralamaq üçün araya girmiş, bu zaman atası küçəyə çıxmış, qardaşı Məhəmməd də küçədə atasını söyüb təhqir etmişdir. Daha sonra atası DİN-in 102 xidmətinə məlumat vermiş, Ağsu RPŞ-nin əməkdaşları gəlib onları RPŞ-yə aparmışlar. Əməlindən peşmandır, bir daha belə hallara yol verməyəcəyinə söz verir. Zərərçəkmiş şəxs X7 izahat verərək göstərdi ki, xx.xx.2023-cü il tarixdə oğlu Gözəlov Məhəmməd evə sərxoş vəziyyətdə gələrək onunla mübahisə etmiş, yaxasından tutaraq onu uca səslə söyüb təhqir etmişdir. O, oğlunu sakitləşdirmək istəyərkən digər oğlu Şəxs də sərxoş vəziyyətdə gələrək mübahisəyə qoşulmuş o, övladları ilə bacara bilmədiyi üçün DİN-in 102 xidmətinə zəng vurub bu barədə məlumat vermişdir. Daha sonra Ağsu RPŞ-nə gedərək ərizə ilə müraciət etmiş, övladları Gözəlov Məhəmməd və Şəxs əvvəllər də sərxoş vəziyyətdə evə gələrək belə hərəkətlərlə onu və ailə üzvlərini həmçinin qonşuları da narahat etdiyini bildirmişdir. Bu səbəblərdən övladları Gözəlov Məhəmməd və Şəxs barəsində qanuni tədbir görülməsini xahiş etdi. Məhkəmə inzibati xəta haqqında toplanmış materialları araşdıraraq hesab edir ki, Şəxs İXM-in 510-cu maddəsi ilə qeyd olunan inzibati xətanı törətməkdə təqsiri tam sübut olunur. “İnzibati xəta haqqında” 08 fevral 2023-cü il tarixli, MN ******* nömrəli protokoldan görünür ki, Şəxs xx.xx.2023-cü il tarixdə Ağsu şəhəri, 3-cü məhəllədə atası X1 təhqir etmiş, ictimai qaydanı kobud şəkildə pozmuşdur. Göründüyü kimi, Şəxs İXM-in 510-cu maddəsində nəzərdə tutulmuş inzibati xəta törətməsi,özünün etirafı, inzibati xəta haqqında protokol və digər iş materialları ilə təsdiq edilir. İXM-in 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Məhkəmə hesab edir ki, barəsində inzibati xəta haqqında iş üzrə icraat şəxsin İXM-in 510-cu maddəsi ilə nəzərdə tutulmuş inzibati xəta törətməsi iş materialları əsasında sübuta yetirilmiş və onun barəsində həmin maddənin sanksiyası həddində inzibati tənbeh tətbiq edilməlidir. İXM-in 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs səmimi peşmanlığı inzibati məsuliyyəti yüngülləşdirən haldır. Şəxs əməlində inzibati məsuliyyəti ağırlaşdıran hal yoxdur. Sadalanan xüsusatlara əsasən məhkəmə hesab edir ki, Şəxs törətdiyi inzibati xətanın hallarını, inzibati xəta törətmiş şəxsin şəxsiyyətini, inzibati xətanın xarakterini və törədilmə şəraitini nəzərə alaraq, İXM-in 510-cu maddəsinin sanksiyasında nəzərdə tutulan inzibati tənbeh tədbiri – inzibati cərimə tətbiq olunmalıdır. Beləliklə, məhkəmə hesab edir ki, Şəxs İXM-in 510-cu maddəsində nəzərdə tutulmuş inzibati xətanı törətməkdə təqsirli bilinərək, barəsində inzibati cərimə tənbeh tədbiri tətbiq edilməlidir. Yuxarıda göstərilənlərə və İXM-in 40, 43, 48-51, 114, 128-130-cu maddələrinə əsasən, məhkəmə QƏRARA ALDİ: Şəxs İXM-in 510-cu maddəsində nəzərdə tutulmuş inzibati xətanı törətməkdə təqsirli bilinərək, 50 (əlli) manat məbləğində cərimə edilsin. Qərarın surəti rəsmi qaydada verildiyi vaxtdan 10 gün müddətində Şəki Apellyasiya Məhkəməsinə şikayət verilə bilər. Sədrlik edən Anar Əsgərov