Astara Rayon Məhkəməsi Qərar — İş №3(018)-186/2023

Azərbaycan Respublikası adından QƏRAR Astara rayonu İş № 3(018)-186/2023 26.02.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi və hakim köməkçisi Paşabəyli Yusifkamal Elçin oğlunun katibliyi, barəsində inzibati xəta haqqında iş aparılan oğlunun katibliyi və barəsində inzibati icraat aparılan Şəxs iştirakı ilə, 15 mart 1980-cı ildə Astara rayonu Miki kəndində anadan olmuş, Azərbaycan Respublikası vətəndaşı, orta təhsilli, evli, işləməyən, Astara rayonu Miki kəndində qeydiyyatda olmaqla orada yaşayan, Şəxs haqqında Azərbaycan Respublikası İnzibati Xətalar Məcəlləsinin 535.1-ci maddələri ilə Astara rayon polis şöbəsindən daxil olmuş inzibati xətaya dair materiala Astara rayon Məhkəməsinin inzibati binasında baxaraq, məhkəmə MÜƏYYƏN ETDİ: Şəxs 25 fevral 2023-cü il il tarixdə, saat 23:40-da Astara rayonu Voqadi kəndində, ictimai qaydanın mühafizə sahəsində xidməti vəzifələrini icra edən Astara Rayon Polis şöbəsinin əməkdaşlarına qarşı kobudluq edərək onların qanuni tələblərinə qəsdən tabe olmamışdır ki, bununla da o, Azərbaycan Respublikası İnzibati Xətalar Məcəlləsinin 535.1ci maddəsində nəzərdə tutulmuş inzibati xətanı törətmişdir. Baş vermiş idarəçilik qaydaları əleyhinə olan inzibati xəta hadisəsi ilə əlaqədar Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməsinə dair inzibati xəta haqqında 25 fevral 2023-cü il tarixli, MN ******* saylı inzibati xəta haqqında protokol tərtib edilmiş, həmin protokol və ona əlavə edilmiş digər rəsmi sənədlər baxılması üçün Astara rayon Məhkəməsinə göndərilmişdir. Məhkəmə iclası zamanı barəsində inzibati icraat aparılan Şəxs vermiş olduğu izahatında göstərdi ki, o, Astara rayonu Miki kəndində qeydiyyatda olmaqla orada yaşayır. 25 fevral 2023-cü il il tarixdə, saat 22:00-də yaşadığı evdə ailədaxili münaqişə zəmnində X1 ilə dalaşmışdır. X1 Azərbaycan Respublikası DİN 102 xidmətinə zəng edib, ondan şikayət etmişdir. Həmin gün saat 23:00-də polis əməkdaşları onlara gəlmişlər. X1 da öz istəyi ilə onlarla getmişdir. Buna görə də o, əsəbləşdiyinə görə öz maşını polis avtomobilini arxasınca sürmüş, kənd ərazisində avtomobili polislərin avtomobilinə toxunmuşdur. Polislər avtomobili saxlayıb, onu intizama dəvət etmişlər. O, ucadan səs-küy salmış, ünvansız söyüşlər söymüşdür. Polis əməkdaşlarına əhəmiyyət verməyərək öz hərəkətlərini davam etdirmişdir. Hal-hazırda əməlindən peşman olnuşdur. Məhkəmə iclası zamanı şahid qismində dindirilən Astara Rayon Polis Şöbəsinin əməkdaşı, X3 izahat verərək bildirdi ki, Astara rayon Polis Şöbəsində polis nəfəri vəzifəsində işləyir. O, digər polis əməkdaşları ilə birlikdə 25 fevral 2023-cü il tarixdə, saat 23:00-də Azərbaycan Respublikası DİN 102 xidmətinə edilən zəng ilə əlaqədar Astara rayonu Vaqodi kəndində getmişlər. X2 əri Şəxs şikayət edərək, onu döyüb, incitməsini bildirib, onlardan onu Astara şəhərinə aparmağı xahiş etmişdir. Onlar polis avtomobilinə minib, geri qayıdarkən Şəxs özünəməxsus avtomobili 3 dəfə arxadan polis avtomobilinə vurmuçdur. Onlar avtomobuldən düşərkən Şəxs ucadan, ünvansız nalayiq ifadələr işlədərək səs-küy salmışdır. Onlar Şəxs intizama dəvət etmişlər. Ancaq Şəxs onlara qarşı nalayiq ifadələr işlədərək onların qanuni tələblərinə tabe olmamışdır. Məhkəmə iclası zamanı şahid qismində dindirilən Astara Rayon Polis Şöbəsinin əməkdaşı, X4 da əsaən şahid X3 ilə eyni məzmunlu ifadə verdi. İnzibati materiala əlvə edilmiş inzibati qaydada tutma protokolundan məlum olr ki, Şəxs 25 fevral 2023-cü il tarixdə, saat 23:40-da inzibati qaydada tutilmuşdur. Məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs qeyd olunan xətanı törətməsi inzibati xəta haqqında tərtib edilmiş protokol və işin digər materialları ilə tam sübuta yetirilmişdir. Azərbaycan Respubliksı İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 13-cü maddəsinə əsasən inzibati xəta törətmiş şəxs öz əməlinin (hərəkətinin və ya hərəkətsizliyinin) hüquqazidd xarakterini dərk etmiş, onun zərərli nəticələrini qabaqcadan görmüş və bunları arzu etmişirsə, yaxud belə nəticələrin baş verməsinə şüurlu surətdə yol vermişdirsə, bu xəta qəsdən törədilmiş xəta hesab olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Həmin Məcəllənin 4-cü maddəsinə əsasən ədalətlilik inzibati xətalar qanunvericiliyinin əsas prinsiplərindən biridir. Həmin Məcəllənin 6.1-ci maddəsinə əsasən, inzibati xətalara görə inzibati tənbeh bu Məcəlləyə uyğun olaraq tətbiq edilir. Həmin Məcəllənin 9-cu maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən, fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Barəsində inzibati xəta haqqında iş üzrə icraat aparılan şəxs Şəxs məsuliyyətini ağırlaşdıran və yüngülləşdirən hallar müəyyən edilmədi. Barəsində inzibati xəta haqqında iş üzrə icraat aparılan şəxs Şəxs qarşı inzibati tənbeh tətbiq edərkən məhkəmə onun şəxsiyyətini, xətanın xarakterini, təqsirinin dərəcəsini, qərəzli olmasını nəzərə alaraq, ona istinad edilən maddənin sanksiyasında nəzərdə tutulmuş inzibati həbs cəzasının təyin edilməsini məqsədə müvafiq bilmişdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq, məhkəmə QƏRARA A L D İ: İnzibati xətanı törətmiş Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək 20 (iyirmi) gün müddətinə inzibati həbs edilsin. İnzibati həbsin müddəti 25 fevral 2023-cü il tarixdə, saat 23:40-dan hesablansın. Qərarın icrası Astara rayon Polis şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Şirvan Apellyasiya Məhkəməsinə şikayət və protest verilə bilər Hakim: Mübariz Məmmədov