Ağsu Rayon Məhkəməsi Qərar — İş №3(016)-25/2025

Azərbaycan Respublikası adından QƏRAR Ağsu rayonu İş № 3(016)-25/2025 02.04.2025 AĞSU RAYON MƏHKƏMƏSİ Hakim Əsgərov Anar Əlifağa oğlunun sədrliyi, Əzizov Nemət Qamət oğlunun katibliyi, Qərardan şikayət verən şəxs X3 iştirakı ilə, X5 tərəfindən AR DİN-in Baş X13 İdarəsinin xx.xx.2025-ci il tarixli, ******* saylı “İnzibati tənbeh vermə haqqında” qərarının ləğv edilməsi barədə şikayətə açıq məhkəmə iclasında audio və video yazı aparılmaqla baxaraq, məhkəmə MÜƏYYƏN ETDİ: X5 şikayət ərizəsi ilə məhkəməyə müraciət edərək, AR DİN-in Baş X13 İdarəsinin xx.xx.2025-ci il tarixli, ******* saylı “İnzibati tənbeh vermə haqqında” qərarının ləğv edilməsini xahiş etmişdir. Şikayət onunla əsaslandırılmışdır ki, xx.xx.2024-cü il tarixdə Şamaxı rayonunda hərəkətdə olarkən ona dayanma-durma barədə SMS-radardan Azərbaycan Respublikası İnzibati Xətalar Məcəlləsinin (bundan sonra mətndə - İXM) 346.1-ci maddəsinə əsasən 20 manat radar əvəzinə 200 manat radar gəlmişdir. O, fikirləşmişdir ki, 200 manatlıq radarın vaxtına var ödəyər. xx.xx.2025-ci il tarixdə İsmayıllı rayonundan Qobustan rayonuna gedərkən adını sonradan bildiyi Yol Patrul Xidmətinin inspektoru polis baş serjantı X7 ona saxla işarəsi vermiş, o da idarə etdiyi **-BG-*** dövlət nömrə nişanlı avtomobili saxlamışdır. Həmin şəxs ona yaxınlaşmış, özünü təqdim etmiş, o, da ona idarə etdiyi avtomobilin saxlama səbəbini soruşmuşdur. O, bildirmişdir ki, 990 onlara bildirərək onun idarə etdiyi saxlama əmri verib avtomobil saxlanılsın sürücülük vəsiqəsinin vaxtı keçdiyi üçün cəriməsi yazılsın və Bakı şəhəri, “Respublinkanski”də yerləşən 402-ci otağa X4 yanına göndərilsin. Həmin vaxt ona yazılan 400 manat və ondan qabaq ona gələn 200 manat dayanma durma cərməni ödəmiş və dərhal sürücülük vəsiqəsini dəyişib qayıdıb Qobustan postundan avtomobilini götürmək istədikdə avtomobili verməkdən imtina etmişdilər. X7 ona bildirmişdir ki, onluq bir şey yoxdur, yalnız o, Bakı şəhərində yerləşən “Respublinakskiya 402 saylı otağa” getməlidir. Avtomobili onun əlindən almaq istəyəndə o, həmin polis əməkdaşına bildirmişdir ki, sonradan qohumu X8 postuna gələrək sürücülük vəsiqəsi vardır, ona onlayn etibarnamə verə bilər, onların ixtiyarı yoxdur avtomobili cərimə meydançasında saxlamağa, həmin polis əməkdaşı ona bildirmişdir ki, get dərdini kimə deyirsən de avtomobil cərimə meydançasına getməlidir. Həmin vaxt o, dərhal DİN-in 102xidmətinə müraciətlər etmiş, heç bir nəticəsi olmamış və onun dalınca DİN-in 902 xidmətinə müraciət etmiş heç bir xeyiri olmamış və təxminən 4-5 saat qaldıqdan sonra, avtobobili cərimə meydançasında saxladıqdan sonra o, yenə 102-yə zəng edib özünü yandıracağını bildirmiş, həmin vaxt Qobustan rayon polis şöbəsinin əməkdaşları gəlib onu Qobustan rayon polis şöbəsinə dəvət etmişdilər. O, orada öz narazılığını bildirdikdə onlar ona bildirmişdilər ki, sən özünü niyə yandırmaq istəyirsən. O, da onlara bildirmişdir ki, niyə Mustafayev Muradın yanına getməlidir. Polis şöbəsi də Murad Mustafayevi telefon vasitəsi ilə yığmışlar. Murad Mustafayev bildirdi ki, avtomobil duracaqda qalmalıdı və onun yanına, yəni 402-ci otağa gəlməlidir. Səhəri gün yəni xx.xx.2025-ci il tarixdə o deyilən ünvana gedib 402-ci otağa yaxınlaşıb özünü polis əməkdaşına təqdim edib düşdüyü vəziyyəti onların nəzərinə çatdırmışdır. Yol Patrul Xidmətinin inzibati Qrup polis mayoru X1 vasitəsi ilə araşdıraraq guya o qanunsuz sürücülük hüququ olmadan avtomobil idarə etdiyi üçün xx.xx.2024-cü il tarixdən xx.xx.2025-ci il tarixədək qərarlar yazaraq 2.800 