Astara Rayon Məhkəməsi Qərar — İş №3(018)-164/2025

Azərbaycan Respublikası adından QƏRAR Astara rayonu İş № 3(018)-164/2025 27.02.2025 ASTARA RAYON MƏHKƏMƏSİ X13 Aslan oğlunun sədrliyi, Qafarov Elvin Namik oğlunun katibliyi, Protokol tərtib etmiş şəxs X2, Tələbkar Zərərçəkmiş şəxs nümayəndəsi X3, Barəsində inzibati xəta haqqında iş üzrə icraat aparılan şəxs-Şəxs və nümayəndəsi X4 iştirakları ilə, xx.xx.1983-cü ildə Astara rayonunda anadan olmuş, Azərbaycan Respublikasının vətəndaşı, evli, işsiz, ünvan 1 ünvanda yaşayan Şəxs barəsində Astara rayon İcra və Probasiya Şöbəsindən daxil olmuş inzibati xəta haqqında protokolara və ona əlavə edilmiş sənədlərə baxaraq, məhkəmə Müəyyənetdi: xx.xx.2025-ci il tarixli, MN seriyalı ******* nömrəli inzibati xəta haqqında protokola əsasən, Şəxs üç icra sənədini icra etməkdən yayınmaqla tələbkar Zərərçəkmiş şəxs 20086 (iyirmi min səksən altı) manat borcu vardır. xx.xx.2025-ci il tarixli, MN seriyalı ******* nömrəli inzibati xəta haqqında protokola əsasən, Şəxs Astara Rayon Məhkəməsi tərəfindən verilmiş xx.xx.2022-ci il tarixli 3(018)-344/2022 saylı inzibati qərar üzrə 500 (beş yüz) manat cəriməni ödəməkdən yayınmışdır. Məhkəmədə protokol tərtib etmiş şəxs X5 bildirdi ki, Şəxs üç icra sənədini icra etməkdən yayınmaqla tələbkar Zərərçəkmiş şəxs 20086 (iyirmi min səksən altı) manat borcu vardır. Şəxs Astara Rayon Məhkəməsi tərəfindən verilmiş xx.xx.2022-ci il tarixli 3(018)-344/2022 saylı inzibati qərar üzrə 500 (beş yüz) manat cəriməni ödəməkdən yayınmışdır. Məhkəmədə barəsində inzibati xəta haqqında iş üzrə icraat aparılan şəxs Şəxs bildirdi ki, alimenti əsasən ödəyir, ikinci ailə qurub və bir uşağı var. Maddi imkanı çox aşağıdır, icra sənədlərini icra etməli olduğunu başa düşür, lakin maddi imkanı buna yol vermir. Məhkəmədə barəsində inzibati xəta haqqında iş üzrə icraat aparılan şəxs Şəxs nümayəndəsi X6 göstərdi ki, oğlunun maddi imkanı çox aşağıdır, imkan olduqca ödənişlər edir. Xahiş edirki oğlu Şəxs barəsində yüngül inzibati tənbeh cəzası tətbiq edilsin. Məhkəmədə tələbkar Zərərçəkmiş şəxs nümayəndəsi X7 bildirdi ki, Şəxs Zərərçəkmiş şəxs 20086 (iyirmi min səksən altı) manat borcu vardır. Son bir il ərzində aliment ödəməyib. Şikayətçidir. İş materiallarında olan sənədlərdən görünür ki, Astara Rayon Məhkəməsi tərəfindən verilmiş 2(018)-617/2019 saylı, 15 iyul 2019-cu il tarixli icra sənədinin tələbinə əsasən Şəxs X1 yetkinlik yaşına çatana kimi saxlanılması üçün hər ay 110 manat aliment alınaraq Zərərçəkmiş şəxs verilməlidir. Astara Rayon Məhkəməsi tərəfindən verilmiş 2(018)-617/2019 saylı, 15 iyul 2019-cu il tarixli icra sənədi üzrə borclu Şəxs Zərərçəkmiş şəxs Ravail qızına 550 manat aliment borcu vardır. Astara Rayon Məhkəməsi tərəfindən verilmiş 2(018)-795/2016 saylı, 14 aprel 2016-cı il tarixli icra sənədinin tələbinə əsasən Şəxs X1 müalicəsi ilə bağlı hər ay 200 manat pul alınaraq tələbkar Zərərçəkmiş şəxs verilməlidir. Astara Rayon Məhkəməsi tərəfindən verilmiş 2(018)-795/2016 saylı, 14 aprel 2016-cı il tarixli icra sənədi üzrə borclu Şəxs tələbkar Zərərçəkmiş şəxs 17576 manat uşağın müalicəsi ilə bağlı borcu vardır. Şirvan Apellyasiya Məhkəməsi tərəfindən verilmiş 2(106)- 1057/2024 saylı, 20 iyun 2024-cü il tarixli icra sənədinin tələbinə əsasən Şəxs Zərərçəkmiş şəxs xeyrinə X1 yetkinlik yaşına çatana kimi saxlanılması üçün alimentin miqdarı artırılaraq hər ay 170 manat müəyyən olunmuşdur. Şirvan