Astara Rayon Məhkəməsi Qərar — İş №3(018)-1054/2023

Azərbaycan Respublikası adından QƏRAR Astara rayonu İş № 3(018)-1054/2023 05.12.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi və barəsində inzibati icraat aparılan şəxs Şəxs və Zərərçəkmiş şəxs Məhərrəm oğlunun onun qanuni nümayəndəsi X1 iştirakları ilə, xx xxx 1990-cı il tarixdə Astara rayonu, Ərcivan qəsəbəsində anadan olmuş, Azərbaycan Respublikası vətəndaşı, orta təhsilli, evli, işləməyən, Astara rayonu, Təngərüd kəndində qeydiyyatda olmaqla həmin kənddə yaşayan Şəxs haqqında Azərbaycan Respublikası İnzibati Xətalar Məcəlləsinin 157-ci maddəsi ilə Astara rayon Polis şöbəsindən daxil olmuş inzibati xətaya dair materiala Astara Rayon Məhkəməsinin inzibati binasında baxaraq, məhkəmə MÜƏYYƏN ETDİ: Şəxs 27 oktyabr 2023-cü il tarixdə, saat 08:00 radələrində Astara rayonu, Şahağacı kəndində yaşadıqları evdə Zərərçəkmiş şəxs Məhərrəm oğlu ilə aralarında baş vermiş mübahisə zamanı sonuncunu bədənin müxtəlif nahiyələrindən yumruq və təpiklə vuraraq, onu qəsdən döyməklə ona dərəcəsi təyin edilməyən xəsarətlər yetirmişdir. Bununla da Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətmişdir. Baş vermiş sağlamlıq əleyhinə olan inzibati xəta hadisəsi ilə əlaqədar Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsinə dair 05 dekabr 2023-cü il tarixli, MN ******* saylı inzibati xəta haqqında protokol və ona əlavə edilmiş digər rəsmi sənədlər baxılması üçün Astara Rayon Məhkəməsinə göndərilmişdir. Məhkəmə iclası zamanı barəsində inzibati icraat aparılan şəxs Şəxs vermiş olduğu izahatında göstərdi ki, Astara rayonu, Ərcivan qəsəbəsində ailəsi ilə birlikdə yaşayır. Astara-Şahağacı kəndi marşurut xətti üzrə sərnişin daşıması ilə məşğul olur. Zərərçəkmiş şəxs Məhərrəm oğlunu tanıyar, aralarında əvvəllər də mübahisələri olmuşdur. 27 oktyabr 2023-cü il tarixdə, saat 08:00 radələrində idarə etdiyi mikroavtobus ilə sərnişin daşıyarkən Zərərçəkmiş şəxs Məhərrəm oğlu əl edib, mikroavtobusu saxlatmış və o, yerə düşərək Zərərçəkmiş şəxs Məhərrəm oğluna onu mikroavtobusa götürməyəcəyini bildirmiş, buna görə aralarında mübahisə baş vermişdir. Həmin vaxtı o, Zərərçəkmiş şəxs Məhərrəm oğlunu kənara itələmiş, ancaq döyməmişdir. Məhkəmə iclası zamanı Zərərçəkmiş şəxs Məhərrəm oğlu vermiş olduğu izahatında göstərdi ki, Astara rayonu, Təngərüd kəndində ailəsi ilə birlikdə yaşayır. Şəxs tanıyır, mikroavtobusla sərnişin daşıyır. 27 oktyabr 2023-cü il tarixdə, saat 08:00 radələrində Şəxs idarə etdiyi mikroavtobusu saxlatmış və o, yerə düşərək onunla mübahisə etmişdir. Həmin vaxtı Şəxs yumruqla onun baş və üz nahiyəsinə vurmuş və çıxıb getmişdir. Ona görə də Şəxs ilə barışmır və ona ən ağır cəza təyin edilməsini məhkəmədən xahiş etdi. İş materiallarında olan Azərbaycan Respublikası Səhiyyə Nazirliyinin Məhkəmətibbi ekspertiza və patoloji anatomiya birliyi publik hüquqi şəxsin Lənkəran rayonlararası MTE və PA şöbəsi tərəfindən verilmiş 28 oktyabr 2023-cü il tarixli, 322 saylı ekspert rəyindən görünür ki, Zərərçəkmiş şəxs Məhərrəm oğlunun bədəni üzərində - başın təpə və burun nahiyəsində sıyrıq, aşkar edilmişdir. Qeyd olunan xəsarətlər bərk küt əşyanın təsirindən törənmişlər. Hadisədən bir gün əvvələ uyğun gəlir. Sağlamlığa zərər vurmayan xəsarətlər olduqları üçün dərəcələri təyin edilmir. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və ya sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla iki ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hallar müəyyən edilmədi. Barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən məhkəmə onun şəxsiyyətini, xətanın xarakterini, təqsirinin dərəcəsini, onun zərəçəkmiş şəxslə barışmağa cəhd etməməsini nəzərə alıb ona istinad edilən maddənin sanksiyasında nəzərdə tutulmuş inzibati həbs tənbehinin təyin edilməsini məqsədə müvafiq bilmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə Q ə r a r a a l d ı: İnzibati xətanı törətmiş Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinərək 15 (on beş) gün müddətinə inzibati həbs edilsin. İnzibati həbsin müddəti 05 dekabr 2023-cü il tarixdən, saat 17:10-dan hesablansın. Qərarın icrası Astara rayon Polis şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Şirvan Apellyasiya Məhkəməsinə şikayət və protest verilə bilər. Hakim: Mübariz Məmmədov.