manat cərimə edilmişdir. O, onlara narazılığını bildirmişdir ki, məhkəməyə müraciət edəcək. Onlar öz nöbəsində ona bildirmişdilər ki, get dərdini kimə istəyirsən bildir. Ona İXM-in 332.3-cü maddəsində nəzərdə tutulmuş 400 manat məbləğində cərimə yazılmış, lakin ona 7 dəfə 400 manat məbləğində cərimə tətbiq edilmişdir. Qərardan şikayət verən şəxs X5 məhkəmə iclasında şikayətin məzmununa uyğun izahat verərək, şikayətin təmin olunmasını xahiş etdi. Qərarından şikayət verilmiş orqanın nümayəndəsi məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, məhkəməyə gəlməməyin səbəbini və mümkünsüzlüyünü bildirmədən məhkəmə iclasına gəlməmişdir. İnzibati xəta haqqında işin materiallarını tədqiq edərək, barəsində inzibati xəta haqqında iş üzrə qərar qəbul edilmiş şəxsi dinləyərək, məhkəmə hesab edir ki, şikayət təmin edilməli, inzibati xəta haqqında iş üzrə icraat zamanı Azərbaycan Respublikası İnzibati Xətalar Məcəlləsi ilə müəyyən edilmiş tələbləri, işin hallarının hərtərəfli, tam və obyektiv araşdırılmasına maneçilik törədəcək dərəcədə pozulduğuna görə Yol Patrul Xidmətinin İnzibati qrup polis mayoru X4 qəbul etdiyi xx.xx.2025-ci il tarixli, TP ******* saylı “İnzibati tənbeh vermə haqqında” qərar ləğv edilməli və inzibati xəta haqqında iş yenidən baxılması üçün Azərbaycan Respublikası Daxili İşlər Nazirliyi Baş X13 İdarəsinə göndərilməlidir. İş materiallarında olan Yol Patrul Xidmətinin İnzibati qrup polis mayoru X4 qəbul etdiyi xx.xx.2025-ci il tarixli, TP ******* saylı “İnzibati tənbeh vermə haqqında” qərarı ilə X5 İXM-in 327.2 və 332.3-cü maddələri ilə nəzərdə tutulmuş inzibati xətanın törədilməsində təqsirli bilinərək, həmin şəxs barəsində 400 manat məbləğində inzibati cərimə tətbiq edilmişdir. İXM-in: 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 6-cı maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir (Qanunçuluq prinsipi); 31.1-ci maddəsinə əsasən, inzibati xətaya görə tənbeh bu Məcəlləyə uyğun olaraq tətbiq edilir; 135.1 və 135.1.5-ci maddələrinə əsasən, tətbiq edilmiş tənbehin bu Məcəllənin 31- 34-cü maddələrinin tələblərinə uyğun olmaması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır; 327.2-ci maddəsinə əsasən, svetoforun və ya nizamlayıcının qadağanedici işarəsi verilərkən hərəkətin davam etdirilməsinə, 3.1 “Giriş qadağandır” yol nişanının tələblərinin və ya sərnişin daşıma, əks istiqamətli hərəkət zolağına çıxmaqla ötmə və ya manevr etmə, yolayrıcını keçmə qaydalarının pozulmasına, ümumi istifadədə olan nəqliyyat vasitələrinin, yaxud adamlar daşınan yük avtomobillərinin sərnişinlərlə yanacaqdoldurma məntəqəsinə daxil olmasına, 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və ya geriyə dönməyə, yaxud maneəni kənardan keçməyə görə - yüz manat məbləğində cərimə edilir. 332.3-cü maddəsinə əsasən, bu Məcəllənin 332.2-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə və ya nəqliyyat vasitəsini idarə etmək hüququ məhdudlaşdırılmış şəxs tərəfindən nəqliyyat vasitəsinin idarə edilməsinə görə - dörd yüz manat məbləğində cərimə edilir. Məhkəmə qeyd edir ki, Azərbaycan Respublikası Daxili İşlər Nazirliyinin Baş X13 İdarəsi hazırkı halda X5 barəsində xx.xx.2025-ci il tarixli, TP seriyalı, ******* nömrəli “İnzibati tənbeh vermə haqqında” qərar qəbul etməklə inzibati məsuliyyətin əsaslarını pozmuşdur. Belə ki, ilk növbədə inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. X2 hərəkətlərində İXM-in 327.2 və 332.3-cü maddələrində nəzərdə tutulan inzibati xəta tərkibinin bütün əlamətlərinin mövcud olması müəyyən olunmamışdır. Həmçinin, X5 həmin inzibati xətanın