Ağsu Rayon Məhkəməsi Qərar — İş №3(016)-355/2025

Azərbaycan Respublikası adından QƏRAR Ağsu rayonu İş № 3(016)-355/2025 11.12.2025 AĞSU RAYON MƏHKƏMƏSİ X10 Natiq oğlunun sədrliyi, Cəbrayılova Könül Alov qızının katibliyi, İnzibati xəta haqqında protokol tərtib edən şəxs – Ağsu rayon İcra və Probasiya Şöbəsinin icra məmuru X4, X1, Barəsində inzibati xəta haqqında iş üzrə icraat aparılan şəxs – Şəxs iştirakları ilə, xx.xx.1983-cü ildə Ağsu rayonunda anadan olan, Azərbaycan Respublikası vətəndaşı, orta təhsilli, işsiz, evli, Ağsu rayonu, Gəgəli kəndində qeydiyyatda olan və yaşayan, Şəxs Azərbaycan Respublikasının İnzibati Xətalar Məcəlləsinin (bundan sonra İXM) 528.1-ci maddəsi ilə inzibati məsuliyyətə cəlb edilməsinə dair Ağsu rayon İcra və Probasiya şöbəsindən daxil olmuş inzibati xəta haqqında protokola və ona əlavə edilmiş materiala audio və video yazı aparılmaqla baxaraq, məhkəmə MÜƏYYƏN ETDİ: Balakən Rayon Məhkəməsinin xx.xx.2022-ci il tarixli, 2(019)-334/2022 saylı icra vərəqinə əsasən Şəxs hər ay 2 uşağın saxlanılması üçün 300 manat məbləğində aliment alınaraq tələbkar X3 ödənilməlidir. Bundan əlavə, Balakən Rayon Məhkəməsinin 8(019)- 80/2025 saylı, xx.xx.2025-ci il tarixli icra sənədinə əsasən, Şəxs hər ay hər uşaq üçün ölkə üzrə müəyyən olunmuş minimum əmək haqqının 0,5 misli həddində aliment indeksasiya edilmişdir. Tələbkarın bu günə 7067 manat borcu yaranmışdır. Həmin qətnamə və qərardad üzrə xx.xx.2022-ci il tarixdə və xx.xx.2025-ci il tarixdə Ağsu rayon icra və probasiya şöbəsi tərəfindən icraata başlamaq haqqında qərarlar qəbul edilmişdir. Kərimov X5 Rayon Məhkəməsinin xx.xx.2022-ci il tarixli, 2(019)-334/2022 saylı və Balakən Rayon Məhkəməsinin 8(019)-80/2025 saylı, xx.xx.2025-ci il tarixli icra sənədlərinin icrası ilə əlaqədar icra məmurunun qanuni tələblərini yerinə yetirməyərək icra sənədini üzrsüz səbəbdən icra etməmişdir. Hazırda borclunun tələbkara 7067 manat borcu yaranmışdır. Bu barədə Ağsu rayon İcra və Probasiya Şöbəsinin icra məmuru X8 tərəfindən 03 dekabr 2025-ci il tarixdə MN seriyalı, ******* saylı inzibati xəta haqqında protokol tərtib edilmişdir. Məhkəmə iclasında Ağsu rayon İcra və Probasiya Şöbəsinin icra məmuru X8 izahat verərək göstərdi ki, Balakən Rayon Məhkəməsinin xx.xx.2022-ci il tarixli, 2(019)-334/2022 saylı icra vərəqinə əsasən Şəxs hər ay 2 uşağın saxlanılması üçün 300 manat məbləğində aliment alınaraq tələbkar X3 ödənilməlidir. Bundan əlavə, Balakən Rayon Məhkəməsinin 8(019)-80/2025 saylı, xx.xx.2025-ci il tarixli icra sənədinə əsasən, Şəxs hər ay hər uşaq üçün ölkə üzrə müəyyən olunmuş minimum əmək haqqının 0,5 misli həddində aliment ödənilməsi barədə icra sənədlərii icraata daxil olmuşdur. İcraata başlamaq haqqında qərarlar qəbul edilmiş və borcun ödənilməsi üçün bildiriş və digər aidiyyəti sənədlər borcluya göndərilmişdir. Borclunun 7067 manat borcu yaranmışdır. Hazırda