Ağcabədi Rayon Məhkəməsi Qərar — İş №3(017)-247/2025

Azərbaycan Respublikası adından QƏRAR Ağcabədi rayonu İş № 3(017)-247/2025 13.05.2025 AĞCABƏDİ RAYON MƏHKƏMƏSİ Mən, hakim Ləzimov Sulduz Paşa oğlu, Məhkəmə iclasının katibi Muradov Malik Maarif oğlunun katibliyi, tələbkar şəxs Zərərçəkmiş şəxs1 və barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1992-ci il tarixdə Ağcabədi rayonu Hacıbədəlli kəndində anadan olmuş, Azərbaycan Respublikası vətəndaşı, orta təhsilli, ailəli, fərdi qaydada qaynaqçı fəaliyyəti ilə məşğul olan, Ağcabədi rayonu, Hacıbədəlli kəndində yaşayan Şəxs haqqında Azərbaycan Respublikası İnzibati Xətalar Məcəlləsinin 528.1-ci maddəsi ilə Ağcabədi rayon İcra və Probasiya Şöbəsindən daxil olmuş inzibati xəta haqqında materiala baxaraq müəyyən etdi: İcra sənədi üzrə Həsənli X1 Rayon Məhkəməsinin 2(017)-424/2025 saylı, xx.xx.2025-ci il tarixli və Ağcabədi Rayon Məhkəməsinin 2(017)-92/2025 saylı, xx.xx.2025ci il tarixli məhkəmə qətnamələrinin icrası ilə əlaqədar icra məmurunun qanuni tələbini yerinə yetirməmişdir. Bununla o, Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, o, barəsində çıxarılmış məhkəmə qətnamələrinə hörmətlə yanaşır. Ağcabədi Rayon Məhkəməsinin 2(017)-424/2025 saylı, xx.xx.2025-ci il tarixli qətnaməsinə əsasən ondan 11123(on bir min yüz iyirmi üç) manat məbləğində pul vəsaiti tutularaq Zərərçəkmiş şəxs2 xeyrinə ödənilməsi qət edilmişdir. O, Zərərçəkmiş şəxs2 olan borcundan 5900 manat ödəmişdir. Ağcabədi Rayon Məhkəməsinin 2(017)-92/2025 saylı, xx.xx.2025-ci il tarixli qətnaməsinə əsasən ondan 1918(bir min doqquz yüz on səkkiz) manat məbləğində pul vəsaiti tutularaq Zərərçəkmiş şəxs1 xeyrinə ödənilməsi qət edilmişdir. O, 1918 manat olan borcundan heç bir ödəniş etməmişdir. Odur ki, ona yüngül cəza verilməsini xahiş etdi. Məhkəmə iclasında tələbkar şəxs Zərərçəkmiş şəxs1 izahat verərək bildirdi ki, Ağcabədi Rayon Məhkəməsinin 2(017)-92/2025 saylı, xx.xx.2025-ci il tarixli icra sənədi üzrə Şəxs 1918 manat məbləğində pul vəsaiti tutularaq onun xeyrinə ödənilməsi qət edilmişdir. Bu günədək Şəxs ona heç bir ödəniş etməmiş və 1918 manat pulu ödəməkdən boyun qaçırır. Odur ki qanuni qərar verilməsini xahiş etdi. Barəsində inzibati xəta haqqında iş üzrə icraat aparılan şəxs Şəxs bu xətanı törətməkdə təqsiri özünün etirafı, eləcədə tələbkar şəxsin ifadəsi, habelə inzibati xəta haqqında tərtib edilmiş protokol və işin digər materialları ilə tam sübuta yetirilmişdir. Azərbaycan Respublikası İnzibati Xətalar Məcəlləsinin 4-cü maddəsinə əsasən, ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 22-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək məqsədi daşıyır. Həmin Məcəllənin 32.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən onun şəxsiyyətini, təqsirinin dərəcəsini, xətanın xarakterini, əmlak və maddi vəziyyətini nəzərə alıb, ona istinad edilən maddənin sanksiyasında nəzərdə tutulmuş inzibati həbs tənbehinin tətbiq edilməsini məqsədə müvafiq hesab edirəm. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, qəraraaldı: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib, barəsində 10 (on) gün müddətinə inzibati həbs tənbehi tətbiq edilsin. İnzibati həbs müddətinin əvvəli 13 may 2025-ci il tarixdən saat 12:00-dan hesablansın. Qərarın surəti təqdim edildiyi və ya alındığı gündən 10 gün müddətində Şirvan Apellyasiya məhkəməsinə şikayət və protest verilə bilər. Hakim: Sulduz Ləzimov