Astara Rayon Məhkəməsi Qərar — İş №3(018)-1006/2023

Azərbaycan Respublikası adından QƏRAR Astara rayonu İş № 3(018)-1006/2023 22.11.2023 ASTARA RAYON MƏHKƏMƏSİ Astara rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclas katibi Paşabəyli Yusifkamal Elçin oğlunun katibliyi və barəsində inzibati xəta haqqında iş üzrə icraat aparılan Şəxs Mübariz oğlunun və zərərçəkmiş Zərərçəkmiş şəxs iştirakları ilə, xx xxxxxx 1994-cü ildə Şəmkir rayonu Mahmudlu kəndində doğulmuş, Azərbaycan Respublikasının vətəndaşı, orta təhsilli, evli, işləməyən, Şəmkir rayonu Mahmudlu kəndində qeydiyyatda olmaqla, həmin kənddə yaşayan Şəxs Mübariz oğlu haqqında Azərbaycan Respublikası İnzibati Xətalar Məcəlləsinin 227-ci maddəsi ilə Azərbaycan Respublikası Daxili İşlər Nazirliyi Astara rayon Polis şöbəsindən daxil olmuş inzibati xətaya dair materiala Astara Rayon Məhkəməsinin inzibati binasında baxaraq, məhkəmə MÜƏYYƏN ETDİ: Şəxs Mübariz oğlu 01 oktyabr 2023-cü il tarixdə saat 12:00 radələrində, Lalafo.az sayıtı vasitəsi ilə kənt təsərrüfatı maşınlarının ehtiyat hissələrini satmaq məqsədi ilə Astara rayonu, Ərcivan qəsəbə sakini zərərçəkmiş Zərərçəkmiş şəxs etibarından sui istifadə edərək, dələduzluq yolu ilə onun 215 manat pulunu ələ keçirtmiş, vəd verdiyi kənt təsərrüfatı maşınlarının ehtiyat hissələrini zərərçəkmiş Zərərçəkmiş şəxsn verməmişdir. Bu hərəkətləri ilə Şəxs Mübariz oğlu Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətmişdir. Buna görə də Astara rayon Polis şöbəsi tərəfindən Şəxs Mübariz oğlu barəsində Azərbaycan Respublikası İnzibati Xətalar Məcəlləsinin 227-ci maddəsi ilə inzibati xəta haqqında protokol tərtib olunaraq məhkəməyə təqdim edilmişdir. Məhkəmə iclası zamanı barəsində inzibati icraat aparılan Şəxs Mübariz oğlu vermiş olduğu izahatında göstərdi ki, Şəmkir rayonu Mahmudlu kəndində yaşayır. Ona aid olmadan müxtəlif kənt təsərrüfatı maşınlarının ehtiyat hissələrini Lalafo.az sayıtı vasitəsi ilə satışa çıxartmış və 01 oktyabr 2023-cü il tarixdə saat 12:00 radələrində Astara rayonu, Ərcivan qəsəbə sakini zərərçəkmiş Zərərçəkmiş şəxs həmin mallara görə onun kart hesabına 215 manat pul köcürtmüşdür. O, vəd verdiyi kənt təsərrüfatı maşınlarının ehtiyat hissələrini zərərçəkmiş Zərərçəkmiş şəxsn verməmişdir. Hazırda əməlindən peşman olmuşdur. Bir daha belə əməllərə yol verməyəcəkdir. Məhkəmədən barəsində yüngül tənbeh tədbiri tətbiq edilməsini xahiş edir. Məhkəmə iclası zamanı Zərərçəkmiş şəxs verdiyi izahtında göstərdi ki, o, Astara rayonu, Ərcivan qəsəbəsində yaşayır. Şəxs Mübariz oğlu müxtəlif kənt təsərrüfatı maşınlarının ehtiyat hissələrini Lalafo.az sayıtı vasitəsi ilə satışa çıxartmış və o, 01 oktyabr 2023-cü il tarixdə saat 12:00 radələrində həmin mallara almaq üçün Şəxs Mübariz oğlunun kart hesabına 215 manat pul köcürtmüşdür. Hal-hazırda dəymiş ziyanı ödəməmişdir. Odur ki, Şəxs Mübariz oğlundan şikayətçidir və ona ən ağır cəza verilməsini məhkəmədən xahiş edirəm. Məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs Mübariz oğlunun bu xətanı törətməsi inzibati xəta haqqında tərtib edilmiş protokol və işin digər materialları ilə tam sübuta yetirilmişdir. İş materiallarında olan inzibati qaydada tutma haqqında 21 noyabr 2023-cü il tarixli protokoldan görünür ki, X2 21 noyabr 2023-cü il tarixdə, saat 04:30-dan inzibati qaydada tutulmuşdur. Azərbaycan Respublikası İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İnzibati Xətalar Məcəlləsinin 227-ci maddəsinə əsasən xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə yüz altmış saatdan iki yüz qırx saatadək ictimai işlər və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq edilir. Azərbaycan Respublikası İnzibati Xətalar Məcəlləsinin 4-cü maddəsinə əsasən ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta haqqında iş üzrə icraat aparılan şəxs X1 məsuliyyətini yüngülləşdirən və ağırlaşdıran hallar müəyyən edilmədi. Barəsində inzibati xəta haqqında iş üzrə icraat aparılan şəxs X3 qarşı inzibati tənbeh tətbiq edərkən məhkəmə onun şəxsiyyətini, xətanın xarakterini, təqsirinin dərəcəsini, ailə vəziyyətini, 21 noyabr 2023-cü il tarixdə, saat 04:30-dan inzibati qaydada tutulmasını nəzərə alıb məhkəmə ona istinad edilən maddənin sanksiyasında nəzərdə tutulmuş müəyyən müddətə inzibati həbs tənbehinin təyin edilməsini məqsədəmüvafiq bilmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: İnzibati xətanı törətmiş Şəxs Mübariz oğlu Azərbaycan Respublikası İnzibati Xətalar Məcəlləsinin 227-ci maddəsi ilə təqsirli bilinib 25 (iyirmi beş) gün müddətinə inzibati həbs edilsin. İnzibati həbsin müddəti 21 noyabr 2023-cü il tarixdən, saat 04:30-dan hesablansın. Qərarın icrası Astara rayon Polis şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində inzibati xəta haqqında işüzrə qərardan Astara Rayon Məhkəməsi vasitəsilə və ya birbaşa Şirvan Apelyasiya Məhkəməsinə apelyasiya şikayəti verilə bilər. Hakim: Mübariz Məmmədov