borcundan ödəniş etmir. Məhkəmə qətnaməsini icra etmədiyinə görə barəsində Azərbayca Respublikası İXM-nin 528.1-ci maddəsində nəzərdə tutulmuş tədbir görülməsini məhkəmənin mülahizəsinə buraxır. Məhkəmə iclasında barəsində inzibati xəta haqqında iş üzrə icraat aparılan Şəxs izahat verərək göstərdi ki, ödəniş qəbzlərini təqdim edərək mütəmadi olaraq ödənişlər etdiyini bildirmişdir. Lakin bəzən telefondan telefona ödənişlər etdiyi üçün qəbzi yoxdur. Yəni heç vaxt ödənişlər etməyib fikri ilə razı deyildir. Buna görə iş üzrə icraata xitam verilməsini xahiş etmişdir. Məhkəmə iclasında X6 Əli qızı izahat verərək bildirmişdir ki, borclu ödənişləri etmir, 2024-cü ilin sentyabr ayında 4000 manat borcu ona güzəştə gedərək sildirmişdir. Qalan borcunu isə ödəməmiş və alimenti də vaxtında ödəmir. 5-6 ay ümumiyyətlə ödəniş etməyib, avqust-sentyabr aylarında 100 manat, 150 manat, bəzən də 200 manat ödənişlər etmişdir. Borclu barəsində yüngül cəza verilməsini xahiş etmişdir. Məhkəmə proses iştirakçılarının izahatlarını dinləyib, inzibati xəta haqqında protokolu və digər iş materiallarını nəzərdən keçirərək hesab edir ki, Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə başlanmış inzibati xəta haqqında iş üzrə icraata xitam verilməlidir. İş materiallarında olan və məhkəmə iclasında tədqiq edilmiş: - Balakən Rayon Məhkəməsinin xx.xx.2022-ci il tarixli, 2(019)-334/2022 saylı icra vərəqinə əsasən Şəxs hər ay 2 uşağın saxlanılması üçün 300 manat məbləğində aliment alınaraq X1 xeyrinə ödənilməlidir. - Balakən Rayon Məhkəməsinin 8(019)-80/2025 saylı, xx.xx.2025-ci il tarixli icra sənədinə əsasən, Şəxs hər ay hər uşaq üçün ölkə üzrə müəyyən olunmuş minimum əmək haqqının 0,5 misli həddində aliment indeksasiya edilmişdir. - Həmin qətnamə və qərardad üzrə xx.xx.2022-ci il tarixdə və xx.xx.2025-ci il tarixdə Ağsu rayon icra və probasiya şöbəsi tərəfindən icraata başlamaq haqqında qərarlar qəbul edilmişdir. - Ağsu Rayon İcra və Probasiya Şöbəsinin xx.xx.2022-ci il tarixli və xx.xx.2025-ci il tarixli bildirişlərdən görünür ki, borclu tərəfindən icra sənədi könüllü icra edilmədiyindən Ağsu Rayon İcra və Probasiya Şöbəsinə gəlməsi tələb olunmuş, əks təqdirdə qanunvericiliklə nəzərdə tutulmuş qaydada məcburi gətirilməsi barədə təqdimatla məhkəməyə müraciət olunacağı, həmçinin inzibati və cinayət məsuliyyətinə cəlb olunacağı barədə tədbirlər həyata keçiriləcəyi barədə xəbərdar olunmuşdur. - 04.08.2025-ci il tarixli, qəbzin surətindən görünür ki, Şəxs tərəfindən 100 manat, xx.xx.2025-ci il tarixli, qəbzin surətindən görünür ki, Şəxs tərəfindən 100 manat, xx.xx.2025-ci il tarixli, qəbzin surətindən görünür ki, Şəxs tərəfindən 20 manat, xx.xx.2025ci il tarixli, qəbzin surətindən görünür ki, Şəxs tərəfindən 100 manat və xx.xx.2025-ci il tarixli, qəbzin surətindən görünür ki, Şəxs tərəfindən 100 manat ödəniş edilmişdir. Göründüyü kimi məhkəmə iclasında