Ağsu Rayon Məhkəməsi Qərar — İş №3(016)-290/2025

Azərbaycan Respublikası adından QƏRAR Ağsu rayonu İş № 3(016)-290/2025 30.09.2025 AĞSU RAYON MƏHKƏMƏSİ Hakim Əsgərov Anar Əlifağa oğlunun sədrliyi, Əzizov Nemət Qamət oğlunun katibliyi, Ağsu Rayon Polis Şöbəsinin nümayəndəsi X1, Zərərçəkmiş şəxs X5, Barəsində inzibati xəta haqqında iş üzrə icraat aparılan Şəxs və onun qanuni nümayəndəsi X2 iştirakları ilə, xx.xx.2009-cu ildə Ağsu rayonunda, Kəndoba kəndində anadan olan, Azərbaycan Respublikasının vətəndaşı, məktəbli, subay, ünvan 1 ünvanında qeydiyyatda olan və yaşayan, Şəxs Azərbaycan Respublikası İnzibati Xətalar Məcəlləsinin (bundan sonra mətndə - İXM) 332.4-cü maddəsi ilə inzibati xəta törətməsinə dair Ağsu rayon Polis Şöbəsindən daxil olmuş materiala baxaraq, məhkəmə MÜƏYYƏN ETDİ: Şəxs xx.xx.2024-cü il tarixdə idarə etdiyi «Tofaş Şahin» minik markalı, **-DA-*** dövlət qeydiyyat nişanlı avtomaşınla Ağsu şəhəri, M.Ə.Rəsulzadə küçəsində hərəkətdə olarkən əks-istiqamətli hərəkət zolağına çıxmaqla manevr edən maşını keçmək istəyərkən «Vaz 2107» markalı **-NG-*** dövlət qeydiyyat nişanlı maşını idarə etdiyi maşınla vurmuş və nəticədə yol nəqliyyat hadisəsi baş vermişdir. İnzibati xəta haqqında protokol tərtib etmiş şəxs X3 izahatında göstərdi ki, xx.xx.2025-ci il tarixdə Ağsu şəhəri, M.Ə.Rəsulzadə küçəsində hadisə baş verməsi ilə əlaqədar məlumat daxil olmuş, o hadisə yerinə yaxınlaşmış, «Tofaş Şahin» minik markalı, **-DA-*** dövlət qeydiyyat nişanlı avtomaşınla «Vaz 2107» markalı **-NG-*** dövlət qeydiyyat nişanlı avtomaşının toqquşduğunu görmüşdür. X4 hadisə zamanı «Tofaş Şahin» minik markalı, **-DA-*** dövlət qeydiyyat nişanlı avtomaşını özünün idarə etdiyini bildirsə də araşdırma zamanı məlum olmuşdur ki, avtomobili Şəxs idarə etmişdir. Barəsində inzibati xəta haqqında iş üzrə icraat aparılan Şəxs izahat verərək göstərdi ki, atası ürək xəstəsidir. Onunçün dərman almağa getmiş, qayıdan zaman hadisəni törətmişdir. Əməlindən səmimi peşmandır, barəsində yüngül inzibati tənbeh tədbiri tətbiq edilməsini xahiş etdi. Barəsində inzibati xəta haqqında iş üzrə icraat aparılan Şəxs qanuni nümayəndəsi X4 izahat verərək göstərdi ki, oğlu da təqsirini etiraf edir. Barəsində yüngül inzibati tənbeh tədbiri tətbiq edilməsini xahiş etdi. Zərərçəkmiş şəxs X5 izahat verərək göstərdi ki, o, piyada keçidində piyadaya yol vermək üçün maşını saxlamış, Şəxs arxadan onun maşınını vurmuşdur. Hadisə zamanı onun maşınına xəsarət dəymişdir. Ona dəymiş ziyanın ödənilməsini xahiş etdi. Məhkəmə inzibati xəta haqqında toplanmış materialları araşdıraraq hesab edir ki, Şəxs İXM-in 332.4-cü maddəsi ilə qeyd olunan inzibati xətanı törətməkdə təqsiri tam sübut olunur. “İnzibati xəta haqqında” 29 sentyabr 2025-ci il tarixli, İXP ******* nömrəli protokolla müəyyən olunur ki, Şəxs xx.xx.2025-ci il tarixdə, saat 14:00-da idarə etdiyi «Tofaş Şahin» minik markalı, **-DA-*** dövlət qeydiyyat nişanlı avtomaşınla Ağsu şəhəri, M.Ə.Rəsulzadə küçəsində hərəkətdə olarkən əks-istiqamətli hərəkət zolağına çıxmaqla manevr etmə qaydasını pozduğu üçün «Vaz 2107» markalı **-NG-*** dövlət qeydiyyat nişanlı maşını idarə etdiyi maşınla vurmuş və nəticədə yol nəqliyyat hadisəsi baş vermişdir. İş materiallarından görünür ki, «Tofaş Şahin» markalı **-DA-*** dövlət qeydiyyat nişanlı və «Vaz 2107» markalı **-NG-*** dövlət qeydiyyat nişanlı maşına ziyan dəymişdir. Beləliklə, Şəxs İXM-in 332.4-cü maddəsinin tələbini pozması, özünün səmimi etirafı, inzibati xəta haqqında protokol və digər iş materialları ilə də təsdiq edilir. Bu səbəbdən, məhkəmə hesab edir ki, onun hərəkətləri İXM-in 332.4-cü maddəsi ilə tövsif olunmalı və həmin maddənin sanksiyası həddində inzibati tənbeh tədbiri tətbiq edilməlidir. İXM-in 332.4-cü maddəsinə əsasən, bu Məcəllənin 332.2-ci maddəsində nəzərdə tutulmuş xəta nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə-beş yüz manat məbləğində cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. İXM-in 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Şəxs səmimi peşmanlığı inzibati məsuliyyəti yüngülləşdirən haldır. Şəxs əməlində inzibati məsuliyyəti ağırlaşdıran hal yoxdur. Barəsində tətbiq ediləcək inzibati tənbeh tədbirinin növünü müəyyən edərkən Şəxs şəxsiyyətini və səmimi peşmanlığını nəzərə alaraq, məhkəmə hesab edir ki, onun barəsində İXM-in 332.4-cü maddəsinin sanksiyasında nəzərdə tutulmuş cərimə inzibati tənbeh tədbiri tətbiq olunmalıdır. Yuxarıda göstərilənlərə və İXM-in 40, 43, 48-51, 114, 128-130-cu maddələrinə əsasən, məhkəmə QƏRARA ALDİ: Şəxs İXM-in 332.4-cü maddəsindən nəzərdə tutulmuş inzibati xətanı törətməkdə təqsirli bilinsin və 500 (beş yüz) manat məbləğində cərimə edilsin. Qərarın surəti rəsmi qaydada verildiyi vaxtdan 10 gün müddətində Şəki Apellyasiya Məhkəməsinə şikayət verilə bilər. Sədrlik edən Anar Əsgərov