Astara Rayon Məhkəməsi Qərar — İş №3(018)-1040/2023

Azərbaycan Respublikası adından QƏRAR Astara rayonu İş № 3(018)-1040/2023 01.12.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi və barəsində inzibati icraat aparılan şəxs Şəxs və zərərçəkmiş şəxs X1 iştirakları ilə, xx xxxxxx 1975-ci il tarixdə Astara rayonu, Şahağacı kəndində anadan olmuş, Azərbaycan Respublikası vətəndaşı, orta təhsilli, evli, işləməyən, Astara rayonu, Çayoba kəndində qeydiyyatda olmaqla həmin kənddə yaşayan Şəxs haqqında Azərbaycan Respublikası İnzibati Xətalar Məcəlləsinin 157-ci maddəsi ilə Astara rayon Polis şöbəsindən daxil olmuş inzibati xətaya dair materiala Astara Rayon Məhkəməsinin inzibati binasında baxaraq, məhkəmə MÜƏYYƏN ETDİ: Şəxs 23 oktyabr 2023-cü il tarixdə, saat 11:00 radələrində Astara rayonu, Çayoba kəndində Zərərçəkmiş şəxs Balahəsən qızı ilə aralarında baş vermiş mübahisə zamanı sonuncunun sacından tutub dartmaqla onu döyərək, ona dərəcəsi təyin edilməyən xəsarətlər yetirmişdir. Bununla da Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətmişdir. Baş vermiş sağlamlıq əleyhinə olan inzibati xəta hadisəsi ilə əlaqədar Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsinə dair 02 avqust 2023-cü il tarixli, MN ******* saylı inzibati xəta haqqında protokol və ona əlavə edilmiş digər rəsmi sənədlər baxılması üçün Astara Rayon Məhkəməsinə göndərilmişdir. Məhkəmə iclası zamanı barəsində inzibati icraat aparılan şəxs Şəxs vermiş olduğu izahatında göstərdi ki, Astara rayonu, Çayoba kəndində ailəsi ilə birlikdə yaşayır. Himayəsində 1 nəfər azyaşlı uşaq vardır. Zərərçəkmiş şəxs Balahəsən qızı onun qonşusudur. Ancaq son vaxtlar oğlu ilə omum aralarında olan münasibətləri gərginləşmişdir. Buna görə aralarında tez-tez mübahisə baş vermişdir. 23 oktyabr 2023-cü il tarixdə, saat 11:00 radələrində Astara rayonu, Çayoba kəndində onunla Zərərçəkmiş şəxs Balahəsən qızı qızının mübahisə baş vermişdir. Həmin vaxtı Zərərçəkmiş şəxs Balahəsən qızı kəfgirlə onu vurmuş, o da onun sacından tutmuşdur. Məhkəmə iclası zamanı Zərərçəkmiş şəxs Balahəsən qızı vermiş olduğu izahatında göstərdi ki, Astara rayonu, Çayoba kəndində ailəsi ilə birlikdə yaşayır. Astara rayonu, Çayoba kəndindəki Mədəniyyət evində işləyir. Şəxs onun qonşusudur. Ancaq son vaxtlar oğlu ilə omum aralarında olan münasibətləri gərginləşmişdir. Buna görə aralarında tez-tez mübahisə baş vermişdir. 23 oktyabr 2023-cü il tarixdə, saat 11:00 radələrində Şəxs ilə onun guya onun arxasınca dalaşmasına görə aralarında mübahisə baş vermişdir. Onu əvvəl qaynanası Şəxs onu saclarını yolmuş, əli ilə onu qəsdən döymüşdür. Ona görə də Şəxs ilə barışmır və ona ən ağır cəza təyin edilməsini məhkəmədən xahiş etdi. İş materiallarında olan Azərbaycan Respublikası Səhiyyə Nazirliyinin Məhkəmətibbi ekspertiza və patoloji anatomiya birliyi publik hüquqi şəxsin Lənkəran rayonlararası MTE və PA şöbəsi tərəfindən verilmiş 24 oktyabr 2023-cü il tarixli, 317 saylı ekspert rəyindən görünür ki, Zərərçəkmiş şəxs Balahəsən qızının bədəni üzərində - döş qəfəsi, sağ əlin birinci barmağə, sol gözaltı nahiyəsində sıyrıqlar edilmişdir. Qeyd olunan xəsarətlər bərk küt əşyanın təsirindən törənmişlər. Hadisədən 1 gün əvvələ uyğun gəlir. Sağlamlığa zərər vurmayan xəsarətlər olduqları üçün dərəcələri təyin edilmir. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və ya sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla iki ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta haqqında iş üzrə icraat aparılan şəxs Şəxs məsuliyyətini yüngülləşdirən hal himayəsində 1 nəfər azyaşlı uşaq olmasını nəzərə alır. Onun barəsində ağırlaşdıran hallar müəyyən edilmədi. Barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən məhkəmə onun şəxsiyyətini, xətanın xarakterini, təqsirinin dərəcəsini, onun himayəsində 1 nəfər azyaşlı uşaq olmasını nəzərə alıb ona istinad edilən maddənin sanksiyasında nəzərdə tutulmuş inzibati cərimə tənbehinin təyin edilməsini məqsədə müvafiq bilmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə Q ə r a r a a l d ı: İnzibati xətanı törətmiş Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinərək 300 (üç yüz) manat cərimə edilsin. Qərarın icrası Astara rayon İcra və Probasiya Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Şirvan Apellyasiya Məhkəməsinə şikayət və protest verilə bilər. Hakim: Mübariz Məmmədov.