iş materialları ilə müəyyən olunmuşdur ki, Şəxs hər ay 2 uşağın saxlanılması üçün 300 manat məbləğində aliment alınaraq tələbkar X3 verilməsinə və bundan əlavə, Balakən Rayon Məhkəməsinin 8(019)-80/2025 saylı, xx.xx.2025-ci il tarixli icra sənədinə əsasən, Şəxs hər ay hər uşaq üçün ölkə üzrə müəyyən olunmuş minimum əmək haqqının 0,5 misli həddində aliment alınaraq tələbkar X3 verilməsinə dair qətnamə və qərardad qəbul edilmiş və icra olunması üçün icraya yönəldilmiş, borc olduğu üçün inzibati xəta haqqında protokol tərtib edilərək baxılması üçün məhkəməyə təqdim edilmişdir. Məhkəmə icra məmurunun və barəsində inzibati xəta haqqında iş üzrə icraat aparılan şəxsin izahatlarını dinləyib, iş materiallarını araşdıraraq hesab edir ki, Şəxs əməlində İXM-in 528.1-ci maddəsində nəzərdə tutulmuş inzibati xətanın tərkibi olmadığı üçün, bu maddə ilə onun barəsində başlanmış inzibati xəta haqqında iş üzrə icraata xitam verilməlidir. İXM-in 528.1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. İXM-in 3-cü maddəsinə görə, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 12.1-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan normaların tələbindən görünür ki, İXM-in 528.1-ci maddəsi ilə inzibati məsuliyyətin yaranması üçün inzibati xəta tərkibinin obyektiv tərəfinin vacib elementi kimi şəxsin hərəkətinin icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə yönəlməsi və subyektiv tərəfinin elementi kimi şəxsin əməlinin hüquqa zidd xarakterini dərk etməsi, onun nəticələrini qabaqcadan görməsi və həmin nəticələri arzu etməsi, yəni şəxsin etdiyi hərəkətləri qəsdən törətməsi zəruri şərtlər kimi müəyyən edilmişdir. İş materiallarından göründüyü kimi, barəsində inzibati xəta haqqında iş üzrə icraat aparılan Şəxs icra sənədini icra etməkdən imtina etməmiş, icrasına maneələr yaratmamış, bununla bağlı hər hansı bir sübut təqdim olunmamış, əksinə olaraq o mütəmadi ödənişlər həyata keçirmiş, hazırki dövrdə qalıq borcun nə qədər olmasını isə müəyyən etmək mümkün olmamışdır. İXM-in 8-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir (8.1). İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir (8.2). İXM-in 53.1.2-ci maddəsinə əsasən, inzibati xəta tərkibi olmadıqda, inzibati xəta haqqında başlanmış icraata xitam verilir. İXM-in 105.1-ci maddəsinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə hesab edir ki, Şəxs əməlində inzibati xəta tərkibi olmadığı üçün inzibati xəta haqqında iş üzrə icraata xitam verilməlidir. Yuxarıda göstərilənlərə və İXM-in 40, 43, 47-51, 114, 128-130-cu maddələrinə əsasən QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair inzibati xəta haqqında iş üzrə icraata inzibati xəta tərkibi olmadığından xitam verilsin. Qərarın surəti təqdim edildiyi və ya alındığı gündən 10 gün müddətində Azərbaycan Respublikası Şəki Apellyasiya Məhkəməsinə şikayət verilə bilər. Sədrlik edən Babək Qasımov