Ağsu Rayon Məhkəməsi Qərar — İş №3(016)-8/2024

Azərbaycan Respublikası adından QƏRAR Ağsu rayonu İş № 3(016)-8/2024 09.01.2024 AĞSU RAYON MƏHKƏMƏSİ Hakim Əsgərov Anar Əlifağa oğlunun sədrliyi, Xalıqov Cavanşir Fayıq oğlunun katibliyi, İnzibati xəta haqqında protokol tərtib etmiş şəxs X1, Zərərçəkmiş şəxs, Barəsində inzibati xəta haqqında iş üzrə icraat aparılan Şəxs iştirakları ilə, xx.xx.1985-ci ildə Ağsu şəhərində anadan olan Azərbaycan Respublikasının vətəndaşı, orta təhsilli, işliyən, subay, ünvan 1 ünvanında qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin (bundan sonra mətndə - İXM) 528.1-ci maddəsi ilə inzibati məsuliyyətə cəlb edilməsinə dair Ağsu rayon İcra və Probasiya Şöbəsindən daxil olmuş inzibati xəta haqqında protokola və ona əlavə edilmiş materiallara baxaraq, məhkəmə MÜƏYYƏN ETDİ: Şəxs Şamaxı Rayon Məhkəməsinin 2(016)-265/2019 nömrəli, xx.xx.2019-cu il tarixli və 2(016)-81/2023 nömrəli, xx.xx.2023-cü il tarixli icra sənədlərinin icrası ilə əlaqədar icra məmurunun qanuni tələblərini yerinə yetirməyərək icra sənədlərini üzrsüz səbəbdən icra etməmişdir. Ağsu rayon İcra və Probasiya Şöbəsinin icra məmuru X3 məhkəmə iclasında verdiyi izahatında bildirdi ki, Şəxs Şamaxı Rayon Məhkəməsinin 2(016)-265/2019 nömrəli, xx.xx.2019-cu il tarixli icra sənədinə əsasən iki uşağın yetkinlik yaşlarına çatana kimi saxlanmaları üçün hər ay hər uşaq üçün 90 manat olmaqla, cəmi 180 manat məbləğində alimentin alınaraq Zərərçəkmiş şəxs verilməsi ilə bağlı icra sənədi icraata daxil olmuş, daha sonra Zərərçəkmiş şəxs alimentin artırılması tələbi ilə məhkəməyə müraciət etmiş və Şamaxı Rayon Məhkəməsinin 2(016)-81/2023 nömrəli, xx.xx.2023-cü il tarixli icra sənədinə əsasən iki uşağın yetkinlik yaşlarına çatana kimi saxlanmaları üçün hər ay hər uşaq üçün 140 manat olmaqla, cəmi 280 manat məbləğində alimentin alınaraq Zərərçəkmiş şəxs verilməsi barədə icra sənədləri icraata daxil olmuşdur. İcra sənədi 13 iyul 20223-cü ildə icraata daxil olmuşdur. İcraata başlamaq haqqında qərar qəbul edilmiş və borcun ödənilməsi üçün bildiriş və digər aidiyyəti sənədlər borcluya göndərilmişdir. Yaranmış borcun ödənilməsi məqsədi ilə borclunun adına əmlakının olub-olmaması barədə aidiyyəti təşkilatlara sorğu ilə müraciət edilmiş və borclunun adına borcun yönəldilə biləcəyi əmlak aşkar edilməmişdir. Borclu öhdəliyi icra etmədiyi üçün Ağsu Rayon Məhkəməsinin qərarı ilə inzibati qaydada həbs olunmuşdur. Daha sonra borclu məşğulluq mərkəzinə müraciət etmiş, “X2 Sistemləri Servisi” MMC-də işlə təmin olunmuş, borcu əməkhaqqına yönəldilmişdir. Hal-hazırda borclunun 3.530 manat borcu vardır. Vətəndaş əvvəl 340 manat maaş alsa da yanvar ayında sistemdə yoxlayan zaman əməkhaqqısının 440 manat olması müəyyən edilmişdir. Borclu dəfələrlə şöbəyə çağırılmış, izahatı alınmışdır. Barəsində İXM-in 528.1-ci maddəsində nəzərdə tutulmuş tədbir görülməsini xahiş etdi. Barəsində inzibati xəta haqqında iş üzrə icraat aparılan Şəxs məhkəmə iclasında izahat verərək bildirdi ki, o, Şamaxı Rayon Məhkəməsinin 2(016)-81/2023 nömrəli, xx.xx.2023-cü il tarixli icra sənədinə əsasən iki uşağın yetkinlik yaşlarına çatana kimi saxlanmaları üçün hər ay hər uşaq üçün 140 manat olmaqla, cəmi 280 manat məbləğində alimenti Zərərçəkmiş şəxs ödəməlidir. 