Ağsu Rayon Məhkəməsi Qərar — İş №3(016)-21/2023

Azərbaycan Respublikası adından QƏRAR Ağsu rayonu İş № 3(016)-21/2023 26.01.2023 AĞSU RAYON MƏHKƏMƏSİ Hakim Əsgərov Anar Əlifağa oğlunun sədrliyi, Ağayev Rəşad Vidadi oğlunun katibliyi, Ağsu rayon İcra və Probasiya Şöbəsinin icra məmuru X6, Barəsində inzibati xəta haqqında iş üzrə icraat aparılan Şəxs Yağub oğlunun iştirakları ilə, xx.xx.1970-ci ildə Masallı rayonu, Zuvandlı kəndində anadan olan Azərbaycan Respublikasının vətəndaşı, evli, orta təhsilli, işsiz, subay, Ağsu rayonu, Ağarx kəndində qeydiyyatda olan və yaşayan Şəxs Yağub oğlunun Azərbaycan Respublikası İnzibati Xətalar Məcəlləsinin (bundan sonra mətndə - İXM) 528.1-ci maddəsi ilə inzibati məsuliyyətə cəlb edilməsinə dair Ağsu rayon İcra və Probasiya Şöbəsindən daxil olmuş inzibati xəta haqqında protokola və ona əlavə edilmiş materiallara baxaraq, məhkəmə MÜƏYYƏN ETDİ: Musayev X13 Rayon Məhkəməsinin 2(016)-1333/2016 nömrəli, xx.xx.2016-cı il tarixli və 2(016)-1562/2017 nömrəli, xx.xx.2017-ci il tarixli əmrlərini icrası ilə əlaqədar icra məmurunun qanuni tələblərini yerinə yetirməyərək icra sənədini üzrsüz səbəbdən icra etməmişdir. Ağsu rayon İcra və Probasiya Şöbəsinin icra məmuru X10 məhkəmə iclasında verdiyi izahatında bildirdi ki, Ağsu Rayon Məhkəməsinin 22(016)-1333/2016 nömrəli, xx.xx.2016cı il tarixli əmrinə əsasən X5, zaminlər X7 və Şəxs Yağub oğlundan müştərək qaydada ümumilikdə 4168 ABŞ dolları borc və ödənilmiş 20 manat dövlət rüsumunun alınaraq “FİNCA Azeribaijan” X8 Bank Kredit Təşkilatının xeyrinə ödənilməsi və Ağsu Rayon Məhkəməsinin 2(016)-1562/2017 nömrəli, xx.xx.2017-ci il tarixli əmrinə əsasən, Şəxs Yağub oğlundan, X1, X2 ümumilikdə 7312.53 manat və 554.34 ABŞ dolları alınaraq "xxxx" QSC-yə verilməsi barədə icra sənədi icraata daxil olmuşdur. İcraata başlamaq haqqında qərar qəbul edilmiş və borcun ödənilməsi üçün bildiriş və digər aidiyyəti sənədlər borcluya göndərilmişdir. Yaranmış borcun ödənilməsi məqsədi ilə borclunun adına əmlakının olubolmaması barədə aidiyyəti təşkilatlara sorğu ilə müraciət edilmiş və borclunun adına borcun yönəldilə biləcəyi əmlak aşkar edilməmişdir. Borclu dəfələrlə şöbəyə çağırılmış, izahatı alınmışdır. Barəsində İXM-nin 528.1-ci maddəsində nəzərdə tutulmuş tədbir görülməsini xahiş etdi. Barəsində inzibati xəta haqqında iş üzrə icraat aparılan Şəxs Yağub oğlu məhkəmə iclasında izahat verərək bildirdi ki, Ağsu Rayon Məhkəməsinin 22(016)-1333/2016 nömrəli, xx.xx.2016-cı il tarixli əmrinə əsasən o, X5 və X3 müştərək qaydada ümumilikdə 4168 ABŞ dolları borc və ödənilmiş 20 manat dövlət rüsumunun alınaraq “FİNCA Azeribaijan” X8 Bank Kredit Təşkilatının xeyrinə və Ağsu Rayon Məhkəməsinin 2(016)-1562/2017 nömrəli, xx.xx.2017-ci il tarixli əmrinə əsasən, ondan, X1, X2 ümumilikdə 7312.53 manat və 554.34 ABŞ dolları alınaraq "xxxx" QSC-yə verilməlidir. Həmin