Ağsu Rayon Məhkəməsi Qərardad — İş №3(016)-347/2025

Azərbaycan Respublikası adından QƏRARDAD Ağsu rayonu İş № 3(016)-347/2025 12.12.2025 AĞSU RAYON MƏHKƏMƏSİ X6 Natiq oğlunun sədrliyi, Cəbrayılova Könül Alov qızının katibliyi, Ağsu rayon PŞ-nin yol patrul xidməti inspektoru polis baş serjantı X3, Qərardan şikayət verən şəxs X2 iştirakı ilə X4 tərəfindən AR DİN-in Baş Dövlət Yol Polisi İdarəsinin xx.xx.2025-ci il tarixli, TP ******* saylı “İnzibati tənbeh vermə haqqında” qərarının ləğv edilməsi barədə şikayətə açıq məhkəmə iclasında audio və video yazı aparılmaqla baxaraq, məhkəmə MÜƏYYƏN ETDİ: X4 şikayət ərizəsi ilə məhkəməyə müraciət edərək, AR DİN-in Baş Dövlət Yol Polisi İdarəsinin xx.xx.2025-ci il tarixli, TP ******* “İnzibati tənbeh vermə haqqında” qərarının ləğv edilməsini xahiş etmişdir. Məhkəmə iclasında qərardan şikayət verən şəxs X4 “İnzibati tənbeh vermə haqqında” TP ******* nömrəli qərarın ləğv edilməsinə dair şikayətin ona geri qaytarılmasını xahiş etdi. Məhkəmə iclasında Ağsu rayon PŞ-nin yol patrul xidməti inspektoru polis baş serjantı X1 geri qaytarılmasına etiraz etməmişdir. Məhkəmə proses iştirakçılarını dinləyib, iş materiallarını nəzərdən keçirərək hesab edir ki, şikayət və ona əlavə edilmiş sənədlər geri qaytarılmalıdır. Azərbaycan Respublikası İnzibati Xətalar Məcəlləsinin 128.1-ci maddəsinə əsasən, barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Beləliklə, Azərbaycan Respublikası İnzibati Xətalar Məcəlləsinə əsasən qərardan şikayətə baxılması həmin qərardan şikayət verən tərəfin iradəsində asılıdır. Bu səbəbdən də şikayətçi şikayətinin geri qaytarılmasını tələb etdiyindən, şikayətə baxılmayaraq geri qaytarılmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 128-137-ci maddələrini rəhbər tutub, məhkəmə QƏRARA ALDİ: AR DİN-in Baş Dövlət Yol Polisi İdarəsinin xx.xx.2025-ci il tarixli, TP ******* saylı “İnzibati tənbeh vermə haqqında” qərarından X4 tərəfindən verilmiş şikayət və ona əlavə edilmiş sənədlər geri qaytarılsın. Qərardadın surəti təqdim edildiyi və ya alındığı gündən 10 (on) gün müddətində işə baxan Ağsu Rayon Məhkəməsi vasitəsilə Şəki Apellyasiya Məhkəməsinə apellyasiya şikayəti və ya protesti verilə bilər. Sədrlik edən Babək Qasımov