Ağcabədi Rayon Məhkəməsi Qərar — İş №3(017)-376/2024

Azərbaycan Respublikası adından QƏRAR Ağcabədi rayonu İş № 3(017)-376/2024 09.07.2024 AĞCABƏDİ RAYON MƏHKƏMƏSİ Mən, hakim Ləzimov Sulduz Paşa oğlu, məhkəmə iclasının katibi Muradov Malik Maarif oğlunun katibliyi, inzibati xəta törədən şəxs Şəxs və zərərçəkmiş şəxs X1 iştirakı ilə, xx.xx.1999-cu il tarixdə anadan olmuş, Azərbaycan Respublikası vətəndaşı, orta təhsilli, ailəli, fərdi əməklə məşğul olan, Ağcabədi rayonu, Sarıcalı kəndində qeydiyyatda olmaqla yaşayan Şəxs haqqında Azərbaycan Respublikası İXM-nin 510 və 535.1-ci maddəsində nəzərdə tutulmuş Ağcabədi rayon Polis Şöbəsindən daxil olmuş inzibati xəta haqqında protokola və ona əlavə edilmiş materiala baxaraq m ü ə y y ə n e t d i m: Şəxs 05 iyul 2024-cü il tarixdə, saat 23 radələrində Ağcabədi rayonu Sarıcalı kəndində ucadan nalayiq ifadələr işlədərk ictimai qaydanı pozmuş və polisin qanuni tələbinə qəsdən tabe olmamışdır. Bununla Şəxs Azərbaycan Respublikası İXM-nin 510 və 535.1-ci maddəsində nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs Şəxs məhkəməyə verdiyi izahatında göstərdi ki, o, həyat yoldaşı X2 ilə aralarında münaqişə yarandığı üçün Pərvin atası evində yaşayır. O, Pərvinə əşyalarını vermək üçün oraya getmiş, lakin Pərvinin onu görmək istəmədiyi üçün əsəbləşərək ucadan səs-küy salmış və əlində apardığı özlərinin birlikdə olan şəkillərini yandırmışdır. Hazırda törətdiyi əməldən peşmandır. Odur ki, məhkəmədən ona yüngül cəza verilməsini xahiş etdi. Məhkəmə iclasında zərərçəmiş qismində dindirilən X2 izahat verərək bildirdi ki, o, həyat yoldaşı Şəxs ayrı atası evində yaşayır. Rabil xx.xx.2024-cü il tarixdə saat 23 radələrində evin yaxınlığında ona aid əşyaları gətirib yandıraraq ucadan səs-küy salaraq nalayiq ifadələr işlətmiş və əgər ondan boşanarsa onu öldürəcəyi ilə hədə-qorxu gəlmişdir. Oda 102 xidmətinə zəng edərək şikayət etmişdir. Sonra polis əməkdaşları gələrək Rabili oradan aparmışdır. Odur ki, məhkəmədən qanuni qərar verilməsini xahiş etdi. Məhkəmə iclasında şahid qismində dindirilən Ağcabədi RPŞ-nin İTB-nin sahənin polis nəfəri X3 izahat verərək bildirdi ki, xx.xx.2024-cü il tarixdə daxil olmuş şikayət əsasında Ağcabədi rayon Sarıcalı kəndi ərazisinə getmiş və orada Şəxs ucadan səs-küy salaraq nalayiq ifadələr işlədərək ictimai qaydanı pozduğunu görmüşdür. Bu zaman onu nizam-intizama dəvət etsələrdə, Şəxs onların qanuni tələbinə qəsdən tabe olmamış və öz hərəkətlərinə davam etmişdir. Barəsində inzibati xəta haqqında iş üzrə icraat aparılan şəxsin izahatını, zərərçəkmiş şəxsin ifadəsini, iş materiallarını tədqiq edib işdəki sübutlara hüquqi qiymət verərək hesab edirəm ki, Şəxs Azərbaycan Respublikası İXM-nin 510 və 535.1-ci maddələrində nəzərdə tutulmuş inzibati xətaları törətməsində təqsirli olması sübuta yetirilir, ona görə də Şəxs əməlləri İXM-nin həmin maddələri ilə düzgün tövsif edilmişdir. Lakin Şəxs Azərbaycan Respublikası İXM-nin 510 və 535.1-ci maddələrinin sanksiyası daxilində inzibati qaydada tənbeh edilməlidir. Azərbaycan Respublikası İXM-nin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Azərbaycan Respublikası İXM-nin 34.3-cü maddəsinin tələbinə görə bir şəxsin törətdiyi bir neçə inzibati xətaya dair işlərə eyni vaxtda eyni orqan tərəfindən baxıldıqda, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Azərbaycan Respublikası İXM-nin 535.1-ci maddəsində nəzərdə tutulmuş inzibati xəta İXM-nin 510-cu maddəsində nəzərdə tutulmuş inzibati xətadan daha ciddidir. Belə ki, İXM-nin 535.1-ci maddəsində iki yüz manat və bir ayadək inzibati həbs tənbehi nəzərdə tutulduğu halda, İXM-nin 510-cu maddəsində 50 manatdan 100 manatadək cərimə və 15 günədək inzibati həbs tənbehi nəzərdə tutulmuşdur. AR İXM-nin 33.1.1-ci maddəsində göstərilir ki səlahiyyətli şəxslərin huquqa zidd hərəkəti dayandırmağı tələb etdiklərinə baxmayaraq, bu hərəkətin davam etdirilməsi məsuliyyəti ağırlaşdıran hallar kimi nəzərə alınır. İş materiallarında olan xx.xx.2024-cü il tarixli inzibati qaydad tutma haqqında protokoldan görünür ki, Şəxs xx.xx.2024-cü il tarixdə saat 20:10 dəqiqədə inzibati qaydada tutulmuşdur. İnzibati tənbeh tətbiq edərkən inzibati xətanın xarakterini, Şəxs şəxsiyyətini, inzibati xətaya görə onun məsuliyyətini yüngülləşdirən və ağırlaşdıran halları nəzərə alıram. Hesab edirəm ki, Şəxs barəsində daha ciddi xətaya görə inzibati həbs tətbiq edilməklə inzibati tənbehin məqsədlərinə nail olmaq olar. Göstərilənlərə əsasən və Azərbaycan Respublikası İXM-nin 40, 43, 48-51, 114, 128- 130-cu maddələrini rəhbər tutaraq q ə r a r a a l d ı m: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələri ilə təqsirli bilinib, Azərbaycan Respublikası İXM-nin 34.3-cü maddəsi tətbiq edilməklə İXM-nin 535.1-ci maddəsi ilə barəsində səkkiz gün müddətinə inzibati həbs tənbehi tətbiq edilsin. İnzibati həbs etmənin əvvəli 08 iyul 2024-cü il tarixdən, saat 20:10-dan hesablansın. Qərarın icrası Ağcabədi rayon polis şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində qərardan Ağcabədi Rayon Məhkəməsi vasitəsilə Şirvan Apellyasiya Məhkəməsinə şikayət və protest verilə bilər. Hakim: Sulduz Ləzimov