məhkəmə əmrləri üzrə borclar tamamilə ödənilmişdir. Bu səbəbdən, inzibati xəta haqqında iş üzrə icraata xitam verilməsini xahiş etdi. Məhkəmə icra məmurunun və barəsində inzibati xəta haqqında iş üzrə icraat aparılan şəxsin izahatını dinləyib, iş materiallarını araşdıraraq hesab edir ki, Şəxs Yağub oğlunun əməlində İXM-in 528.1-ci maddəsində nəzərdə tutulmuş inzibati xətanın tərkibi olmadığı üçün, bu maddə ilə onun barəsində başlanmış inzibati xəta haqqında iş üzrə icraata xitam verilməlidir. İXM-in 528.1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. İXM-in 3-cü maddəsinə görə, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 12.1-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan normaların tələbindən görünür ki, İXM-in 528.1-ci maddəsi ilə inzibati məsuliyyətin yaranması üçün inzibati xəta tərkibinin obyektiv tərəfinin vacib elementi kimi şəxsin hərəkətinin icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə yönəlməsi və subyektiv tərəfinin elementi kimi şəxsin əməlinin hüquqa zidd xarakterini dərk etməsi, onun nəticələrini qabaqcadan görməsi və həmin nəticələri arzu etməsi, yəni şəxsin etdiyi hərəkətləri qəsdən törətməsi zəruri şərtlər kimi müəyyən edilmişdir. İş materiallarından göründüyü kimi, barəsində inzibati xəta haqqında iş üzrə icraat aparılan Şəxs Yağub oğlu icra sənədini icra etməkdən imtina etməmiş, icrasına maneələr yaratmamış və bununla bağlı hər hansı bir sübut təqdim olunmamışdır. İş materiallarında olan xx.xx.2023-cü il tarixli məktubdan görünür ki, X5 onunla "xxxx" QSC arasında bağlanmış xx/xx/2014-cü il tarixli, 7.800 manat məbləğində, xx/xx/2015-ci il tarixli, 2.500 manat və xx/xx/2015-ci il tarixli 500 USD məbləğində kredit öhdəliklərini tam olaraq yerinə yetirmişdir. İş materiallarında olan xx.xx.2023-cü il tarixli arayışdan görünür ki, X5 və X4 “FİNCA Azerbaijan” X8-Bank Kredit Təşkilatı qarşısında xx/xx/2015-ci il tarixli kredit müqaviləsi üzrə öhdəliyi yoxdur. İXM-in 8-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir (8.1). İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir (8.2). İXM-in 53.1.2-ci maddəsinə əsasən, inzibati xəta tərkibi olmadıqda, inzibati xəta haqqında başlanmış icraata xitam verilir. İXM-in 105.1-ci maddəsinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə hesab edir ki, Şəxs Yağub oğlunun əməlində inzibati xəta tərkibi olmadığı üçün inzibati xəta haqqında iş üzrə icraata xitam verilməlidir. Yuxarıda göstərilənlərə və İXM-in 40, 43, 47-51, 114, 128-130-cu maddələrinə əsasən, məhkəmə QƏRARA ALDİ: Şəxs Yağub oğlu barəsində İXM-in 528.1-ci maddəsi ilə inzibati məsuliyyətə cəlb edilməsinə dair inzibati xəta haqqında iş üzrə icraata inzibati xəta tərkibi olmadığından xitam verilsin. Qərarın surəti rəsmi qaydada təqdim edildiyi gündən 10 (on) gün müddətində Şəki Apellyasiya Məhkəməsinə şikayət verilə bilər. Sədrlik edən Anar Əsgərov