340 manat əməkhaqqı alır. İmkanı olmadığı üçün ödəniş edə bilmir. Alimenti ödəyir, lakin borcu ödəməyə imkanı çatmır. Əməkhaqqısı artanda borcunu ödəyəcək. Barəsində inzibati tənbeh tədbirinin tətbiq edilməməsini xahiş etdi. Məhkəmə iclasında Zərərçəkmiş şəxs izahat verərək göstərdi ki, Şəxs Şamaxı Rayon Məhkəməsinin 2(016)-81/2023 nömrəli, xx.xx.2023-cü il tarixli icra sənədinə əsasən iki uşağın yetkinlik yaşlarına çatana kimi saxlanmaları üçün hər ay hər uşaq üçün 140 manat olmaqla, cəmi 280 manat məbləğində aliment alınaraq ona verilməlidir. Halhazırda borclunun 3.000 manatdan yuxarı borcu var, ödəniş etmir. Alimentin miqdarı onu qane etmir, ödənilməli olan məbləğ bir uşağın saxılanması üçün yetərlidir. Uşağın iynədərmanına 70 manat pul vermişdir. Şəxs tərəfindən ödəniş ödənilmir. Borcun ödənilməsini tələb edir. Barəsində İXM-in 528.1-ci maddəsində nəzərdə tutulmuş tədbir görülməsini xahiş etdi. Məhkəmə icra məmurunun, zərərçəkmiş şəxsin və barəsində inzibati xəta haqqında iş üzrə icraat aparılan şəxsin izahatını dinləyib, iş materiallarını araşdıraraq hesab edir ki, Şəxs əməlində İXM-in 528.1-ci maddəsində nəzərdə tutulmuş inzibati xətanın tərkibi olmadığı üçün, bu maddə ilə onun barəsində başlanmış inzibati xəta haqqında iş üzrə icraata xitam verilməlidir. İXM-in 528.1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə inzibati məsuliyyət nəzərdə tutulmuşdur. İXM-in 3-cü maddəsinə görə, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-in 12.1-ci maddəsinə əsasən, bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan normaların tələbindən görünür ki, İXM-in 528.1-ci maddəsi ilə inzibati məsuliyyətin yaranması üçün inzibati xəta tərkibinin obyektiv tərəfinin vacib elementi kimi şəxsin hərəkətinin icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə yönəlməsi və subyektiv tərəfinin elementi kimi şəxsin əməlinin hüquqa zidd xarakterini dərk etməsi, onun nəticələrini qabaqcadan görməsi və həmin nəticələri arzu etməsi, yəni şəxsin etdiyi hərəkətləri qəsdən törətməsi zəruri şərtlər kimi müəyyən edilmişdir. Məhkəmə iclasında müəyyən edilmişdir ki, barəsində inzibati xəta haqqında iş üzrə icraat aparılan Şəxs icra sənədini icra etməkdən imtina etməmiş, icrasına maneələr yaratmamış və bununla bağlı hər hansı bir sübut təqdim olunmamış, aliment hər ay onun əmək haqqından tutularaq tələbkara ödənilir. İXM-in 8-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir (8.1). İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir (8.2). İXM-in 53.1.2-ci maddəsinə əsasən, inzibati xəta tərkibi olmadıqda, inzibati xəta haqqında başlanmış icraata xitam verilir. İXM-in 105.1-ci maddəsinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Beləliklə, məhkəmə hesab edir ki, Şəxs əməlində inzibati xəta tərkibi olmadığı üçün inzibati xəta haqqında iş üzrə icraata xitam verilməlidir. Yuxarıda göstərilənlərə və İXM-in 40, 43, 47-51, 114, 128-130-cu maddələrinə əsasən, məhkəmə QƏRARA ALDİ: Şəxs barəsində İXM-in 528.1-ci maddəsi ilə inzibati məsuliyyətə cəlb edilməsinə dair inzibati xəta haqqında iş üzrə icraata inzibati xəta tərkibi olmadığından xitam verilsin. Qərarın surəti rəsmi qaydada təqdim edildiyi gündən 10 (on) gün müddətində Şəki Apellyasiya Məhkəməsinə şikayət verilə bilər. Sədrlik edən Anar Əsgərov