Ağcabədi Rayon Məhkəməsi Qərar — İş №3(017)-784/2024

Azərbaycan Respublikası adından QƏRAR Ağcabədi rayonu İş № 3(017)-784/2024 28.12.2024 AĞCABƏDİ RAYON MƏHKƏMƏSİ Ağcabədi Rayon Məhkəməsinin hakimi Ləzimov Sulduz Paşa oğlunun sədrliyi, Paşayev Şamxal Yəhya oğlunun katibliyi ilə, xx.xx.1973-cü il tarixdə Ağcabədi rayonunda anadan olmuş, Ağcabədi rayonunun Hüsülü kəndində qeydiyyatda olmaqla yaşayan Şəxs Ağcabədi Rayon Məhkəməsinin 3(017)-784/2024 nömrəli, 16 dekabr 2024-cü il tarixli qərarına Azərbaycan Respublikasının İXM-nin 152.5-ci maddəsinə əsasən xitam verilməsinə dair vəsatətini nəzərdən keçirərək, MÜƏYYƏNETDİ: İş materiallarından görünür ki, Şəxs yol hərəkəti qaydaları əleyhinə olan inzibati xətanı törətdiyinə görə inzibati cərimə növündə inzibati tənbeh tətbiq etmə haqqında qərarı qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra etməmişdir ki, buna görə də Şəxs barəsində Azərbaycan Respublikası İXM-nin 529.3-cü maddəsi ilə İXP ******* nömrəli inzibati protokol tərtib olunaraq inzibati tənbeh tətbiq olunmasından ötrü Ağcabədi Rayon Məhkəməsinə göndərilmişdir. Ağcabədi Rayon Məhkəməsinin 3(017)-784/2024 nömrəli, 16 dekabr 2024-cü saylı qərarı ilə Şəxs Azərbaycan Respublikası İXM-nin 529.3-cü maddəsi ilə maddəsi ilə təqsirli bilinərək, nəqliyyat vasitələrini idarə etmə hüququ 06 (altı) ay müddətinə məhdudlaşdırılmışdır. İnzibati xəta törətmiş şəxs Şəxs məhkəməyə vəsatət ilə müraciət edərək X1 tərəfindən onun barəsində tərtib edilmiş AP ******* nömrəli protokola əsasən ona təyin olunmuş cəriməni Daxili İşlər Nazirliyi BDYPİ-nin hesabına ödədiyindən Ağcabədi Rayon Məhkəməsinin 3(017)- 784/2024 nömrəli, 16 dekabr 2024-cü saylı qərarına xitam verilməsini xahiş etmişdir. Şəxs məhkəməyə təqdim etdiyi qəbzdən də görünür ki, o, barəsində tətbiq olunan cəriməni və ona hesablanmış dəbbə pulunu tamamilə ödəmişdir. Məhkəmə protokola əlavə edilmiş sənədləri və ödəniş qəbizini nəzərdən keçirərək hesab edir ki, Şəxs ona təyin olunmuş cəriməni və dəbbə pulunu ödədiyindən, Azərbaycan Respublikası İXM-nin 152.5-ci maddəsinə əsasən Ağcabədi Rayon Məhkəməsinin 3(017)- 784/2024 nömrəli, 16 dekabr 2024-cü saylı inzibati xəta haqqında iş üzrə barəsində tətbiq olunmuş nəqliyyat vəsitəsinin idarəetmə hüququnun məhdudlaşdırılması ilə bağlı qərarına xitam verilməlidir. Azərbaycan Respublikasının İXM-nin 152.5-ci maddəsinə görə, barəsində yol hərəkəti qaydaları əleyhinə olan inzibati xəta törətməyə görə inzibati cərimə növündə inzibati tənbeh tətbiq etmə haqqında qərarın icra edilməməsinə görə nəqliyyat vasitəsini idarə etmək hüququnun məhdudlaşdırılmasına dair qərar çxarılmış şəxs inzibati cəriməni və müvafiq olaraq hesablanmış dəbbə pulunu ödədikdə, bu qərara onu qəbul etmiş məhkəmə tərəfindən həmin şəxsin vəsatəti əsasında xitam verilir. Yuxarıda göstərilənlərə əsasən, Azərbaycan Respublikası İXM-nin 114, 115, 117, 128,130 və 152.5-ci maddələrini rəhbər tutaraq, QƏRARAALDİ: Vəsatət təmin edilsin. Şəxs yol hərəkəti qaydaları əleyhinə olan inzibati xətanın törədilməsinə görə ona təyin olunmuş cəriməni və dəbbə pulunu Daxili İşlər Nazirliyi BDYPİ-nin hesabına ödədiyindən İXP ******* nömrəli protokol əsasında qəbul edilmiş Ağcabədi Rayon Məhkəməsinin 3(017)- 784/2024 nömrəli, 16 dekabr 2024-cü saylı qərarına xitam verilsin. Qərar dərhal icra edilsin. Hakim Sulduz Ləzimov