Astara Rayon Məhkəməsi Qərar — İş №3(018)-1150/2023

Azərbaycan Respublikası adından QƏRAR Astara rayonu İş № 3(018)-1150/2023 29.12.2023 ASTARA RAYON MƏHKƏMƏSİ Astara rayon Məhkəməsinin hakimi İbrahimov Zamin Vəliyəddin oğlunun sədrliyi, hakim köməkçisi X1 oğlunun katibliyi, barəsində inzibati icraat aparılan Şəxs və Zərərçəkmiş şəxs iştirakları ilə, xx xxxxxx 1964-ci ildə Astara rayonun, Kijəbə qəsəbəsində anadan olmuş, Azərbaycan Respublikası vətəndaşı, FİN:xxxxxxx, orta təhsilli, evli, fərdi əməklə məşğul olan, Astara rayonun, Pensər kəndində qeydiyyatda olmaqla orada yaşayan - Şəxs haqqında Azərbaycan Respublikası İnzibati Xətalar Məcəlləsinin 157-ci maddəsi ilə Astara rayon Polis şöbəsindən daxil olmuş inzibati xətaya dair materiala Astara rayon Məhkəməsinin inzibati binasında baxaraq, məhkəmə MÜƏYYƏN ETDİ: Şəxs 22 oktyabr 2023-cü il tarixdə, saat 19:00 radələrində Astara rayonun, Pensər kəndində qonşusu Zərərçəkmiş şəxs ilə aralarında Zərərçəkmiş şəxs qızının Şəxs qohumu ilə ailə qurmaması səbəbindən baş vermiş mübahisə zamanı Zərərçəkmiş şəxs boyun nahiyəsindən vuraraq ona dərəcəsi təyin edilməyən xəsarətlər yetirmişdir. Bununla da Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətmişdir. Baş vermiş sağlamlıq əleyhinə olan inzibati xəta hadisəsi ilə əlaqədar Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməsinə dair inzibati xəta haqqında protokol və ona əlavə edilmiş digər rəsmi sənədlər baxılması üçün Astara rayon Məhkəməsinə göndərilmişdir. Məhkəmə iclası zamanı barəsində inzibati icraat aparılan Şəxs vermiş olduğu izahatında göstərdi ki, Zərərçəkmiş şəxs tanıyır, qonşusudur. Əvvəllər münasibətləri yaxşı olmuşdir. Bir müddət bundan qabaq qardaşı oğlu Zərərçəkmiş şəxs qızı ailə qurmuş və daha sonra qızı atasının evinə geri qaytarmışdır. Bundan sonra Zərərçəkmiş şəxs ilə münasibətləri pisləşmişdir. 22 oktyabr 2023-cü il tarixdə qonşusu Zərərçəkmiş şəxs axşam saatlarında yaşadığı evə gələrək onunla mübahisə etməyə başlamış, o, da özünü müdafiə etmək üçün Zərərçəkmiş şəxs boyun nahiyəsindən yapışaraq ona xəsarət yetirmişdir. Daha sonra ətrafdakılar onları ayırmasına baxmayaraq, Zərərçəkmiş şəxs onu nalayiq küçə söyüşlərlə söyüb təhqir etmişdir. Göstərilənlərin nəzərə alınmasını Məhkəmədən xahiş edir. Məhkəmə iclası zamanı Zərərçəkmiş şəxs vermiş olduğu izahatında göstərdi ki, Astara rayonun, Pensər kəndində ailəsi ilə birlikdə yaşayır. Heç yerdə işləmir. Şəxs tanıyır, onun qonşusudur. Əvvəllər münasibətləri çox yaxşı olmuşdur. Şəxs qohumu qızı Fatimə Babayeva ilə ailə qurmaq istəmiş, daha sonra qızını geri qaytarmışdır. Bir müddət sonra Şəxs onun qızı barəsində kənddə nalayiq ifadələr işlətmişdir. Belə ki, 22 oktyabr 2023-cü il tarixdə 19:00 radələrində Şəxs evinə getmiş və qızı barəsində niyə nalayiq ifadələrr işlətdiyin soruşmuşdur. Bu zaman Şəxs ilə mübahisələri düşmüş, Şəxs onun saçından yapışaraq boyun nahiyəsinə zərbələr vurmaqla ona xəsarət yetirmişdir. Hazırda Şəxs şikayətçidir. Onun barəsində inzibati tənbeh tədbirinin tətbiq edilməsini məhkəmədən xahiş edir. İş materiallarında olan Azərbaycan Respublikası Səhiyyə Nazirliyinin Məhkəmətibbi ekspertiza və patoloji anatomiya birliyi publik hüquqi şəxsin Lənkəran rayonlararası MTE və PA zona mərkəzi tərəfindən verilmiş 04 noyabr 2023-cü il tarixli, 1070 saylı ekspert əyindən görünür ki, Zərərçəkmiş şəxs boyun arxa hissəsinin qançırı müəyyən olunmuş, müəyyən olunan xəsarət bərk küt əşyaların törənmişdir. Sağlamlığa zərvurmayan xəsarət olduğu üçün dərəcəsi təyin edilmir. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və ya sair zorakı hərəkətlərlə qəsdən fiziki ağrı yetirməyə görə üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 4-cü maddəsinə əsasən ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran hallar müəyyən edilmədi. Barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən məhkəmə onun şəxsiyyətini, xətanın xarakterini, təqsirinin dərəcəsini, ailə vəziyyətini nəzərə alıb ona istinad edilən maddənin sanksiyasında nəzərdə tutulmuş inzibati cərimə tənbehinin təyin edilməsini məqsədəmüvafiq bilmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə Q ə r a r a a l d ı: İnzibati xətanı törətmiş Şəxs Azərbaycan Respublikası İnzibati Xətalar Məcəlləsinin 157-ci maddəsi ilə təqsirli bilinərək 300 (üç yüz) manat məbləğində cərimə edilsin. Qərarın icrası Astara rayon İcra və probasiya şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində inzibati xəta haqqında iş üzrə qərardan Astara rayon Məhkəməsi vasitəsilə və ya birbaşa Şirvan Apelyasiya Məhkəməsinə apelyasiya şikayəti verilə bilər. Hakim: Zamin İbrahimov