Apellyasiya Məhkəməsi tərəfindən verilmiş 2(106)-1057/2024 saylı, 20 iyun 2024-cü il tarixli icra sənədi üzrə Şəxs tələbkar Zərərçəkmiş şəxs 1960 manat aliment brcu vardır. İş materialında olan Astara Rayon Məhkəməsinin 3(018)-344/2022 saylı, xx.xx.2022-ci il tarixli icra sənədinə əsasən əsasən Şəxs 500 (beş yüz) manat inzibati qaydada tənbeh edilmişdir. Məhkəmə barəsində inzibati xəta haqqında iş üzrə icraat aparılan şəxsi, tələbkarı, protokol tərtib etmiş şəxsi, inzibati xəta haqqında protokolu və işdə olan sənədləri tədqiq edərək hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci və 529.2-ci maddələrində nəzərdə tutulmuş inzibati xətanı törətməsi sübuta yetirilir. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Azərbaycan Respublikası İnzibati Xətalar Məcəlləsinin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Azərbaycan Respublikası İnzibati Xətalar Məcəlləsinin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən bu Məcəllənin 528.1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərarın qanuni qüvvəyə mindiyi gündən bir il ərzində eyni icra sənədinə münasibətdə təkrar törədilməsinə görə-fiziki şəxslər min manatdan min beş yüz manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla iki ayadək müddətə inzibati həbs tətbiq olunur, vəzifəli şəxslər iki min beş yüz manatdan dörd min manatadək məbləğdə, hüquqi şəxslər beş min manatdan yeddi min manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 529.2-ci maddəsinə əsasən Yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında məhkəmə qərarının qanuni qüvvəyə mindiyi gündən 25 gün müddətində qanunla müəyyən edilmiş əsaslar olmadan icra edilməməsinə görə-yüz altmış saatdan iki yüz qırx saatadək ictimai işlər, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə üç ayadək müddətə inzibati həbs tətbiq olunur. Məhkəmə Azərbaycan Respublikası İnzibati Xətalar Məcəlləsinin 32-ci maddələrinə əsasən Şəxs məsuliyyətini yüngülləşdirən hal aşkar etmədi. Məhkəmə Azərbaycan Respublikası İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hal aşkar etmədi. Şərh edilənləri nəzərə alaraq, məhkəmə inzibati xəta törətmiş Şəxs barəsində Azərbaycan Respublikası İXM-nin 528.1-ci və 529.2-ci maddələri ilə inzibati tənbeh tətbiq edərkən, Azərbaycan Respublikası İnzibati Xətalar Məcəlləsinin 34.3-cü maddəsinin tələbini və xətanın xarakterini, onun şəxsiyyətini, təqsirinin dərəcəsini, əmlak vəziyyətini, məsuliyyətini yüngülləşdirən və məsuliyyətini ağırlaşdıran halın olmasını nəzərə alıb onun barəsində inzibati həbs növündə inzibati tənbeh edilməsi nəticəsinə gəlir. Azərbaycan Respublikası İnzibati Xətalar Məcəlləsinin 114.1.1-ci maddəsinə əsasən inzibati xəta haqqında işə baxılarkən inzibati tənbeh vermə haqqında qərar çıxarılır. Qeyd olunanlara əsasən və Azərbaycan Respublikası İXM-nin 528.1, 529.2, 48-51-ci, 114-cü və 128-130-cu maddələrini rəhbər tutaraq, məhkəmə Qərara aldı: Şəxs Azərbaycan Respublikasının İnzibati Xətalar Məcəlləsinin 528.1-ci və 529.2-ci maddələri ilə təqsirli bilinərək barəsində 23 (iyirmi üç) gün müddətində inzibati həbs tətbiq edilsin. İnzibati həbs haqqında qərar dərhal icra edilsin. İnzibati həbsdə saxlamanın əvvəli xx.xx.2025-ci il tarixdən saat 10:00-dan hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti rəsmi qaydada təqdim edildiyi və ya alındığı gündən 10 gün müddətində Astara Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Sədrlik edən: İlqar Məmmədov