subyekti olmasını təsdiq edən sübut məhkəməyə təqdim edilməmişdir. Bundan başqa, inzibati tənbeh vermə haqqında qərar qəbul etmiş orqan tərəfindən İXM-in qanunçuluq prinsipinin tələbləri də pozulmuşdur. Həmin prinsipin məzmununa uyğun olaraq inzibati tənbeh İXM-ə uyğun olaraq tətbiq edilməlidir. Lakin göründüyü kimi inzibati orqan inzibati tənbehi İXM-in tələblərinə uyğun tətbiq etməmişdir. Belə ki, X5 barəsində qəbul edilmiş xx.xx.2025-ci il tarixli, TP seriyalı, ******* nömrəli “İnzibati tənbeh vermə haqqında” qərarla İXM-in 327.2 və 332.3-cü maddələri ilə təqsirli bilinsə də onun barəsində həmin maddələrin sanksiyası çərçivəsində inzibati tənbeh tətbiq edilməmişdir. Belə ki, həmin qərardan göründüyü kimi onun barəsində 400 manat məbləğində inzibati cərimə növündə tənbeh tədbiri tətbiq edilmişdir. Lakin nəzərə alınmalıdır ki, sözügedən maddənin sanksiyasında həmin məbləğdə inzibati cərimə nəzərdə tutulmamışdır. Ümumiyyətlə, xx.xx.2025-ci il tarixli, TP seriyalı, ******* nömrəli “İnzibati tənbeh vermə haqqında” qərarda X3 nəqliyyat vasitəsini idarə etmək hüququ məhdudlaşdırılmış şəxs olaraq nəqliyyat vasitəsini idarə etməsinə görə məsuliyyətə cəlb olunduğuna dair qeyd yoxdur. Beləliklə, X5 barəsində inzibati xətaya görə tənbeh İXM-ə uyğun tətbiq edilməmişdir. Bu halda nəzərə alınmalıdır ki, “Azərbaycan Respublikası İnzibati Xətalar Məcəlləsinin 128.1-ci maddəsinin şərh edilməsinə dair” Azərbaycan Respublikası Konstitusiya Məhkəməsi Plenumunun 2 noyabr 2016-cı il tarixli qərarına əsasən cinayətprosessual qanunvericiliyin analogiya üzrə inzibati xəta haqqında iş üzrə icraat prosesində tətbiqi istisna edilmir. Azərbaycan Respublikası Cinayət-Prosessual Məcəlləsinin 9.2-ci maddəsinə əsasən bu Məcəllə ilə müəyyən edilmiş hallarda cinayət prosesi prinsiplərinin və ya şərtlərinin pozulması cinayət təqibi üzrə başa çatmış icraatın etibarsız sayılmasına, onun gedişində qəbul edilmiş qərarların ləğvinə, yaxud toplanmış materialların sübutedici qüvvəsinin olmaması qənaətinə gəlməyə səbəb ola bilər. Məhkəmə qeyd edir ki, iş üzrə mühüm əhəmiyyət kəsb edən bütün faktiki hallar araşdırılmalı olduğundan Azərbaycan Respublikası Daxili İşlər Nazirliyinin Baş X13 İdarəsinin xx.xx.2025-ci il tarixli, TP seriyalı, ******* nömrəli “İnzibati tənbeh vermə haqqında” qərarı ləğv edilməklə iş yenidən baxılması üçün səlahiyyətli orqana göndərilməlidir. İXM-in: 135.1.1-ci maddəsinə əsasən, hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır; 135.1.5-2-ci maddəsinə əsasən, inzibati xəta haqqında iş üzrə qərarın buna səlahiyyəti çatmayan hakim və ya orqan (vəzifəli şəxs) tərəfindən qəbul edilməsi inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır; 135.1.6-cı maddəsinə əsasən, bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır; 137.3-cü maddəsinə əsasən, bu Məcəllənin 134.1.4-cü və 134.1.5-ci maddələrinə əsasən qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edildikdə, inzibati xəta haqqında işə bu Məcəllə ilə müəyyən edilmiş müddətlərdə yenidən baxılır. Qeyd olunanlara əsasən və İXM-in 128-137-ci maddələrini rəhbər tutaraq, məhkəmə QƏRARA ALDİ: X3 şikayəti təmin edilsin. Azərbaycan Respublikası Daxili İşlər Nazirliyinin Baş X13 İdarəsinin xx.xx.2025-ci il tarixli, TP seriyalı, ******* nömrəli “İnzibati tənbeh vermə haqqında” qərarı ləğv edilsin və işə yenidən baxılması Azərbaycan Respublikası Daxili İşlər Nazirliyinin Baş X13 İdarəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində qərardan Ağsu Rayon Məhkəməsi vasitəsilə Şəki Apellyasiya Məhkəməsinə şikayət verilə bilər. Hakim Anar Əsgərov