Ağsu Rayon Məhkəməsi Qərardad — İş №3(016)-18/2025

Azərbaycan Respublikası adından QƏRARDAD Ağsu rayonu İş № 3(016)-18/2025 27.01.2025 AĞSU RAYON MƏHKƏMƏSİ Mən, hakim Əsgərov X1 Azər Əhməd oğlu barəsində Azərbaycan Respublikasının İnzibati Xətalar Məcəlləsinin (bundan sonra mətndə - İXM) 510 və 535.1-ci maddələri ilə olan inzibati xəta haqqında materialları nəzərdən keçirərək, MÜƏYYƏN ETDİM: Ağsu rayon Polis şöbəsi tərəfindən Şəxs İXM-in 510 və 535.1-ci maddələrində nəzərdə tutulmuş inzibati xətanı törətməsinə dair 27 yanvar 2025-ci il tarixli MN seriyalı ******* nömrəli və İXM-in 534-cü maddəsində nəzərdə tutulmuş inzibati xətanı törətməsinə dair 27 yanvar 2025-ci il tarixli MN seriyalı ******* nömrəli inzibati xəta haqqında protokollar tərtib edilmiş və toplanmış sənədlərlə birlikdə baxılması üçün məhkəməyə göndərilmişdir. Həmin inzibati xəta haqqında protokollardan görünür ki, onlar bir nəfər şəxsin - Şəxs barəsində 510, 534 və 535.1-ci maddələri ilə 27 yanvar 2025-ci il tarixdə tərtib olunaraq, baxılması üçün 27 yanvar 2025-ci il tarixdə Ağsu Rayon Məhkəməsinə göndərilmişdir. İXM-in 34.2-ci maddəsinə əsasən, şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Təqdim olunmuş materialları nəzərdən keçirərək və istinad olunan maddi hüquq normasının tələbini nəzərə alaraq, məhkəmə hesab edir ki, Şəxs törətdiyi inzibati xətalarla bağlı onun barəsində 27 yanvar 2025-ci il tarixdə tərtib olunaraq, baxılması üçün məhkəməyə göndərilmiş inzibati xəta haqqında protokollara dair işlər bir icraatda birləşdirilərək eyni vaxtda baxılmalıdır. Şərh olunanlara əsaslanaraq və İXM-in 34.2, 114 və 118-ci maddələrini rəhbər tutaraq, QƏRARA ALDİM: Şəxs barəsində İXM-in 510 və 535.1-ci maddələri ilə olan 27 yanvar 2025-ci il tarixli MN seriyalı ******* nömrəli inzibati inzibati xəta haqqında protokollarla bağlı 3(016)- 18/2025 nömrəli və 3(016)-17/2025 nömrəli işlər işdə bir icraatda birləşdirilərək eyni vaxtda baxılsın, birləşdirilmiş işdə 3(016)-17/2025 nömrəsi saxlanılsın. Sədrlik edən Anar Əsgərov