Ağcabədi Rayon Məhkəməsi Qərar — İş №3(017)-145/2023

Azərbaycan Respublikası adından QƏRAR Ağcabədi rayonu İş № 3(017)-145/2023 23.02.2023 AĞCABƏDİ RAYON MƏHKƏMƏSİ Mən, Ağcabədi Rayon Məhkəməsinin hakimi Ləzimov Sulduz Paşa oğlu Paşayev Şamxal Yəhya oğlunun katibliyi, barəsində inzibati xəta haqqında iş üzrə icraat aparılan şəxs Şəxs və zərərçəkmiş şəxs X1 iştirakları ilə xx xxxxxx 1962-ci il tarixdə Ağcabədi rayonu Kəbirli kəndində anadan olmuş, Azərbaycan Respublikası vətəndaşı, orta təhsilli, ailəli, Ağcabədi rayonu, Kəbirli kənd icra nümayəndəsi, Ağcabədi rayonu, Kəbirli kəndində qeydiyyatda olnmaqla yaşayan Şəxs haqqında Azərbaycan Respublikası İXM-nin 157-ci maddəsi ilə Ağcabədi RPŞ-dən daxil olmuş inzibati xətaya dair materiala baxaraq, m ü ə y y ə n e t d i m: Şəxs 31 oktyabr 2022-ci il tarixdə saat 19 radələrində Ağcabədi rayonu, Kəbirli kəndində yaşayan həmkəndlisi X2 şəxsi mübahisə zamanı döyərək ona dərəcəsi təyin edilməyən bədən xəsarəti yetirmişdir. Bununla da onun barəsində Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xəta haqqında protokol tərtib edilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasında izahat verərək bildirdi ki, o, elan edilmiş ittihamla özünü təqsirli bilmir, X2 döyməmişdir. Şəxs onun həmkəndlisidir. Avdilov Şamil 31 oktyabr 2022-ci il tarixdə ona zəng edib harada olduğunu soruşmuş, o da Şamilə icra nümayəndəliyinin qarşısında olduğunu demişdir. Şamil atası Əkbər kişi ilə birlikdə onun yanına gəlmiş, Şamil onu söyərək ona əl qol atmış, o Şamilin əlindən tutmuşdur. Hadisə yerində heç kim olmamışdır. Mübahisə zamanı Şamil onun ayağına təpiklə vurmuş, o da Şamilə iki-üç sillə vurmuşdur. Ondan sonra aralanıb çıxıb getmişdir. Hazırda Şamillə barışmamışdır. Odur ki, göstərilən xüsusatların nəzərə alınmasını və ona yüngül cəza verilməsini xahiş etdi. İş üzrə zərərçəkmiş şəxs X3 izahat verərək bildirdi ki, Şəxs onun həmkəndlisidir. O, 04 ədəd yem kalotunu Mürvətə vermiş və nə vaxt istəsə qaytarmasını demiş, iki ay sonra Mürvətdən yem kalotunu istəmiş, o isə qaytarmamışdır. 31 oktyabr 2022-ci il tarixdə yenə Mürvətdən kalotu istəmiş ki, o da onu icra nümayəndəliyinin qarşısına çağırmış, nümayəndəliyin qarşısına gedib mürvətlə görüşüb Mürvətdən kalotları istəmiş, o kalotları verməmişdir. Bundan sonra aralarında mübahisə yaranmış, mübahsə zamanı Mürvət və oğlu onu maşına mindirib fermaya aparmaq istəmiş, sonra Mürvətin oğlu Nəriman onun yanına gəlib sinəsinə bir təpik vurmuş, o qohumlarına zəng etmək istəmiş, Mürvət həmin vaxt avtomobildə gəzdirdiyi ağacla onun kürək nahiyəsinə vurmuşdur. Bundan sonra kənd camaatı onları aralaşdırmışdır. Hazırda Mürvətlə barışmamışdır. Ona görə də Mürvətin barəsində ağır cəza verilməsini xahiş etdi. Məhkəmə iclasında şahid Məlahət Avdilova izahat verərək bildirdi ki, X4 oğludur. 31 oktyabr 2022-ci il tarixdə saat 20 radələrində oğlu Şamil ilə Mürvət arasında mübahisə yaranmışdır. Oğlu Şamil onu və atası Əkbəri dəfələrlə vuraraq onlara müxtəif bədən xəsarətləri yetirmişdir. Odur ki, göstərilənlərin nəzərə alınmasını xahiş etdi. İş materiallarına əlavə olunmuş 18 noyabr 2022-ci il tarixli cinayət işinin başlanmasının rədd edilməsi haqqında qərardan görünür ki, canlı şəxsin ekspertizasına dair məhkəm-tibbi ekspertinin 848 saylı rəyində göstərilmişdir ki, Şəxs bədəni üzərində olan xəsarətlər-sol əlin dördüncü barmağında səthi əzilmiş yara – küt əşyanın təsirindən törəmişdir, kənar şəxs tərəfindən əllə vurulma nəticəsində əmələ gələ bilərdi, yetirilmə müddəti xx.xx.2022-ci il tarixə uyğun gəlir və sağlamlığa zərər vurmadığından dərəcəsi təyin edilməyən xəsarətlərə aiddir. İş materiallarına əlavə olunmuş 18 noyabr 2022-ci il tarixli cinayət işinin başlanmasının rədd edilməsi haqqında qərardan görünür ki, Ağcabədi RPŞ-si TBnin təhqiqatçısı Şəxs əməlində cinayət tərkibi olmadığından barəsində Azərbaycan Respublikası İnzibati Xətalar Məcəlləsinin 157-ci maddəsi ilə inzibati qaydada tədbir görülməsi üçün qəbul edilmiş qərarın surəti Ağcabədi RPŞ-si İTB-ə göndərilmişdir. Həmin qərara əsasən Ağcabədi RPŞ-nin İTB-nin sahə rəisi Cavid Bəhramlı Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə inzibati xəta haqqında protokol tərtib edərək baxılması üçün Ağcabədi Rayon Məhkəməsinə göndərmişdir. Məhkəmə inzibati xəta törədən şəxs, zərərçəkmiş şəxsin və şahidin izahatını, habelə iş materiallarını nəzərdən keçirərək, bu qənaətə gəlir ki, Şəxs barəsində inzibati tənbeh tətbiq edilməlidir. Azərbaycan Respublikası İnzibati Xətalar Məcəlləsinin 4-cü maddəsinə əsasən, ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 22-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək məqsədi daşıyır. Həmin Məcəllənin 32.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 30.1-ci maddəsinə əsasən, inzibati həbs, yalnız müstəsna hallarda tətbiq edilməlidir. Barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən onun şəxsiyyətini, təqsirinin dərəcəsini, əmlak vəziyyətini nəzərə alıb, ona istinad edilən maddənin sanksiyasında nəzərdə tutulmuş həddə inzibati cərimə tənbehinin təyin edilməsini məqsədə müvafiq hesab edirəm. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, q ə r a r a a l d ı m: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinib, 300 (üç yüz) manat məbləğində inzibati cərimə tənbehi tətbiq edilsin. Qərarın surəti təqdim edildiyi və ya alındığı gündən 10 gün müddətində Şirvan Apellyasiya Məhkəməsinə şikayət və protest verilə bilər. Hakim: Sulduz Ləzimov